Top 5 Affordable cars: బైక్ కొనేవారు కూడా కారు ఈజీగా కొనవచ్చు! టాప్ 5 చౌకైన ఫ్యామిలీ కార్లు ఇవే

Top 5 Cheapest Cars: భారత మార్కెట్లో అత్యంత చౌకైన టాప్ 5 కార్ల వివరాలు ఇక్కడ అందిస్తున్నాం. టాటా, మారుతి, రెనాల్డ్ కంపెనీ కార్లు ఈ జాబితాలో చోటు దక్కించుకున్నాయి.

బైక్ కొనేవారు కూడా కారు ఈజీగా కొనవచ్చు

Source : Tata Motors/ Maruti

కారు కొనాలి అని చాలా మంది కలలు కంటారు. కానీ వారి ఫ్యామిలీ ఖర్చులు, బడ్జెట్ ఇతర అవసరాలు ఉన్న కారణంగా కారు కొనడాన్ని వాయిదా వేస్తుంటారు. కొందరు కారు కొనాలన్న కలను సులభంగా నెరవేర్చుకుంటే, మరికొందరికి అందుకు ఏళ్లకు ఏళ్లు టైం పడుతుంది. భారత మార్కెట్లో కేవలం రూ. 3.49 లక్షల ప్రారంభ ధరతోనే కార్లు లభిస్తాయని అందరికీ తెలియదు. అవగాహన ఉన్నవారు ఎలాగోలా తమ కారు కల నెరవేర్చుకుంటున్నారు. దేశంలోని అత్యంత చౌకైన కార్ల జాబితాలో ఉన్న కొన్నింటి జాబితా ఇక్కడ అందిస్తున్నాం. మీరు రోజూ వాడే బైక్ నుండి కారుకు అప్‌గ్రేడ్ అవ్వాలనుకుంటే, ఈ చౌకైన కార్ల ధర, ఫీచర్ల వివరాలు తెలుసుకోండి. 

మారుతి ఎస్ ప్రెస్సో (Maruti S-Presso)

దేశంలోనే అత్యంత చౌకైన కారుగా Maruti S-Presso నిలిచింది. దీని STD (O) వేరియంట్ ధర గతంలో 4.26 లక్షల రూపాయలు ఉండగా, ఇప్పుడు ధర రూ.3.49 లక్షలకు తగ్గింది. అంటే వినియోగదారులకు సుమారు రూ. 76,600 ప్రయోజనం లభిస్తుంది. ధరలో దాదాపు 18 శాతం తగ్గింపు తర్వాత, బడ్జెట్ సెగ్మెంట్లో ఇది అత్యంత డిమాండ్ ఉన్న కార్లలో ఒకటిగా కొనసాగుతోంది. కొత్త జీఎస్టీ (GST) సంస్కరణల తర్వాత మారుతి ఎస్ ప్రెస్సో కారు దేశంలోనే అత్యంత చౌకైన కారుగా మారింది. 

మారుతి ఆల్టో కే10 (Maruti Alto K10)

ఒకప్పుడు మారుతి ఆల్టో K10 భారత్‌లో అత్యంత చౌకైన కారుగా ఉండేది. కానీ గత ఏడాది సెప్టెంబర్ నెలలో ప్రకటించిన జీఎస్టీ సంస్కరణతో ఇది రెండో స్థానానికి చేరుకుంది. దీని STD (O) వేరియంట్ ధర 3.69 లక్షల రూపాయలు. జీఎస్టీ సంస్కరణలు వచ్చిన తర్వాత, వినియోగదారులు ఈ కారు కొనుగోలుపై దాదాపు రూ.53,100 వరకు ఆదా చేస్తున్నారు. ఆల్టో K10 ఇప్పటికీ తక్కువ ధర, కస్టమర్లకు తన నమ్మకమైన పనితీరు (Performance) కారణంగా ఎంతో పాపులర్‌ అయింది. 

రెనాల్ట్ క్విడ్ (Renault Kwid)

అతి తక్కువ ధరకు లభించే జాబితాలో మూడవ కారు రెనాల్ట్ క్విడ్ (Renault Kwid). దీని 1.0 RXE వేరియంట్ ధర గతంలో 4.69 లక్షల రూపాయలు ఉండగా, ఇప్పుడు రూ.4.29 లక్షలకు విక్రయాలు జరుగుతున్నాయి. ఎస్‌యూవీ (SUV) వంటి స్టైలింగ్, బడ్జెట్-ఫ్రెండ్లీ ధర రెనాల్ట్ క్విడ్ కారును ఎంట్రీ-లెవల్ కస్టమర్లకు బెస్ట్ ఛాయిస్‌గా మార్చుతోంది. 

Tata Tiago

దేశంలో నాల్గవ అతి చౌకైన కారు Tata Tiago. టియాగో XE వేరియంట్ ధర ప్రస్తుతం రూ. 4.57 లక్షల నుండి ప్రారంభమవుతుంది. అంటే వినియోగదారులకు ఏకంగా రూ.42,500 వరకు లాభం చేకూరుతుంది. బలమైన బిల్డ్ క్వాలిటీతో పాటు స్టైలిష్ లుక్స్ కారణంగా ఈ ధర వద్ద టాటా Tiago కారు వాల్యూ ఫర్ మనీ వెహికల్‌గా నిలుస్తోంది.

Maruti Celerio

భారత మార్కెట్లో చౌకైన కార్ల జాబితాలో Maruti Celerio చోటు దక్కించుకుంది. మారుతి సెలెరియో LXI వేరియంట్ ధర గతంలో రూ. 5.64 లక్షలు ఉండగా, ఇప్పుడు కారు ధర రూ. 4.69 లక్షలకు దిగొచ్చింది. ఈ కారు కొనుగోలుదారులకు సుమారు ₹94,100 ఆదా అవుతుంది. ఇది ఏకంగా కారు పాత ధరలో 17% తగ్గింపు అని చెప్పవచ్చు. దాంతో మారుతి సెలెరియో మరింత తక్కువ ధర కారుగా మారి కస్టమర్లను ఆకర్షిస్తోంది. 

మరిన్ని చదవండి

టాటా పంచ్‌ EV సిట్రోయెన్‌ eC3 - ఏ ఎలక్ట్రిక్‌ SUV కొనడం తెలివైన నిర్ణయం?

కేవలం 15,000 EMI తో Maruti Baleno కొనుగోలు చేస్తే ఎన్నేళ్ల వరకు లోన్ చెల్లించాలి