Ethanol Ready Bikes: త్వరలో మార్కెట్లోకి ఇథనాల్ రెడీ బైక్స్.. Royal Enfield నుంచి Yamaha వరకు వీటిపైనే ఫోకస్

Royal Enfield | భారత ఆటోమొబైల్ రంగంలో వేగంగా మార్పులు చోటుచేసుకుంటున్నాయి. ఈ మార్పు కేవలం ఎలక్ట్రిక్ వాహనాలకే కాలేదు. పెట్రోల్ ప్రత్యామ్నాలయపై కంపెనీలు ఫోకస్ చేస్తున్నాయి.

త్వరలో మార్కెట్లోకి ఇథనాలు బైకులు

Source : Royal Enfield

భారత ఆటోమొబైల్ రంగం వేగంగా మారుతోంది. ఇప్పుడు ఈ మార్పు కేవలం ఎలక్ట్రిక్ వాహనాలకే పరిమితం కాలేదు. పెట్రోల్‌పై ఆధారపడటాన్ని తగ్గించడానికి, కాలుష్యాన్ని మరింత  తగ్గించడానికి ప్రభుత్వం, ఆటోమొబైల్ కంపెనీలు కలిసి కొత్త ఇంధన వ్యవస్థలపై వర్క్ చేస్తున్నాయి. ఈ దిశగా ఇప్పుడు ఇథనాల్-రెడీ బైక్‌లపై పనులు జరుగుతున్నాయి. ఇవి కేవలం సాధారణ పెట్రోల్‌తోనే కాకుండా ఇథనాల్ కలిపిన పెట్రోల్ (E20, E85 వంటివి) తో కూడా వెళ్తాయి. దాంతో మీ ప్రయాణాన్ని మరింత తేలిక చేస్తాయి.  

భారత్‌లోని కొన్ని ప్రధాన టూవీలర్ కంపెనీలకు చెందిన ఇలాంటి బైక్‌లు టెస్టింగ్ సమయంలో కనిపించాయి. వీటిలో Royal Enfield, సుజుకీ (Suzuki) Yamaha Motor Company వంటి ప్రముఖ కంపెనీల పేర్లు ఉన్నాయి. ఈ కంపెనీల కొన్ని ప్రోటోటైప్ బైక్‌లు రోడ్డుపై టెస్టింగ్ సమయంలో కనిపించడంతో వైరల్ అవుతున్నాయి. ఇది రాబోయే రోజుల్లో  భారత్‌లో ఫ్లెక్స్-ఫ్యూయల్ టెక్నాలజీ కలిగిన బైక్‌లకు షిఫ్ట్ చేయనున్నాయి. 

ఇథనాల్ అంటే ఏమిటి?
ప్రభుత్వం తరపున కూడా ఆటో కంపెనీలకు మంచి ప్రోత్సాహం లభిస్తోంది. భవిష్యత్తులో ఇథనాల్ బ్లెండింగ్‌ను E85, అంతకంటే ఎక్కువ స్థాయికి తీసుకువెళ్లాలని యోచిస్తున్నారు. దీని ఉద్దేశ్యం కేవలం ఇంధన ధర, దిగుమతులపై ఆధారపడటాన్ని తగ్గించడం మాత్రమే కాదు. రోజురోజుకూ కాలుష్యాన్ని నియంత్రించడం. ఇథనాల్ అనేది చెరకు, ఇతర వ్యవసాయ ఉత్పత్తుల నుండి తయారు అవుతున్న ఒక బయో-ఫ్యూయల్. అందువల్ల ఇది పర్యావరణానికి సాపేక్షంగా మెరుగైనదిగా భావిస్తారు. పెట్రోల్, డీజిల్ కంటే తక్కువ కాలుష్యాన్ని విడుదల చేస్తుంది. 

Royal Enfield కి చెందిన ఒక బైక్ టెస్టింగ్ సమయంలో అత్యధికంగా చర్చల్లో నిలిచింది. దీని ఒక టెస్ట్ మోడల్‌ రోడ్డుపై కనిపించడంతో దీనిపై ఆశలు పెరుగుతున్నాయి. దానిపై E85 fuel అనే స్టిక్కర్ ఉంది. అంటే ఈ బైక్ 85 శాతం ఇథనాల్ కలిపిన ఇంధనంతో డ్రైవ్ చేయడానికి రెడీ చేస్తున్నారు. లేదా కనీసం ఆ స్థాయి టెస్టింగ్‌ చేస్తున్నారని అర్థం చేసుకోవచ్చు.  డిజైన్ చాలా వరకు ప్రస్తుత మోడల్ లాగే ఉంది. కానీ ఇంజిన్, ఫ్యూయల్ సిస్టమ్‌లో తగినట్లు మార్పులు చేశారు. ఈ తద్వారా ఇథనాల్‌తో ఎక్కువ కాలం నడిచినా ఎలావంటి ఇబ్బంది కలగవు.

పలు మోడళ్లపై టెస్టింగ్ 
అదేవిధంగా Suzuki, యమహా మోటార్ కంపెనీ (Yamaha Motor Company) కూడా తమ మోడళ్లపై పనిచేస్తున్నాయి. ఈ కంపెనీల వెహికల్స్ గురించి ఎక్కువ వివరాలు బహిర్గతం కాలేదు. కానీ ఈ కంపెనీలు తమ పాపులర్ కమ్యూటర్, మిడ్-సెగ్మెంట్ బైక్‌లను భవిష్యత్ ఇంధన ప్రమాణాలకు అనుగుణంగా సిద్ధం చేస్తున్నాయి. ముఖ్యంగా 100cc నుంచి 350cc సెగ్మెంట్‌లో ఈ సాంకేతికతను వేగంగా అమలు చేసే అవకాశం ఉంది. భారత్‌లో ఈ సెగ్మెంట్ అతిపెద్ద బైక్ మార్కెట్.

ఇథనాల్-రెడీ బైక్‌ల వల్ల ప్రయోజనం..
కొత్తగా సిద్ధం అవుతున్న ఈ ఇథనాల్ బైకులతో కలిగే అతిపెద్ద ప్రయోజనం ఏమిటంటే.. ఎక్కువ సాంకేతిక సమస్యలు లేకుండా పలు రకాల ఇంధనాలతో వెళ్తాయి. దీనివల్ల పెట్రోల్‌లో ఎంత ఇథనాల్ కలిసి ఉందనే ఆందోళన ఉండదు. అలాగే, ఇథనాల్ వాడకం వల్ల కర్బన ఉద్గారాలు కొంతమేర తగ్గే అవకాశం ఉండటంతో ఇది పర్యావరణానికి కూడా మేలు చేస్తుంది.

మరిన్ని చదవండి

అత్యధిక రీసేల్ వాల్యూ కలిగిన టూవీలర్స్ ఇవే.. 3 ఏళ్ల తర్వాత తగ్గని క్రేజ్

మంచి మైలేజీ ఇస్తూ బడ్జెట్‌లో వచ్చే బైక్‌లు ఇవే! ధర, ఫీచర్స్‌ గురించి తెలుసుకోండి!