Hyundai Tucson SUV Price: హ్యుండాయ్ టక్సన్ ధర రివీల్ చేసిన కంపెనీ - మొదటిసారి ఆ ఫీచర్‌తో!

హ్యుండాయ్ కొత్త టక్సన్ కారు ధరను కంపెనీ రివీల్ చేసింది.

హ్యుండాయ్ కొత్త టక్సన్ ధరను కంపెనీ రివీల్ చేసింది.

హ్యుండాయ్ తన నాలుగో తరం టక్సన్ ఎస్‌యూవీ ధరను రివీల్ చేసింది. రెండు ట్రిమ్ లెవల్స్‌లో ఈ కారు మార్కెట్లోకి ఎంట్రీ ఇచ్చింది. వీటిలో బేస్ మోడల్ అయిన ప్లాటినం ట్రిమ్ ధర రూ.27.69 లక్షల నుంచి ప్రారంభం కానుంది. టాప్ ఎండ్ వేరియంట్ అయిన సిగ్నేచర్ ట్రిమ్ మోడల్ ధర తెలియరాలేదు. దీనికి సంబంధించిన బుకింగ్స్ గత నెల జులై 19వ తేదీ నుంచి ప్రారంభం అయ్యాయి.

ముందు వెర్షన్ కంటే మెరుగైన ఫీచర్లతో ఈ కారును కంపెనీ లాంచ్ చేసింది. ఇందులో లెవల్ 2 ఏడీఏస్ (అడ్వాన్స్‌డ్ డ్రైవర్ అసిస్ట్ సిస్టం) సహా మొత్తం 60కి పైగా కనెక్టివిటీ ఫీచర్లను కంపెనీ అందించింది. ఈ కారుకు ప్రధాన ఆకర్షణ ఇవే.

హ్యుండాయ్ కొత్త టక్సన్ కారును కంపెనీ మనదేశంలో గత నెలలోనే రివీల్ చేసింది. అయితే అప్పుడు ధరను ప్రకటించలేదు. క్రెటా, అల్కజార్‌లను మించే స్థాయిలో ఫ్లాగ్ షిప్ ఫీచర్లతో ఈ కారు మార్కెట్లో లాంచ్ కానుంది. మనదేశంలో హ్యుండాయ్ విక్రయించే వెర్షన్‌లో పెద్ద వీల్ బేస్‌ను అందించనున్నారు.

ఈ టక్సన్ కొత్త తరం డిజైన్‌తో రానుంది. ఈ మోడల్‌లో 18 అంగుళాల అలోయ్ వీల్స్‌ను కూడా కంపెనీ అందించింది. 10.25 అంగుళాల డిజిటల్ ఇన్‌స్ట్రుమెంట్ క్లస్టర్ కొత్త టక్సన్‌లో ఉంది. కనెక్టెడ్ కార్ టెక్నాలజీ వంటి ఎన్నో లేటెస్ట్ ఫీచర్లు ఇందులో అందించారు..

పనోరమిక్ సన్‌రూఫ్, వెంటిలేటెడ్ సీట్లు, డ్యూయల్ టోన్ క్లైమెట్ కంట్రోల్, ఫుల్లీ డిజిటల్ డయల్స్, 360 డిగ్రీ కెమెరా, బోస్ ఆడియో సిస్టం, రెండో వరుస సీట్లకు రిక్లెయినర్ లాంటి టాప్ క్లాస్ ఫీచర్లను హ్యుండాయ్ లేటెస్ట్ ఎస్‌యూవీలో చూడవచ్చు.

ఏడీఏఎస్ లెవల్ 3 ఫీచర్లు ఉన్న మొట్టమొదటి హ్యుండాయ్ కారు ఇదే. ఇక ఇంజిన్ ఆప్షన్ల విషయానికి వస్తే... కొత్త హ్యుండాయ్ టక్సన్ ఎస్‌యూవీలో 2.0 లీటర్ డీజిల్, 2.0 లీటర్ పెట్రోల్ ఇంజిన్లు ఉండనున్నాయి. ఈ రెండు ఇంజిన్లలోనూ ఆటోమేటిక్ గేర్ బాక్స్ వెర్షన్లే ఉండనున్నాయి. ఏడబ్ల్యూడీ/టెర్రెయిన్ మోడ్స్ కూడా అందించనున్నారు.

ఈ కారు అంతర్జాతీయ మార్కెట్లో 2020 సెప్టెంబర్‌లో లాంచ్ చేసింది. టక్సన్ ప్రపంచవ్యాప్తంగా హ్యుండాయ్ బెస్ట్ సెల్లర్‌గా నిలిచింది. అయితే మనదేశంలో మాత్రం టక్సన్ ఊహించిన సక్సెస్ కాలేదు. మరి ఈ కొత్త వెర్షన్ అయినా సక్సెస్ అవుతుందో లేదో చూడాల్సి ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Hyundai India (@hyundaiindia)