Hyderabad ఔటర్ రింగ్ రోడ్డుపై 11 ఏళ్ల బాలుడితో కారు డ్రైవింగ్.. తండ్రి అరెస్ట్, కారు స్వాధీనం

హైదరాబాద్ ఔటర్ రింగ్ రోడ్డుపై తన 11 ఏళ్ల కుమారుడికి కారు ఇచ్చి డ్రైవింగ్ చేయించిన తండ్రి అబ్దుల్ హాదీని రాజేంద్రనగర్ పోలీసులు అరెస్ట్ చేశారు. సోషల్ మీడియాలో వైరల్ అయిన వీడియో ఆధారంగా చర్యలు చేపట్టారు.

ఔటర్ రింగ్ రోడ్డుపై 11 ఏళ్ల బాలుడితో కారు డ్రైవింగ్..

Source : AI

Minor Drive Luxury Car on Outer Ring Road | హైదరాబాద్: పుత్రోత్సాహం మంచిదే, కానీ పిచ్చికి పరాకాష్టగా మారితేనే ప్రమాదాలు తప్పవు. హైదరాబాద్‌లో ఓ తండ్రి కొడుకు మీద పిచ్చి ప్రేమతో టీనేజ్ కూడా లేని కొడుకు చేతికి కారు స్టీరింగ్ ఇచ్చి డ్రైవింగ్ చేపించి సంబరపడ్డాడు. సీన్ కట్ చేస్తే జైలుకు వెళ్లి ఊచలు లెక్కించాల్సి వచ్చింది.

అసలేం జరిగిందంటే
ఔటర్ రింగ్ రోడ్ అంటేనే వాహనాలు అత్యంత వేగంగా దూసుకెళ్లే దారి. బాధ్యులు ఎవరైనా, ఏ చిన్న పొరపాటు జరిగినా ప్రాణాలు పోతాయి. అలాంటి ప్రమాదకరమైన ఓఆర్ఆర్ పై ఓ తండ్రి అత్యంత బాధ్యతారాహిత్యంగా వ్యవహరించాడు. తన 11 ఏళ్ల కుమారుడికి ఖరీదైన కారు స్టీరింగ్‌ ఇచ్చి డ్రైవింగ్‌ చేపించి మురిసిపోయాడు. తాను ఎంత పెద్ద తప్పు చేస్తున్నాను, చట్టప్రకారం అది ఎంతటి తీవ్రమైన నేరమనే విషయాన్ని మరిచిపోయి చిక్కుల్లో పడ్డాడు.

రాజేంద్రనగర్‌ ట్రాఫిక్‌ సీఐ సీహెచ్‌ రాజు తెలిపిన వివరాల ప్రకారం.. టోలీచౌకీ ప్రాంతానికి చెందిన అబ్దుల్‌ హాదీ ఇటీవల ఓ ఖరీదైన కారు కొన్నాడు. జూన్ 11వ తేదీ అర్ధరాత్రి సమయంలో ఔటర్‌ రింగ్ రోడ్డు (Hyderabad ORR)పై శంషాబాద్‌ నుంచి గచ్చిబౌలి వెళ్లే మార్గంలో తన మైనర్ కుమారుడికి నడిపేందుకు కారును ఇచ్చాడు. కనీసం టీనేజ్ కూడా లేని ఆ బాలుడు అర్ధరాత్రి వేళ ఓఆర్‌ఆర్‌పై కారును డ్రైవ్ చేశాడు.

అదే సమయంలో ఆ దారిలో మరో కారులో వెళ్తున్న ఓ వ్యక్తి బాలుడు డ్రైవింగ్ చేయడం చూసి ఆశ్చర్యపోయాడు. బాలుడు కారు నడుపుతుండగా వీడియో తీసి సోషల్ మీడియాలో పోస్టు చేశాడు. ఈ వీడియో ఇంటర్నెట్‌ను షేక్ చేసింది. పలువురు నెటిజన్లు ఎక్స్‌ వేదికగా ఆ వీడియోను ట్రాఫిక్‌ పోలీసుల అధికారిక ఖాతాకు ట్యాగ్‌ చేసి చర్యలు తీసుకోవాలని ఫిర్యాదు చేశారు.

ఆ వైరల్ అయిన వీడియో ఆధారంగా రాజేంద్రనగర్ పోలీసులు రంగంలోకి దిగి, దర్యాప్తు చేపట్టారు. నిఘా ఉంచి కారు నంబర్ ఆధారంగా యజమాని అబ్దుల్‌ హాదీని గుర్తించారు. డ్రైవింగ్‌ చేసింది అతడి 11 ఏళ్ల కుమారుడనే విషయం విచారణలో తెలడంతో పోలీసులు కారును స్వాధీనం చేసుకున్నారు. అనంతరం బాలుడి తండ్రిని అదుపులోకి తీసుకున్నారు. అత్యంత వేగంగా వాహనాలు దూసుకెళ్లే రహదారిపై బాలుడికి కారు ఇచ్చి తమ ప్రాణాలతో పాటు ఇతర వాహనదాలు ప్రాణాలు ప్రమాదంలోకి నెట్టేలా ప్రవర్తించడం, ట్రాఫిక్ నిబంధనలను ఉల్లంఘించినందుకు గానూ తండ్రి అబ్దుల్ హాదీపై పలు సెక్షన్ల కింద కేసులు నమోదు చేసినట్లు రాజేంద్రనగర్‌ ఇన్‌స్పెక్టర్‌ ముత్తుయాదవ్‌ వెల్లడించారు.

మరిన్ని చదవండి

మేం లేకుండా ఒంటరిగా బతకలేడు..! భార్య, కుమారుడికి ఉరివేసి రిటైర్డ్ టీచర్ ఆత్మహత్య

కృష్ణా నదిలో పడవ బోల్తా పడి నలుగురు మృతి.. ఆరుగుర్ని రక్షించిన గ్రామస్తులు