Disa Case: దిశ కేసు విచారణాధికారి వీఆర్‌ఎస్‌కు దరఖాస్తు - డీజీపీకి అభ్యర్థన
దిశ ఎన్‌కౌంటర్ జరిగినప్పుడు సురేంద్ర షాద్‌నగర్‌ ఏసీపీగా ఉండే వాళ్లు. తర్వాత ఆకేసు విచారణ అధికారిగా పని చేశారు.
తెలంగాణలో దిశా ఎన్‌కౌంటర్ కేసులో కీలక పరిణామం చోటు చేసుకుంది. గతంలో ఈ కేసును విచారణ చేసిన అధికారి వీఆర్‌ఎస్‌కు దరఖాస్తు చేసుకోవడం చర్చనీయాంశమైంది. వ్యక్తిగత కారణాలతోనే ఈ నిర్ణయం తీసుకున్నట్టు ఆయన పేర్కొన్నారు.
దిశా కేసులో విచారణ అధికారిగా ఉన్న సురేంద్ర వీఆర్‌ఎస్‌కు దరఖాస్తు చేసుకున్నారు. తన అభ్యర్థనను డీజీపీ అంజన్‌కుమార్ యాదవ్‌కు పంపించారు. వ్యక్తిగత కారణాలతోనే వీఆర్‌ఎస్‌కు అప్లై చేసుకున్నట్టు ఆయన చెబుతున్నప్పటికీ గుర్తింపు లభించడం లేదన్న కారణంగానే ఈ నిర్ణయం తీసుకున్నట్టు పోలీసు వర్గాల్లో చర్చ నడుస్తోంది.
దిశ ఎన్‌కౌంటర్ జరిగినప్పుడు సురేంద్ర షాద్‌నగర్‌ ఏసీపీగా ఉండే వారు. తర్వాత ఆ కేసు విచారణ అధికారిగా పని చేశారు. అనంతరం ఆయన్ని ట్రాన్స్‌కో విజిలెన్స్ అండ్‌ ఎన్‌ఫోర్స్‌మెంట్‌ డీఎస్పీగా బదిలీ చేశారు. ఈ మధ్య కమాండర్‌ కంట్రోల్‌ ఏసీపీగా ట్రాన్స్‌ఫర్ అయ్యారు.
ఇలా గుర్తింపు లేని విభాగాలకు బదిలీ చేయడంపై అసంతృప్తితో ఉన్నట్టు ఆయన సన్నిహితులు చెబుతున్నారు. అందుకే వీఆర్‌ఎస్‌కు దరఖాస్తు చేసుకున్నట్టు తెలుస్తోంది. ఆయనకు ఉంకా మూడేళ్లు సర్వీస్ ఉంది.
టాప్ హెడ్ లైన్స్
ట్రెండింగ్ వార్తలు
