Samsung Crystal 4K Neo: శాంసంగ్ బడ్జెట్ 4కే టీవీ - తక్కువ ధరలోనే సూపర్ ఫీచర్లు!
శాంసంగ్ కొత్త బడ్జెట్ స్మార్ట్ టీవీ మనదేశంలో లాంచ్ అయింది. దీని ధర రూ.35,990గా ఉంది.
శాంసంగ్ క్రిస్టల్ 4కే నియో టీవీ మనదేశంలో లాంచ్ అయింది. ఇందులో 43 అంగుళాల 4కే స్క్రీన్ అందించారు. హెచ్డీఆర్10+ సపోర్ట్ కూడా ఇందులో ఉంది. అంచులు చాలా సన్నగా ఉండే సూపర్ డిజైన్ను ఇందులో అందించారు. డెడికేటెడ్ పీసీ మోడ్ కూడా ఈ టీవీలో ఉంది.
శాంసంగ్ క్రిస్టల్ 4కే నియో టీవీ ధర
దీని ధరను మనదేశంలో రూ.35,990గా నిర్ణయించారు. అమెజాన్, ఫ్లిప్కార్ట్, శాంసంగ్ షాప్ వెబ్ సైట్లలో ఈ టీవీని కొనుగోలు చేయవచ్చు. ఈ టీవీని అమెజాన్లో కొనుగోలు చేస్తే ఒక సంవత్సరం పాటు ప్రైమ్ మెంబర్ షిప్ లభించనుంది. అదే ఫ్లిప్కార్ట్లో కొనుగోలు చేస్తే డిస్నీప్లస్ హాట్స్టార్ వార్షిక సబ్స్క్రిప్షన్ లభించనుంది.
శాంసంగ్ క్రిస్టల్ 4కే నియో స్పెసిఫికేషన్లు
ఈ స్మార్ట్ టీవీ టైజెన్ ఆపరేటింగ్ సిస్టంపై పనిచేయనుంది. ఇందులో 43 అంగుళాల అల్ట్రా హెచ్డీ డిస్ప్లేను అందించారు. హెచ్డీఆర్10+ సపోర్ట్ కూడా ఉంది. యూహెచ్డీ డిమ్మింగ్, 100 కోట్లకు పైగా ట్రూ కలర్స్ వంటి ఫీచర్లు కూడా ఉన్నాయని కంపెనీ పేర్కొంది. క్రిస్టల్ 4కే ప్రాసెసర్పై ఈ టీవీ పనిచేయనుంది. 1.5 జీబీ ర్యామ్, 16 జీబీ స్టోరేజ్ ఇందులో ఉంది.
క్రిస్టల్ 4కే నియో టీవీ ప్రాసెసర్పై ఈ ఫోన్ పనిచేయనుంది. శాంసంగ్ టీవీ ప్లస్ ద్వారా 55 గ్లోబల్, లోకల్ లైవ్ టీవీ చానెళ్లను యాక్సెస్ చేయవచ్చు. అలెక్సా, బిక్స్బీ, గూగుల్ అసిస్టెంట్లను ఈ స్మార్ట్ టీవీ సపోర్ట్ చేయనుంది. వినియోగదారులు తమకు కావాల్సిన కంటెంట్ను వాయిస్ సెర్చ్ చేయవచ్చు.
డాల్బీ డిజిటల్ ప్లస్ను ఈ టీవీలో అందించారు. 20W స్పీకర్లు కూడా ఇందులో ఉన్నాయి. వైఫై, బ్లూటూత్, మూడు హెచ్డీఎంఐ పోర్టులు, ఒక యూఎస్బీ పోర్టు ఇందులో ఉన్నాయి. బ్లూటూత్, ఇన్ఫ్రారెడ్ (ఐఆర్) కనెక్టివిటీ సపోర్ట్ ఉన్న రిమోట్ను టీవీతో పాటు అందించనున్నారు.
Also Read: వన్ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్మీ - ఎలా ఉందో చూశారా!
Samsung Crystal 4K Neo Series Ultra HD Smart LED TV (43") priced at ₹36,990 launched in India.#Samsung #SamsungCrystal4KNeo pic.twitter.com/aiGdvsvtf2
— Oneily Gadget (@OneilyGadget) June 13, 2022
టాప్ హెడ్ లైన్స్
ట్రెండింగ్ వార్తలు
