Samsung Galaxy S22 5G: శాంసంగ్ ఫ్లాగ్‌షిప్ ఫోన్‌పై భారీ తగ్గింపు - అంత తక్కువకే!

శాంసంగ్ గెలాక్సీ ఎస్22 5జీ స్మార్ట్ ఫోన్ ధర రూ.50 వేలలోపే అందుబాటులో ఉంది.

శాంసంగ్ గెలాక్సీ ఎస్22 5జీ ధరను మనదేశంలో తగ్గించారు.

శాంసంగ్ ఫ్లాగ్‌షిప్ స్మార్ట్ ఫోన్ ఎస్22 5జీ ధర మనదేశంలో భారీగా తగ్గింది. ఈ ఫోన్ ప్రస్తుతం రూ.48,999కే కొనుగోలు చేయవచ్చు. ఈ ఫోన్ ధర ఇటీవలే రూ.50 వేల లోపునకు వచ్చింది. ఇప్పుడు దీన్ని మరింత తగ్గించారు.

ప్రస్తుతం శాంసంగ్ గెలాక్సీ ఎస్22 5జీ ధర మనదేశంలో రూ.49,999గా ఉంది. అయితే ఎటువంటి కూపన్ దీనిపై అందుబాటులో లేదు. అయితే అమెజాన్ బ్యాంక్ ఐసీఐసీఐ కార్డు ద్వారా కొనుగోలు చేస్తే రూ.1,000 తగ్గింపు అదనంగా లభించనుంది. అంటే దీని ధర రూ.48,999కు తగ్గనుందన్న మాట.

దీనిపై నో కాస్ట్ ఈఎంఐ ఆప్షన్లు కూడా అందుబాటులో ఉన్నాయి. అమెజాన్ పే ఐసీఐసీఐ బ్యాంకు కార్డుల ద్వారా కొనుగోలు చేస్తే ప్రైమ్ సభ్యులకు ఐదు శాతం, ప్రైమ్ సభ్యత్వం లేని వారికి మూడు శాతం తగ్గింపు లభించనుంది. ఫాంటం బ్లాక్, ఫాంటం వైట్, గ్రీన్ కలర్ ఆప్షన్లలో దీన్ని కొనుగోలు చేయవచ్చు.

శాంసంగ్ గెలాక్సీ ఎస్22 స్పెసిఫికేషన్లు
ఆండ్రాయిడ్ 12 ఆధారిత వన్‌యూఐ 4.1 ఆపరేటింగ్ సిస్టంపై శాంసంగ్ గెలాక్సీ ఎస్22 పనిచేయనుంది. ఇందులో 6.1 అంగుళాల ఫుల్ హెచ్‌డీ+ డైనమిక్ అమోఎల్ఈడీ 2X డిస్‌ప్లేను అందించారు. గొరిల్లా గ్లాస్ విక్టస్+ ప్రొటెక్షన్‌ను ఇందులో అందించారు. ఆర్మర్ అల్యూమినియం చాసిస్ కూడా ఇందులో ఉంది. ఇందులో అడాప్టివ్ 120 హెర్ట్జ్ ఫీచర్‌ను అందించారు. 8 జీబీ ర్యామ్ ఇందులో ఉంది.

ఇక కెమెరా విషయానికి వస్తే.. ఇందులో వెనకవైపు మూడు కెమెరాలు ఉండనున్నాయి. ఈ మూడిట్లో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 12 మెగాపిక్సెల్ అల్ట్రా వైడ్ యాంగిల్ కెమెరా, 10 మెగాపిక్సెల్ టెలిఫొటో సెన్సార్ కూడా ఇందులో ఉన్నాయి. సెల్ఫీలు, వీడియో కాల్స్ కోసం ముందువైపు 10 మెగాపిక్సెల్ కెమెరాను అందించారు.

5జీ, 4జీ ఎల్టీఈ, వైఫై 6, బ్లూటూత్ వీ5.2, జీపీఎస్/ఏ-జీపీఎస్, ఎన్ఎఫ్‌సీ, యూఎస్‌బీ టైప్-సీ పోర్టు కూడా ఇందులో ఉన్నాయి. యాక్సెలరో మీటర్, యాంబియంట్ లైట్ సెన్సార్, బారోమీటర్, జియోమ్యాగ్నటిక్, గైరో స్కోప్, హాల్, ప్రాక్సిమిటీ సెన్సార్లు కూడా ఇందులో శాంసంగ్ అందించింది. దీని బ్యాటరీ సామర్థ్యం 3700 ఎంఏహెచ్‌గా ఉంది. 25W ఫాస్ట్ చార్జింగ్‌ను, 15W వైర్‌లెస్ ఫాస్ట్ చార్జింగ్‌ను ఇది సపోర్ట్ చేయనుంది. దీని మందం 0.76 సెంటీమీటర్లు కాగా, బరువు 168 గ్రాములుగా ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Samsung India (@samsungindia)