Mumbai Indians Captain: హార్దిక్ పాండ్యా కెప్టెన్సీని తొలగిస్తే, రేసులో ముగ్గురు ముంబై ఇండియన్స్ ఆటగాళ్లు
Replacements for MI Captain IPL 2026: పేలవమైన కెప్టెన్సీ, బౌలర్లకు తగ్గట్లు ఫీల్డ్ సెట్టింగ్ లేదని హార్దిక్ పాండ్యా విమర్శల పాలయ్యాడు. హార్దిక్ ను తొలగిస్తే కెప్టెన్ రేసులో ముగ్గురున్నారు.
Mumbai Indians in IPL 2026 | ముంబై ఇండియన్స్ కెప్టెన్ హార్దిక్ పాండ్యా గత కొన్ని రోజులుగా హాట్ టాపిక్గా నిలుస్తున్నారు. అదే సమయంలో వరుసగా విమర్శల పాలవుతున్నారు. IPL 2026లో ముంబై ఇండియన్స్ జట్టు అతడి కెప్టెన్సీలో కేవలం ఒక్క విజయాన్ని మాత్రమే నమోదు చేసింది. ఆడిన 5 మ్యాచ్లలో నాలుగు ఓడిపోయిన MI ప్రస్తుతం పాయింట్ల పట్టికలో కింది స్థానాల్లో ఉంది. మాజీ క్రికెటర్ ఆకాష్ చోప్రా హార్దిక్ కెప్టెన్సీతో పాటు అతని వ్యక్తిగత ఫామ్పై కూడా ప్రశ్నలు లేవనెత్తాడు. దాంతో పాండ్యా కెప్టెన్సీతో ముంబైకి ప్రయోజనం లేదని చర్చ జరుగుతోంది.
ప్లేయర్, కెప్టెన్గా విఫలమైన హార్దిక్ పాండ్యా..
IPL 2026లో హార్దిక్ పాండ్యా 4 మ్యాచ్లలో కేవలం 81 పరుగులు చేశాడు. బౌలింగ్లో కేవలం 2 వికెట్లు మాత్రమే తీశాడు. కెప్టెన్గా తీసుకున్న నిర్ణయాల వల్ల అతనిపై ఇప్పటికే విమర్శలు వస్తున్నాయి. సీనియర్ ఆటగాళ్లకు ఫ్రీడమ్ లేకపోవడం, ఫీల్డ్ సెట్టింగ్ కూడా తనకు నచ్చినట్లు చేయడంతో అతడిని కెప్టెన్సీ నుంచి తప్పించాలనే డిమాండ్ ఊపందుకుంది. ఒకవేళ ముంబై జట్టు హార్దిక్ను కెప్టెన్సీ నుంచి తొలగిస్తే కనుక ఆ స్థానాన్ని భర్తీ చేయగల ఆ ముగ్గురు ఆటగాళ్లు రేసులో ఉన్నారు.
సూర్యకుమార్ యాదవ్
ఈ రేసులో తొలి పేరు సూర్యకుమార్ యాదవ్. ఇటీవల తన కెప్టెన్సీలో భారత్ను టీ20 వరల్డ్ కప్ విజేతగా నిలిపిన రికార్డు సూర్యకు ఉంది. భారత కెప్టెన్గా టీ20ల్లో అతని గెలుపు శాతం 82గా ఉంది. ఇది చాలా అద్భుతమైన రికార్డ్. సూర్య వ్యక్తిగత ఫామ్ ప్రస్తుతం చాలా పేలవంగా ఉంది. అతని కెప్టెన్సీ రికార్డు చాలా అద్భుతం. జట్టుకు ప్రయోజనాన్ని చేకూర్చింది. కెప్టెన్సీ ఇస్తే కనుక MI తలరాతను మార్చగల సామర్థ్యం అతనికి ఉంది.
జస్ప్రీత్ బుమ్రా
ముంబై ఇండియన్స్కు ఎప్పుడూ కెప్టెన్గా చేసిన అనుభవం జస్ప్రీత్ బుమ్రాకు లేదు. అయితే టీ20ల్లో రెండు మ్యాచ్ల్లో ఇండియా జట్టుకు కెప్టెన్సీ చేయగా ఆ రెండు మ్యాచ్ల్లోనూ విజయం సాధించింది. అంతేకాకుండా టెస్ట్ క్రికెట్లోనూ అభిమానులు అతని కెప్టెన్సీని చూశారు. బుమ్రాకు కెప్టెన్సీ ఇస్తే మరో 2, 3 మూడేళ్లు ఈ స్టార్ పేసర్ సారధిగా కొనసాగవచ్చు.
మిచెల్ సాంట్నర్
ఈ జాబితాలో మిచెల్ సాంట్నర్ పేరు ఉంటుంది. కానీ 2024లో రోహిత్ శర్మను అతనిని తప్పించి మరీ MI హార్దిక్కు జట్టు పగ్గాలను అప్పగించారు. మిచెల్ సాంట్నర్కు కెప్టెన్సీ అనుభవం ఉంది. కివీస్ కు సారథిగా వ్యవహరించాడు. IPL 2026లో సన్రైజర్స్ హైదరాబాద్ మాత్రమే విదేశీ కెప్టెన్ (ప్యాట్ కమిన్స్) ఉన్న జట్టు కాగా అతను ప్రస్తుతం గాయపడటంతో SRH కెప్టెన్సీని ఇషాన్ కిషన్ నిర్వహిస్తున్నాడు. ముంబై జట్టు పగ్గాలను గతంలో రికీ పాంటింగ్ చేపట్టాడు. కానీ ఎక్కువ అవకాశాలు రాలేదు. తరువాత అతడు రిటైర్ అయ్యాడు. న్యూజిలాండ్ను టీ20 వరల్డ్ కప్ 2026 ఫైనల్ వరకు తీసుకెళ్లిన సాంట్నర్ సైతం ముంబై కెప్టెన్సీ రేసులో ఉన్నాడు.
Before You Go
IND Spin Attack Strategy vs SL Revealed | గాలే టెస్టులో ముగ్గురు లెఫ్ట్ ఆర్మ్ స్పిన్నర్లు
టాప్ హెడ్ లైన్స్
ట్రెండింగ్ వార్తలు
