Kane Williamson Retirement News: షాకింగ్.. టెస్ట్ సిరీస్ మధ్యలోనే కివీస్ లెజెండ్ షాకింగ్ రిటైర్మెంట్.. పది వేల పరుగులకు అతి చేరువలో!
న్యూజిలాండ్ రన్ మెషిన్ కేన్ విలియమ్సన్ ఇంగ్లాండ్తో టెస్ట్ సిరీస్ జరుగుతుండగానే అంతర్జాతీయ క్రికెట్కు రిటైర్మెంట్ ప్రకటించి అందరినీ ఆశ్చర్యపరిచాడు.
Kane Williamson Retires From All Formats Of Cricket: వరల్డ్ క్రికెట్లో ఒక అద్భుతమైన శకం ముగిసింది. మోడర్న్ క్రికెట్ 'ఫాబ్ ఫోర్' (విరాట్ కోహ్లీ, స్టీవ్ స్మిత్, జో రూట్, కేన్ విలియమ్సన్) లో ఒకడైన న్యూజిలాండ్ మాజీ కెప్టెన్ కేన్ విలియమ్సన్ శుక్రవారం షాకింగ్ డెసిషన్ తీసుకున్నాడు. ఇంగ్లాండ్తో ప్రతిష్టాత్మకమైన టెస్ట్ సిరీస్ నడుస్తుండగానే ఇంటర్నేషనల్ క్రికెట్కు గుడ్ బై చెప్తున్నట్లు అనౌన్స్ చేశాడు. ఈ సడన్ రిటైర్మెంట్ డెసిషన్ తో వచ్చే వారం బుధవారం నుంచి ప్రారంభం కాబోయే రెండో టెస్ట్ మ్యాచ్కు అతను దూరం కానున్నాడు. లార్డ్స్లో జరిగిన మొదటి టెస్ట్ మ్యాచ్లో 0, 18 రన్స్ స్కోర్ చేసిన విలియమ్సన్, అదే తన లాస్ట్ ఇంటర్నేషనల్ మ్యాచ్ అవుతుందని ఎవరూ ఊహించలేదు. ఆ మ్యాచ్లో న్యూజిలాండ్ 115 రన్స్ తేడాతో ఓడిపోయింది.
International cricket bids farewell to one of its finest. 🏏🇳🇿
— Star Sports (@StarSportsIndia) June 12, 2026
Thank you, #KaneWilliamson, for a career filled with excellence, grace, and unforgettable memories. pic.twitter.com/71vwvVsg4l
కివీస్ క్రికెట్ హిస్టరీలోనే టాప్ రన్ గెట్టర్..
16 ఏళ్ల సుదీర్ఘ కెరీర్లో 35 ఏళ్ల కేన్ విలియమ్సన్ ఎన్నో మైలురాళ్లను అందుకున్నాడు. 2010 లో అంతర్జాతీయ క్రికెట్లో డెబ్యూ చేసిన అతను, న్యూజిలాండ్ తరఫున ఆల్ టైమ్ హైయెస్ట్ రన్ స్కోరర్గా రికార్డ్ క్రియేట్ చేశాడు. ఇంటర్నేషనల్ క్రికెట్లో మొత్తం 19,346 రన్స్ చేయగా, అందులో టెస్ట్ ఫార్మాట్లోనే అత్యధికంగా 9,515 రన్స్ ఉన్నాయి. తన కెరీర్లో మొత్తం 48 సెంచరీలు, 6 డబుల్ సెంచరీలు సాధించాడు. పది వేల పరుగులకు కేవలం 485 పరుగుల దూరంలో ఉండగానే ఈ షాకింగ్ డెసిషన్ తీసుకున్నాడు. కివీస్ తరఫున టి20 ల్లో 2,575 రన్స్ చేసి సెకండ్ హైయెస్ట్ రన్ గెట్టర్గా నిలిచిన విలియమ్సన్, గత ఏడాది నవంబర్లోనే ఆ ఫార్మాట్కు రిటైర్మెంట్ ప్రకటించాడు. ప్రస్తుతం విలియమ్సన్ ప్లేస్లోకి ఎవరిని తీసుకోవాలో కివీస్ బోర్డు ఇంకా తేల్చుకోలేదు.
కెప్టెన్గా గోల్డెన్ పీరియడ్, వరల్డ్ టెస్ట్ ఛాంపియన్..
కేన్ విలియమ్సన్ కేవలం గొప్ప బ్యాటర్ మాత్రమే కాదు, మైదానంలో అతని కూల్ లీడర్షిప్ స్టైల్, హుందాతనానికి ప్రపంచవ్యాప్తంగా కోట్ల మంది ఫ్యాన్స్ ఉన్నారు. 2016 నుంచి 2024 వరకు న్యూజిలాండ్ జట్టును మూడు ఫార్మాట్లలో విజయవంతంగా నడిపించాడు. అతని కెప్టెన్సీలోనే కివీస్ టీమ్ ఒక గోల్డెన్ పీరియడ్ను చూసింది. రెండు ఐసీసీ వన్డే వరల్డ్ కప్ ఫైనల్స్, మూడుసార్లు సెమీఫైనల్స్ చేరడమే కాకుండా, 2021 లో జరిగిన మొట్టమొదటి ఐసీసీ వరల్డ్ టెస్ట్ ఛాంపియన్షిప్ (WTC) ట్రోఫీని ఇండియాపై గెలిచి హిస్టరీ క్రియేట్ చేశాడు.
కోచ్ రాబ్ వాల్టర్ ఎమోషనల్ ట్రిబ్యూట్..
విలియమ్సన్ రిటైర్మెంట్పై బ్లాక్క్యాప్స్ కోచ్ రాబ్ వాల్టర్ స్పందిస్తూ ఎమోషనల్ అయ్యాడు. కేన్తో కలిసి పనిచేసే అవకాశం రావడం ఒక గొప్ప ప్రివిలేజ్ అని, అతనిపై తనకు ఎంతో గౌరవం ఉందని చెప్పాడు. అతని రికార్డులు, బ్యాటింగ్ స్కిల్స్ గురించి అందరికీ తెలుసని, కానీ ఈ జట్టుకు అతను ఒక పర్సన్గా ఏం ఇచ్చాడనేదే అతని అసలైన లెగసీ అని కొనియాడాడు. కేన్ ఎప్పుడూ తనకంటే టీమ్కే ఫస్ట్ ప్రయారిటీ ఇస్తాడని, అతను తీసుకున్న ఈ నిర్ణయంతో ప్రశాంతంగా ఉన్నందుకు హ్యాపీగా ఉందని స్పష్టం చేశాడు. విలియమ్సన్ ఒక వండర్ ఫుల్ లీడర్, క్రికెట్ గేమ్కు ఒక గ్రేట్ అంబాసిడర్ అని ప్రశంసించాడు.
టాప్ హెడ్ లైన్స్
ట్రెండింగ్ వార్తలు
