Anvay Dravid News: తండ్రి బాటలోనే కొడుకు ప్రయాణం, లంక టూర్కు వెళ్లే ఇండియా అండర్-19 టీమ్లో ద్రవిడ్ వారసుడు.. ఈసారైనా అదృష్టం కలిసివస్తుందా!
లెజెండరీ క్రికెటర్ రాహుల్ ద్రవిడ్ చిన్న కుమారుడు అన్వయ్ ద్రవిడ్ శ్రీలంక పర్యటనకు వెళ్లే ఇండియా అండర్-19 వన్డే జట్టుకు ఎంపికయ్యాడు.
Rahul Dravid Son Anvay Dravid Selected For Sri Lanka Tour: ఇండియా క్రికెట్లో మరో వారసుడు అంతర్జాతీయ స్థాయికి దూసుకొస్తున్నాడు. టీమిండియా గ్రేట్ బ్యాటర్, మాజీ హెడ్ కోచ్ రాహుల్ ద్రవిడ్ చిన్న కుమారుడు అన్వయ్ ద్రవిడ్కు లక్కీ ఛాన్స్ దక్కింది. జూలై 4 నుంచి ప్రారంభం కాబోయే శ్రీలంక టూర్ కోసం బీసీసీఐ (BCCI) జూనియర్ క్రికెట్ కమిటీ ప్రకటించిన ఇండియా మెన్స్ అండర్-19 వన్డే స్క్వాడ్లో అన్వయ్కు చోటు లభించింది. ఈ పర్యటనలో ఇండియా టీమ్ మూడు వన్డే మ్యాచ్లు, రెండు మల్టీ-డే మ్యాచ్లు ఆడనుంది. యశ్వర్ధన్ సింగ్ చౌహాన్ ఈ రెండు జట్లకు కెప్టెన్గా వ్యవహరించనుండగా, లక్ష్య్ రాయ్చందాని వైస్ కెప్టెన్గా బాధ్యతలు చూసుకోనున్నాడు.
వికెట్ కీపర్ బ్యాటర్గా ఎంట్రీ..
17 ఏళ్ల అన్వయ్ ద్రవిడ్ అండర్-19 వన్డే స్క్వాడ్లో వికెట్ కీపర్ ఆప్షన్గా సెలెక్ట్ అయ్యాడు. అతనితో పాటు రజత్ బఘేల్ మరొక కీపర్గా ఉన్నాడు. మల్టీ-డే మ్యాచ్ల కోసం మానవ్ కృష్ణ, ఆర్యన్ సందేష్ సక్పాల్లను వికెట్ కీపర్లుగా ఎంపిక చేశారు. అన్వయ్ ద్రవిడ్ డొమెస్టిక్ క్రికెట్లో కర్ణాటక అండర్-19 టీమ్కు కెప్టెన్గా చేసి, వినూ మన్కడ్ ట్రోఫీలో జట్టును క్వార్టర్ ఫైనల్స్కు చేర్చాడు. ఆ టోర్నమెంట్లో ఆరు మ్యాచ్ల్లో 220 రన్స్ స్కోర్ చేశాడు. అందులో ఒక నాటౌట్ 82 రన్స్ హైయెస్ట్ స్కోర్ కావడం విశేషం. గతంలో బెంగళూరులో జరిగిన ట్రయాంగులర్ సిరీస్లో ఇండియా అండర్-19 బి టీమ్కు కూడా ఇతను ప్రాతినిధ్యం వహించాడు.
ద్రవిడ్ ఫ్యామిలీ క్రికెట్ హిస్టరీ..
రాహుల్ ద్రవిడ్ ఫ్యామిలీ నుంచి ఒక ఆటగాడు ఇండియా జూనియర్ టీమ్కు సెలెక్ట్ అవ్వడం ఇది కొత్తేమీ కాదు. 2024 లో ద్రవిడ్ పెద్ద కుమారుడు సమిత్ ద్రవిడ్ ఆస్ట్రేలియాతో జరిగిన హోమ్ సిరీస్ కోసం ఇండియా అండర్-19 టీమ్కు ఎంపికయ్యాడు. కానీ దురదృష్టవశాత్తూ ఇంజూరీ కారణంగా అతను ఆ సిరీస్ మొత్తానికి దూరం కావాల్సి వచ్చింది. ఇప్పుడు చిన్న కొడుకు అన్వయ్కు ఆ ఛాన్స్ వచ్చింది. గతంలో 1990 ల ప్రారంభంలో రాహుల్ ద్రవిడ్ కూడా ఇండియా తరఫున అండర్-19 లెవెల్ లో ఆడి ఆ తర్వాత సీనియర్ టీమ్లో లెజెండ్గా ఎదిగాడు.
ఇండియా అండర్-19 వన్డే స్క్వాడ్..
శ్రీలంకతో తలపడే వన్డే టీమ్ వివరాలు చూస్తే సాగర్ వీర్క్, లక్ష్మ రాయ్చందాని (వైస్ కెప్టెన్), యశ్వర్ధన్ సింగ్ చౌహాన్ (కెప్టెన్), వినీత్ వి కె, అర్జున్ రాజ్పుత్, కుشాగ్ర ఓఝా, రజత్ బఘేల్ (వికెట్ కీపర్), అన్వయ్ ద్రవిడ్ (వికెట్ కీపర్), అన్మోల్జీత్ సింగ్, వుట్కూరి యశ్వీర్ గౌడ్, రోహిత్ అనిల్ యాదవ్, షావిన్ వి, కావ్య పరేష్ పటేల్, మోహిత్ ఉల్వా, ఇషాన్ సూద్ ఉన్నారు. ఈ యంగ్ ప్లేయర్స్ లంక గడ్డపై తమ ప్రతిభను నిరూపించుకోవడానికి సిద్ధమవుతున్నారు.
Before You Go
India vs Sri Lanka 1st Test Day 2 Highlights | గాలే టెస్టులో దంచికొట్టిన పడిక్కల్
టాప్ హెడ్ లైన్స్
ట్రెండింగ్ వార్తలు
