Realme Dizo Watch 2: రియల్‌మీ సబ్‌ బ్రాండ్ ​డిజో నుంచి వాచ్ 2.. ఈ నెల 15న లాంచ్.. రూ.3 వేల రేంజ్‌లో ధర

డిజో నుంచి వాచ్ 2

రియల్‌మీ సబ్‌ బ్రాండ్ ​డిజో (Dizo) నుంచి వాచ్ 2, వాచ్ 2 ప్రో ఇండియాలో విడుదల కానున్నాయి. ఈ రెండు వాచ్‌లను ఈ నెల 15న మధ్యాహ్నం 12 గంటలకు లాంచ్ చేయనున్నట్లు కంపెనీ ప్రకటించింది.

రియల్‌మీ డిజో వాచ్ 2లో 1.69 అంగుళాల ఫుల్ టచ్ స్క్రీన్ డిస్‌ప్లే ఉంటుంది. రియల్‌మీ డిజో వాచ్ 2 ప్రోలో హార్ట్ రేట్, బ్లడ్ ఆక్సిజన్ శాచురేషన్ లెవల్ (SpO2) లను మానిటర్ చేసే ఫీచర్లు అందించారు.

రియల్‌మీ డిజో వాచ్ 2 ధర రూ.3000 రేంజ్‌లో ఉండే అవకాశం ఉంది. వాచ్ 2 ప్రో ధర ఎంత ఉంటుందనే వివరాలు తెలియరాలేదు.

వీటిలో మల్టిపుల్ స్పోర్ట్స్ మోడ్, స్లీప్ మానిటరింగ్ వంటి ఫీచర్లు కూడా అందించారు. 50m వరకు వాటర్ రెసిస్టెన్స్ ఉంటుందని కంపెనీ చెబుతోంది. ఇన్‌బిల్ట్ డ్యూయల్ జీపీఎస్, గ్లోనాస్ (GLONASS) సపోర్టుతో రానున్నాయి.

డీజో తన మొట్టమొదటి వాచ్‌ని (రియల్‌మీ డిజో) ఈ ఏడాది ఆగస్టులో మనదేశంలో లాంచ్ చేసింది. దీని ధర రూ.3,499గా ఉంది. ఇందులో 90 స్పోర్ట్స్ మోడ్స్, లైవ్ వాచ్ ఫేసెస్, SpO2, వాటర్ అండ్ డస్ట్ రెసిస్టెన్స్ ఫీచర్లు ఉన్నాయి.