Gut Health : ఆ తప్పులు చేస్తే గట్ హెల్త్ బిస్కెట్టే.. పేగు ఆరోగ్యాన్ని పాడు చేసే అలవాట్లు ఇవే

Gut Health Alert : పదేపదే గ్యాస్, అజీర్ణం లేదా ఉబ్బరంగా అనిపిస్తే పేగు ఆరోగ్యం సరిగా లేదని అర్థం. మీ పేగు ఆరోగ్యాన్ని బలహీనపరిచే అలవాట్లు తెలుసుకొని రీసెట్ చేసుకోండిలా..

పేగు ఆరోగ్యాన్ని నాశనం చేసే అలవాట్లు ఇవే( Image Source : Envato)

ఆహారాన్ని సరిగ్గా నమలకుండా ఫాస్ట్​గా తింటే.. కడుపులో గ్యాస్ ఫామ్ అవుతుంది. అజీర్ణం, ఉబ్బరం వంటి సమస్యలకు దారి తీస్తుంది. పేగు ఆరోగ్యంగా ఉండాలంటే నెమ్మదిగా.. బాగా నమిలి తినాలి.

ఫైబర్ పేగులలోని హెల్తీ బ్యాక్టీరియాకు ఆహారంగా పనిచేస్తుంది. కాబట్టి మీ డైట్​లో పండ్లు, కూరగాయలు, తృణధాన్యాలు తీసుకోవాలి. లేదంటే ఇది పేగు మైక్రోబయోమ్‌ను బలహీనపరుస్తుంది.

ప్రాసెస్ చేసిన, జంక్ ఫుడ్​లో ప్రిజర్వేటివ్స్, ట్రాన్స్ ఫ్యాట్, చక్కెర ఉంటాయి. ఇవి పేగులలో చెడు బ్యాక్టీరియాను పెంచుతుంది. ఇది పేగు ఆరోగ్యానికి ఆటంకం కలిగిస్తుంది. కడుపులో మంటను పెంచుతుంది.

అవసరానికి మించి యాంటీబయాటిక్ తీసుకోవడం వల్ల అవి పేగు ఆరోగ్యానికి ప్రమాదకరంగా మారుతాయి. ఎందుకంటే ఇవి చెడు బ్యాక్టీరియాతో పాటు మంచి బ్యాక్టీరియాను కూడా నాశనం చేస్తాయి. దీనివల్ల జీర్ణక్రియ దెబ్బతింటుంది.

నిద్రకు, పేగు ఆరోగ్యానికి నేరుగా సంబంధం ఉంటుంది. తక్కువ నిద్ర వల్ల పేగు బాక్టీరియా సమతుల్యత దెబ్బతింటుంది. దీని వలన జీర్ణవ్యవస్థ బలహీనపడుతుంది.

ఒత్తిడి కేవలం మానసికంగానే కాదు.. శారీరకంగా కూడా నష్టం కలిగిస్తుంది. ఎక్కువ కాలం ఒత్తిడితో ఇబ్బంది పడితే.. అది గట్ హెల్త్​పై ప్రభావం చూపిస్తుంది. కడుపు నొప్పి, గ్యాస్ లేదా మలబద్ధకం వంటి సమస్యలు పెరుగుతాయి.