Alcohol Banned Countries : ఈ దేశాలలో మద్యం పూర్తిగా నిషేధం.. కానీ పర్యాటకులు మందు తాగొచ్చు, అదేమి లాజిక్

Countries With Unique Liquor Rules : మద్య నిషేధం ఉన్న కొన్ని పాపులర్ దేశాలు ఉన్నాయి. అయితే అక్కడ పర్యాటకులు మాత్రం మద్యం సేవించవచ్చు. ఇంతకీ ఆ దేశాలు ఏంటో ఇప్పుడు చూసేద్దాం.

సౌదీ నుంచి మాల్దీవుల వరకు.. మద్యం నియమాలు ఇవే

సౌదీ అరేబియాలో దశాబ్దాలుగా మద్యంపై పూర్తి నిషేధం ఉంది. కానీ ఈ దేశం విజన్ 2030 పర్యాటక ప్రణాళికలో భాగంగా.. ప్రభుత్వం కొన్ని ప్రత్యేక లగ్జరీ టూరిస్ట్ జోన్లు, 5-స్టార్ హోటళ్లు, హై-ఎండ్ రిసార్ట్‌లలో మద్యం తాగడానికి అనుమతించాలని యోచిస్తోంది. ఈ మినహాయింపు ముస్లిమేతర విదేశీ పర్యాటకులకు, బయటి నుంచి వచ్చిన వ్యక్తులకు మాత్రమే వర్తిస్తుంది.

మాల్దీవులలో స్థానికుల కోసం మద్యంపై పూర్తి నిషేధం ఉంది. ఎందుకంటే ఇది ఒక ఇస్లామిక్ దేశం. అయితే పర్యాటకులు ప్రైవేట్ ద్వీప రిసార్ట్‌లు, లైవ్‌బోర్డ్ అనే లగ్జరీ సఫారీ బోట్‌లపై మద్యం సేవించవచ్చు. రాజధాని మాలే లేదా స్థానికులు నివసించే ద్వీపాలలో మద్యం అనుమతించరు. పర్యాటకులు తమతో మద్యం తీసుకెళితే.. విమానాశ్రయంలోనే స్వాధీనం చేసుకుంటారు.