Adipurush Teaser: అట్టహాసంగా 'ఆదిపురుష్' టీజర్ విడుదల వేడుక!

ప్రభాస్ ప్రధాన పాత్రలో ఓం రౌత్ రూపొందిస్తున్న చిత్రం 'ఆదిపురుష్'. ఇప్పటికే ఈ సినిమా ఫస్ట్ లుక్ పోస్టర్ విడుదల చేయగా.. ఇప్పుడు టీజర్ ను వదిలారు. ఈవేడుకలో ప్రభాస్, కృతి సనన్, ఓం రౌత్ పాల్గొన్నారు.

prabhas's adipurush first look poster and teaser released in ayodhya

అయోధ్యలోని సరయు నదీ తీరంలో 'ఆదిపురుష్' టీజర్ విడుదల వేడుక వైభవంగా జరిగింది.

1:40 నిమిషాల ఈ టీజర్ ఎంతో అద్భుతంగా ఉంది. శ్రీరామునిగా ప్రభాస్ కనిపించిన తీరు ఆకట్టుకుంటుంది.

'భూమి క్రుంగినా.. నింగి చీలినా.. న్యాయం చేతుల్లోనే అన్యాయానికి సర్వనాశనం' అనే డైలాగ్ తో టీజర్ మొదలైంది. టీజర్ లో కనిపించిన షాట్స్ చూస్తుంటే ఇదొక విజువల్ వండర్ లా నిలవబోతుందనిపిస్తుంది.

రామసేతుపై శ్రీరాముని గెటప్ లో ప్రభాస్ నడిచొచ్చే తీరు, లంకేశ్ గా సైఫ్ అలీఖాన్ రాక్షస గెటప్ హైలైట్ గా నిలిచాయి. సీత, లక్ష్మణుడు, హనుమంతుడు క్యారెక్టర్స్ ను కూడా చూపించారు. నేపథ్య సంగీతం మరో హైలైట్.

సంక్రాంతి కానుకగా... వచ్చే ఏడాది జనవరి 12న ప్రపంచవ్యాప్తంగా త్రీడీలో 'ఆదిపురుష్' విడుదల కానుంది. హిందీ, తెలుగు, తమిళ, కన్నడ, మలయాళ భాషలతో పాటు పలు అంతర్జాతీయ భాషల్లో సినిమా విడుదలకు సన్నాహాలు జరుగుతున్నాయి.