చిరునవ్వులు చిందిస్తున్న తెలుగమ్మాయి.. చుడీదార్ లో మెరిసిపోతున్న వైష్ణవి..!

ఆంధ్ర ప్రదేశ్ విజయవాడకు చెందిన అచ్చమైన తెలుగమ్మాయి వైష్ణవి చైతన్య.. 'బేబీ' సినిమాతో హీరోయిన్ గా పరిచయం కాబోతోంది. ప్రస్తుతం మూవీ ప్రమోషన్స్ లో బిజీగా ఉన్న వైష్ణవి లేటెస్ట్ ఫోటోలు..

వైష్ణవి చైతన్య లేటెస్ట్ ఫోటోలు

తెలుగమ్మాయి వైష్ణవి చైతన్య గురించి సోషల్ మీడియాలో యాక్టీవ్ గా ఉండేవారికి తెలిసే ఉంటుంది. మొదట్లో టిక్ టాక్, డబ్ స్మాష్ వీడియోలతో పాపులర్ అయిన ఈ బ్యూటీ.. తర్వాత పలు షార్ట్ ఫిలిమ్స్ లో నటించింది.

'సాఫ్ట్ వేర్ డెవలపర్' అనే యూట్యూబ్ సిరీస్ తో మంచి గుర్తింపు తెచ్చుకున్న వైష్ణవి.. సినిమాల్లోనూ అవకాశాలు అందుకుంది. 'అల వైకుంఠపురములో' సినిమాలో అల్లు అర్జున్ చెల్లెలిగా కనిపించింది. 'టచ్ చేసి చూడు' 'వరుడు కావలెను' వంటి పలు చిత్రాల్లో చిన్న పాత్రలు పోషించింది.

క్యారెక్టర్ ఆర్టిస్ట్ గా రాణిస్తున్న సమయంలోనే హీరోయిన్ గా ఛాన్స్ కొట్టేసింది వైష్ణవి చైతన్య. 'బేబీ' అనే చిత్రంతో కథానాయికగా పరిచయం కాబోతోంది. 'హృదయ కాలేయం' 'కొబ్బరిమట్ట' ఫేమ్ సాయి రాజేష్ ఈ చిత్రానికి దర్శకత్వం వహిస్తున్నాడు. మాస్‌ మూవీ మేకర్స్‌ పతాకంపై ఎస్‌కేఎన్‌, దర్శకుడు మారుతి సంయుక్తంగా నిర్మిస్తున్నారు.

'బేబీ' అనేది ఒక న్యూ ఏజ్ ట్రైయాంగిల్ లవ్ స్టోరీ. 'కలర్ ఫొటో' తరహాలో మనసుకు హత్తుకునే ప్రేమకావ్యంలా ఈ చిత్రాన్ని ఆవిష్కరించే ప్రయత్నం చేస్తున్నారు. ఇందులో విజయ్ దేవరకొండ తమ్ముడు ఆనంద్ దేవరకొండ మరియు విరాజ్ అశ్విన్ లు హీరోలుగా నటిస్తున్నారు.

'బేబీ' కథంతా వైష్ణవి చైతన్య పాత్ర చుట్టూనే తిరగనుందని తెలుస్తుంది. ఆమె పాత్రలో రెండు వేరియేషన్స్ కనిపిస్తున్నాయి. ఓవైపు డీగ్లామరస్ గా కనిపిస్తూనే, మరోవైపు ట్రెండీ డ్రెస్సులతో మోడరన్ గా కనిపిస్తోంది.

ఇప్పటికే విడుదలైన 'బేబీ' ప్రచార చిత్రాలు, సాంగ్స్ లో యంగ్ బ్యూటీ తన క్యూట్ లుక్స్ తో ఆకట్టుకుంది. తాజాగా ఈ సినిమాలోని ‘ప్రేమిస్తున్నా.. నీ ప్రేమలో జీవిస్తున్నా..’ అనే పాటను స్టార్ హీరోయిన్ రష్మిక మందన్న చేతుల మీదుగా విడుదల చేసారు.

ఈ కార్యక్రమంలో చిత్ర బృందంతో పాటుగా హీరోయిన్ వైష్ణవి చైతన్య కూడా సందడి చేసింది. ఆమెకు సంబంధించిన ఫోటోలు సోషల్ మీడియాలో చక్కర్లు కొడుతున్నాయి. వైట్ చుడీదార్ లో మెరిసిపోతున్న ఈ బ్యూటీ అందానికి నెటిజన్లు ఫిదా అవుతున్నారు.

ఇకపోతే సాంగ్ ప్రమోషనల్ వీడియో కోసం చిత్ర 65 అడుగుల ఎత్తైన వైష్ణవి చైతన్య ఫోటోని పెయింటింగ్ వేయించాట. తొలి సినిమాతోనే అమ్మడిని ఈ రేంజ్ లో పబ్లిసిటీ లభిస్తోందని పలువురు నెటిజన్లు కామెంట్స్ చేస్తున్నారు.

'బేబీ' సినిమా రిలీజ్ అవ్వకముందే అమ్మడికి మరికొన్ని సినిమా ఆఫర్స్ వచ్చినట్లు టాక్ వినిపిస్తోంది. మరి టాలీవుడ్ లో తెలుగమ్మాయి కెరీర్ ఎలా సాగుతుందో చూడాలి.