OTT Family Drama: రీసెంట్‌గా ఓటీటీలోకి వచ్చిన రెజీనా సినిమా - ఎందులో స్ట్రీమింగ్ అవుతుందో తెలుసా?

Regina Cassandra OTT Movies: హీరోయిన్ రెజీనా కసాండ్రా నటించిన సినిమా రీసెంట్‌గా ఓటీటీలోకి వచ్చింది. ఈ సినిమా ఎందులో స్ట్రీమింగ్ అవుతుంది? రెస్పాన్స్ ఎలా ఉంది? అనేది తెలుసా?

రెజీనా కసాండ్రా

దిలీప్ ప్రకాష్, రెజీనా కసాండ్రా జంటగా నటించిన సినిమా 'ఉత్సవం'. ఇందులో నటకిరీటి డాక్టర్ రాజేంద్ర ప్రసాద్, విలక్షణ నటుడు ప్రకాష్ రాజ్, హాస్య బ్రహ్మ బ్రహ్మానందం, నాజర్, ఆలీ, ప్రేమ, ఎల్బీ శ్రీరామ్, అనీష్ కురువిల్లా, ప్రియదర్శి, ఆమని, సుధా ప్రధాన తారాగణం. అర్జున్ సాయి దర్శకత్వంలో సురేష్ పాటిల్ నిర్మించిన చిత్రమిది. ప్రస్తుతం ఓటీటీలో ట్రెండ్ అవుతోంది.

రెజీనా తెలుగులో పలు సినిమాలు చేశారు. అయితే, కొంత విరామం తర్వాత 'ఉత్సవం' ద్వారా మళ్లీ తెలుగు ప్రేక్షకుల ముందుకు వచ్చారు. సురభి నాటకాల నేపథ్యంలో తెరకెక్కిన చిత్రమిది. అంతరించిపోతున్న నాటక సంస్కృతికి మళ్లీ పూర్వ వైభవం తీసుకురావాలని హీరో ప్రయత్నిస్తాడు. అతనికి సపోర్ట్ చేసే పాత్రలో ప్రేయసి పాత్రలో రెజీనా నటించారు.