Upcoming Animated Movies 2026: 'ది లెజెండరీస్' to 'ఐస్ ఏజ్ 6' వరకు... 2026లో ఓటీటీ, థియేటర్లలోకి రాబోయే యానిమేటెడ్ సినిమాలు

upcoming animated movies 2026 in theaters: 2026లో యానిమేటెడ్ సినిమాలు బాక్సాఫీస్ వద్ద సందడి చేయనున్నాయి. ఈ ఏడాది చివరతో పాటు వచ్చే ఏడాది ప్రారంభంలో రాబోయే సినిమాలు ఏమిటో తెలుసుకోండి.

కొత్త ఏడాది (2026లో) బాక్స్ ఆఫీస్ దగ్గర యానిమేటెడ్ సినిమాలు బోలెడు రానున్నాయి. యాక్షన్, రొమాంటిక్ సినిమాలతో పాటు ఈ యానిమేటెడ్ సినిమాలు కూడా ప్రేక్షకులకు వినోదం అందించడానికి సిద్ధంగా ఉన్నాయి. రాబోయే యానిమేటెడ్ సినిమాల జాబితా ఇక్కడ తెలుసుకోండి.

కామిక్ పుస్తకాల ఆధారంగా రూపొందించిన సినిమా 'ద లెజెండరీస్'. ఈ కథలో హీరోలు డార్క్హెల్ అనే మాంత్రికుడితో పోరాడి ఒక రాయిని పగలగొడతారు. దాని తరువాత యోధులందరూ చిన్న పిల్లలుగా మారిపోతారు. వచ్చే ఏడాది జనవరి 28న ఈ సినిమా విడుదలవుతుంది. ఇప్పటివరకు దీని OTT విడుదల తేదీ గురించి ఎటువంటి ప్రకటన రాలేదు.

2026లో విడుదల కానున్న మరో యానిమేటెడ్ చిత్రం 'ది క్యాట్ ఇన్ ది హ్యాట్'. మీ పిల్లలకు సాధారణ కార్టూన్ల నుండి భిన్నంగా, రిఫ్రెషింగ్ గా ఏదైనా చూపించాలనుకుంటే, ఈ చిత్రం మంచి ఛాయస్ అవుతుంది. వార్నర్ బ్రదర్స్ బ్యానర్ మీద నిర్మించబడిన ఈ సినిమా ఫిబ్రవరి 27న థియేటర్లలోకి వస్తోంది.