Director Vamsi Krishna Marriage: ఓ ఇంటివాడైన రవితేజ, రాజ్ తరుణ్ సినిమాల దర్శకుడు వంశీ కృష్ణ

Director Vamsi Krishna Marriage Photos: మాస్ మహారాజా రవితేజ, రాజ్ తరుణ్ హీరోలుగా సినిమాలు చేసిన దర్శకుడు వంశీ కృష్ణ. ఆయన ఓ ఇంటివాడు అయ్యారు. బుధవారం పెళ్లి చేసుకున్నారు.

పెళ్లి చేసుకున్న రవితేజ 'టైగర్' దర్శకుడు... ఫోటోలు చూడండి.

యువ దర్శకుడు వంశీ కృష్ణ వివాహం చేసుకున్నారు. బుధవారం రాత్రి ఆయన పెళ్లి జరిగింది. ఆ ఫోటో ఇది. దీనిని తీసింది ఎవరో తెలుసా? హీరో మంచు మనోజ్. ఈ ఫోటోను సోషల్ మీడియాలో షేర్ చేసింది మాత్రం లక్ష్మీ మంచు. రవితేజ, రాజ్ తరుణ్ హీరోలుగా వంశీ కృష్ణ ఏయే సినిమాలు చేశారో తెలుసా?

దర్శకుడు వంశీ కృష్ణ పెళ్లిలో సందడి చేసిన హీరో మంచు మనోజ్. ఆయన సోదరి, ప్రముఖ నటి లక్ష్మీ మంచు. ఆమె ప్రధాన పాత్రలో రూపొందిన 'దొంగాట' సినిమాకు వంశీ కృష్ణ దర్శకత్వం వహించారు. 

మాస్ మహారాజా రవితేజ హీరోగా నటించిన 'టైగర్ నాగేశ్వరరావు' సినిమాకు కూడా వంశీ కృష్ణ దర్శకుడు. పాన్ ఇండియా స్థాయిలో భారీ ఎత్తున తెరకెక్కించిన ఆ సినిమా ఆశించిన విజయం అందుకోలేదు.

రాజ్ తరుణ్ హీరోగా వంశీ కృష్ణ దర్శకత్వం వహించిన 'కిట్టూ ఉన్నాడు జాగ్రత్త' మంచి విజయం సాధించింది. దర్శకుడిగా ఆయన కెరీర్‌లో అది హిట్. 

'టైగర్ నాగేశ్వరరావు' తర్వాత వంశీ కృష్ణ మరో సినిమా స్టార్ట్ చేయలేదు. బహుశా... ఈ పెళ్లి పనుల్లో బిజీ అనుకుంట! పెళ్లి హడావిడి ముగిసిన తర్వాత కొత్త సినిమా ప్రకటిస్తారేమో చూడాలి.