British Student in Ukraine: వీడెవడండి బాబు! మొన్న అఫ్గాన్, నేడు ఉక్రెయిన్- ఎక్కడికెళ్తే అక్కడ ఇరుక్కుపోతాడు!

ఎక్కడ యుద్ధం జరిగినా, దాడులు జరిగినా.. అక్కడ ఆ కుర్రాడు ప్రత్యక్షమవుతాడు. మొన్న అఫ్గానిస్థాన్‌ను తాలిబన్లు ఆక్రమించుకునే సమయంలో బ్రిటన్‌కు చెందిన రౌత్‌లెడ్జ్‌ అక్కడే ఉన్నాడు. ఇప్పుడు ఉక్రెయిన్‌పై రష్యా యుద్ధం చేస్తోంటే మళ్లీ  ఇక్కడ కనిపించాడు. అసలు ఈ యుద్ధం జరిగే దేశాల్లో రౌత్‌లెడ్జ్ సాహసయాత్రలేంటో తెలుసుకుందాం రండి. 

దేనికైనా సిద్ధమే

రౌత్‌లెడ్జ్‌కు సాధారణంగా సాహసయాత్రలంటే ఇష్టం. దీంతో ఎక్కడ యుద్ధం, వివాదాలు, గొడవులు జరుగుతాయో అక్కడికి వెళ్లిపోతాడు. ఇలానే గత ఏడాది కాబూల్‌ను తాలిబన్లు స్వాధీనం చేసుకునే కొద్ది రోజుల ముందు అఫ్గానిస్థాన్ వెళ్లిపోయాడు. అక్కడి నుంచి అతి కష్టం మీద బ్రిటన్.. రౌత్‌లెడ్జ్‌ను స్వదేశానికి తీసుకువచ్చింది. 

Refresher: Last week when I was in Donetsk, Ukraine, I befriended some soldiers, got a free uniform, wore a Putin mask yelling at the Russians and went to an abandoned old airforce base pic.twitter.com/QSca5nPueS

— Lord Miles Routledge (@real_lord_miles) February 25, 2022

ఇప్పుడు మళ్లీ రష్యా.. ఉక్రెయిన్‌పై యుద్ధం చేసే కొద్ది రోజుల ముందు ఫిబ్రవరి 25న ఆ దేశానికి వెళ్లిపోయాడు ఈ కుర్రాడు. పోలాండ్ నుంచి చివరి రైలులో ఈ కుర్రాడు ఉక్రెయిన్ వెళ్లాడు. ఆ సమయంలో అతని డాక్యుమెంట్లు కూడా అధికారులు సరిగా చెక్ చేయలేదన్నాడు.

Stopped and interrogated by Ukrainian forces, took photos of me and my passport. The press badge worked lol pic.twitter.com/n0h6XSt4vf

— Lord Miles Routledge (@real_lord_miles) February 28, 2022

ఇప్పుడు బాంబ్ షెల్టర్‌లో తలదాచుకుంటోన్న రౌత్‌లెడ్జ్.. ఈ యుద్ధంలో తన కాలు, చెయ్యి పోతుందేమోనని భయపడుతున్నాడు.