Israel Iran War: ఏబీపీ రిపోర్టింగ్ చేస్తున్న టైంలో బాంబు పేలుడు- తృటిలో తప్పించుకున్న రిపోర్టర్ జగ్విందర్ పటియాల్

Israel Iran War:ఇజ్రాయెల్ లెబనాన్‌పై దాడులు తీవ్రం చేసింది. డ్రోన్ ద్వారా శత్రువులను గుర్తించి వెతికి మరీ బాంబులు వేస్తోంది. ఇలాంటి ఉద్రిక్తత పరిస్థితుల్లో ఏబీపీ ఆ ప్రాంతంలో రిపోర్టింగ్ చేస్తోంది.

లెబనాన్‌ వార్‌జోన్‌లో ఏబీపీ రిపోర్టర్ జగ్విందర్ పటియాల్ రిపోర్టింగ్

హిజ్బుల్లాను సర్వ నాశనం చేసే పనిలో ఇజ్రాయెల్ పూర్తిగా నిమగ్నమై ఉంది. హిజ్బుల్లాకు మద్దతుగా నిలిచిన ప్రతి ఒక్కర్ని హతమార్చేందుకు ప్రయత్నిస్తోంది.

లెబనాన్‌పై హిజ్బుల్లా ఉన్న ప్రతి స్థావరంపై ఇజ్రాయెల్ నిరంతరం దాడులు చేస్తోంది. తాజాగా బీరుట్‌లోని హిజ్బుల్లా స్థావరాలను టార్గెట్ చేసుకుంది.

ఈ దాడులకు భయపడి స్థానికంగా ఉండే ప్రజలు బయట ప్రాంతాలకు వెళ్లిపోతున్న టైంలో ఏబీపీ టీం అక్కడకు వెళ్లింది.

ఏబీపీ న్యూస్ రిపోర్టర్ జగ్విందర్ పటియాల్ సాహసం చేసి ఇజ్రాయెల్ దాడులు చేస్తున్న బీరూట్‌లో దక్షిణ ప్రాంతానికి చేరుకున్నారు.

బీరూట్‌లో ఉన్న వాస్తవ పరిస్థితులను ఏబీపీ న్యూస్ రిపోర్టర్ జగ్విందర్ పటియాల్ వివరిస్తున్న టైంలోనే బాంబు పడింది. భారీ శబ్ధంతో పేలింది.

ఒక్కసారిగా బాంబుపేలుడుకు రిపోర్టర్ జగ్విందర్ పటియాల్‌తోపాటు కమెరామ్యాన్ షేక్ అయ్యారు.

ఆ బాంబు పేలుడులో వాళ్లకు ఎలాంటి గాయాలుకాలేదు. పూర్తి సురక్షితంగా ఉన్నారు.