UK Couple: 'రండి బాబు రండి.. రూ.2 కోట్లు విలువ చేసే ఇల్లు రూ.100కే ఇచ్చేస్తాం'

ఓ జంట తమ ఇంటిని అమ్మేందుకు ఓ మాస్టర్ ప్లాన్ వేసింది. రూ. 2 కోట్లు విలువ చేసే ఇంటిని రూ.100కే ఇచ్చేస్తోంది.

'రండి బాబు రండి.. రూ.2 కోట్లు విలువ చేసే ఇల్లు రూ.100కే ఇచ్చేస్తాం'

రూ.2 కోట్లు విలువ చేసే ఇంటిని రూ.100కే ఇచ్చేసింది ఆ జంట. ఏంటి షాక్ అవుతున్నారా? అవును బ్రిటన్‌కు చెందిన ఓ జంట తమ ఇంటిని అమ్మేందుకు సరి కొత్త ఐడియా వేసింది. అదేంటో తెలుసా?

యూకేకు చెందిన ఆడమ్ వైట్స్ తన భార్య లిజ్ రూ.2 కోట్లు విలువ చేసే తమ ఇంటిని అమ్మేందుకు నిర్ణయించుకున్నారు. ఇంగ్లాండ్‌లోని దక్షిణ టైనిసైడ్‌లో ఉన్న ఈ రెండు అంతస్థుల ఇంటిలో మూడు బెడ్‌రూమ్‌లు, ఓ గార్డెన్ ఉంది. ఆ ఇంటికి దగ్గరలోనే ఓ పార్కు కూడా ఉంది.

లాటరీ..

అయితే లిజ్ ఓ స్వచ్ఛంద సంస్థలో పనిచేస్తోంది. దివ్యాంగులకు కాస్త ఆహ్లాదం కల్పించేందుకు, కౌన్సిలింగ్ సహా గెట్ టుగెథర్ వంటి పార్టీలను ఈ సంస్థ నిర్వహిస్తుంటుంది. లిజ్ భర్త ఆడమ్ ఒకసారి అక్కడి రిజిస్టర్డ్ మేనేజర్‌ను దివ్యాంగులు వీల్‌ఛైర్‌తో సహా ఊగే ఉయ్యాల కావాలని అడిగారు. అయితే దాని విలువ £13,000 (రూ.13 లక్షలు)గా మేనేజర్ తెలిపారు.

ఆ ఉయ్యాల కొని ఛారిటీకి బహుమతిగా ఇవ్వాలని ఆడమ్ ఆకాంక్షించారు. దీని కోసం తమ ఇంటిని లాటరీ పద్దతిలో అమ్ముదామని ఆడమ్ తన భార్యకు చెప్పాడు. ఇందుకు ముందు ఒప్పుకోకపోయినా తర్వాత తన భార్య లిజ్ సరేనంది.

ఇలా చేయడం వల్ల తమ ఇల్లు అమ్ముడవడమే కాకుండా ఛారటీ కోసం నిధులు సమీకరించేందుకు కూడా డబ్బు వస్తుందని ఆ జంట ఆలోచించింది.

" మేం 2 లక్షల టికెట్లు అమ్మితే, ఒకరికి ఈ ఇల్లు దక్కే అవకాశం ఉంది. దీంతో పాటు ఆ ఉయ్యాలకు కావాలిసిన డబ్బులు కూడా మాకు దక్కుతాయి. అవి ఛారిటీ సంస్థకు ఉపయోగపడతాయి. వీల్ ఛైర్ ఏక్ససబుల్ స్వింగ్ కొనాలని మేం ఎప్పటి నుంచో అనుకుంటున్నాం. కానీ అది చాలా ఖరీదు కావడంతో అవలేదు. కానీ ఈసారి దాన్ని కొని పిల్లలకు బహుమతిగా ఇస్తాం.                                                 "

-అడమ్ లిజ్, భార్యాభర్తలు

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి