Delhi Air Pollution: దిల్లీ సర్కార్‌కు సుప్రీం డెడ్‌లైన్.. రేపటి నుంచి పాఠశాలలు బంద్

దిల్లీ వాయు కాలుష్యంపై చర్యలు చేపట్టడం లేదని ప్రభుత్వంపై సుప్రీం కోర్టు ఆగ్రహం వ్యక్తం చేసింది. 24 గంటల డెడ్‌లైన్ విధించింది.

దిల్లీ సర్కార్‌కు సుప్రీం డెడ్‌లైన్

దేశ రాజధాని దిల్లీలో వాయు కాలుష్యంపై సుప్రీం కోర్టు మరోసారి ఆగ్రహం వ్యక్తం చేసింది. వాయు కాలుష్యాన్ని తగ్గించేందుకు 'సీరియస్ ప్లాన్‌'తో రావాలని దిల్లీ సర్కార్, కేంద్ర ప్రభుత్వానికి 24 గంటల డెడ్‌లైన్ విధించింది.

Koo App

#BreakingNews LIVE: SC Gives 24 Hrs Deadline To Centre & #Delhi Govt To Come Up With ’Serious Plan’ To Curb #AirPollution LIVE Updates: bit.ly/3od7XnO

View attached media content

- ABP Live (@abplive) 2 Dec 2021

" వాయు కాలుష్యం రోజురోజుకు పెరుగుతోంది.. తగ్గించడానికి మీరు చర్యలు చేపట్టినట్లు మాకు అయితే కనిపించడం లేదు. పారిశ్రామిక, వాహనాల కాలుష్యంపై దృష్టి పెట్టాలి. మేం చెబితే మీరు పనిచేస్తారా? మీరు చర్యలు తీసుకోవాలి కదా? పాఠశాలలు ఎందుకు తెరిచారు?                                   "

- సుప్రీం కోర్టు

వాయు కాలుష్యం కట్టడి కోసం వివిధ చర్యలు చేపట్టామని చెబుతూ దిల్లీ ప్రభుత్వం తరఫున సీనియర్ న్యాయవాది మను సింఘ్వీ అఫిడవిట్ దాఖలు చేశారు. దీనిపై కూడా ధర్మాసనం అసంతృప్తి వ్యక్తం చేసింది.

" ఇది కాలుష్యానికి మరో కారణం, రోజూ ఎన్నో అఫిడవిట్లు సమర్పిస్తున్నారు. రోడ్డు బ్యానర్లు పట్టుకుని ఎంత మంది నిల్చుంటున్నారో అఫిడవిట్​లో పేర్కొన్నారా?                                   "

- సుప్రీం కోర్టు

కాలుష్యాన్ని తగ్గించేందుకు ప్రభుత్వాలు చర్యలు చేపట్టకపోతే తామే ఆదేశాలిస్తామని సుప్రీం కోర్టు వ్యాఖ్యానించింది. విచారణను శుక్రవారం ఉదయం 10 గంటలకు వాయిదా వేసింది.

రియాక్షన్..

All schools in Delhi to be closed from tomorrow till further orders, due to current air pollution levels in the city: Environment Minister Gopal Rai pic.twitter.com/k9NY7KL3SL

— ANI (@ANI) December 2, 2021

సుప్రీం ఆగ్రహం వ్యక్తం చేయడంతో దిల్లీ సర్కార్ తక్షణ చర్యలు చేపట్టింది. తదుపరి ఆదేశాలు ఇచ్చేవరకు రేపటి నుంచి దిల్లీలో పాఠశాలలు నిరవధికంగా మూసినవేస్తున్నట్లు ప్రభుత్వం ప్రకటించింది. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి