UAE New Weekend Days: వీకెండ్ ఆహా.. ఆ ఊహ ఎంత బాగుందో! ఇక వారంలో 2.5 రోజులు సెలవు!

ఆ దేశంలో ఇక వీకెండ్ అంటే రెండున్నర రోజులు సెలవన్నమాట. అవును మీరు విన్నది నిజమే. ఇక యూఏఈలో వారంలో నాలుగున్నర రోజులే పనిదినాలు.

వీకెండ్.. ఆహా ఆ ఊహ ఎంత బాగుందో!

వీకెండ్.. ఆహా ఆ ఊహ ఎంత బాగుందో..? ఉద్యోగం చేసే ప్రతి ఒక్కరికి వీకెండ్ అంటే అంత ఇష్టం. వారంలో ఐదు రోజులు పని చేసి ఆ రెండు రోజులు సుఖంగా, హాయిగా కుటుంబంతో గడపాలని అనుకుంటారు. అయితే భారత్ సహా పలు దేశాల్లో కొన్ని రంగాల్లో మాత్రమే ఇది అమలవుతోంది. అయితే చాలా ప్రైవేట్ సంస్థలు మూరెడు జీతం ఇచ్చి బారెడు పని చేయించుకుంటున్నాయి. అంతేకాకుండా డబుల్ వీక్ ఆఫ్‌లు ఇస్తామని.. సింగిల్ ఆఫ్‌తోనే సరిపెడుతున్నాయి.

ఇలాంటి సమయంలో ఆ దేశం మాత్రం వారంలో 4.5 రోజులు పని చేసి రెండున్నర రోజులు సెలవు తీసుకోమని ఉద్యోగులకు బంపర్ ఆఫర్ ఇచ్చింది. ఇది ఎక్కడో తెలుసా? యూఏఈలో (యునైటెడ్ అరబ్ ఎమిరేట్స్). 

#UAE announces today that it will transition to a four and a half day working week, with Friday afternoon, Saturday and Sunday forming the new weekend.

All Federal government departments will move to the new weekend from January 1, 2022. pic.twitter.com/tQoa22pai9

— UAEGOV (@UAEmediaoffice) December 7, 2021

కొత్త ఏడాది నుంచి..

2022 జనవరి 1 నుంచి యూఏఈ వ్యాప్తంగా వారంలో నాలుగున్నర రోజులు మాత్రమే పని ఉంటుంది. శుక్రవారం మధ్యాహ్నం, శనివారం, ఆదివారం ఇక వీకెండ్‌ సెలవలుగా పరిగణించనున్నారు. ఫెడరల్ ప్రభుత్వ విభాగాలన్ని దీనికి అంగీకరించినట్లు యూఏఈ ప్రభుత్వం ప్రకటించింది.

ఇప్పటి వరకు యూఏఈలో శనివారం, ఆదివారం సెలవలుగా ఉన్నాయి. ఇక కొత్త ఏడాది నుంచి శుక్రవారం మధ్యాహ్నం నుంచే వీకెండ్ ప్రారంభం కానుంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి