Karnataka: బిచ్చగాడి అంతిమయాత్రకు వేలాదిమంది!.. మంత్రులు కూడా అతడ్ని కలిసేవారట!

కర్ణాటకలో ఓ బిచ్చగాడి అంతియాత్రకు వేలాది మంది ప్రజలు తరలివచ్చారు. ఈ ఫొటోలు, వీడియోలు వైరల్‌గా మారాయి.

బిచ్చగాడి అంతిమయాత్రకు వేలాదిమంది

ఓ బిచ్చగాడి అంతిమయాత్రకు వేలమంది హాజరయ్యారు. అవును మీరు విన్నది నిజమే. అయితే అతేనేమి బిచ్చగాడు చిత్రంలో హీరోలా కోటీశ్వరుడు కాదు.. తల్లి కోసం అడ్డుక్కోలేదు. కానీ ఆయన అంతిమయాత్రకు వచ్చిన జనాన్ని చూస్తే మాత్రం షాకవ్వాల్సిందే. అసలేంటి ఆయన కథ?

లక్కీ బిచ్చగాడు..

కర్ణాటక బళ్లారి జిల్లాకు చెందిన దివ్యాంగుడైన బసవ అలియాస్ హుచ్చ బస్య (45) శనివారం జరిగిన రోడ్డు ప్రమాదంలో చనిపోయాడు. ఆదివారం అతని అంత్యక్రియలకు వేలాది మంది హాజరయ్యారు. హడగాలి పట్టణంతో బస్యకు ప్రత్యేక అనుబంధం ఉంది. బస్యకు దానం చేస్తే తమకు అదృష్టం కలిసి వస్తుందని పట్ణణవాసులు నమ్ముతారు. అయితే ఎన్ని డబ్బులిచ్చినా కేవలం ఒక్క రూపాయే బస్య తీసుకుంటాడు. 

అలాంటి మంచి మనిషి చనిపోయాడని.. పట్టణం మొత్తం ఫ్లెక్సీలు పెట్టేశారు ప్రజలు. బస్య అంతిమయాత్రకు వేలాది మంది తరలివచ్చారు. బ్యాండ్ బాజా పెట్టి అంతిమయాత్ర జరిపారు.

పెద్దలతో కూడా..

సాధారణ ప్రజలతో పాటు కర్ణాటక మాజీ డిప్యూటీ సీఎం దివంగత ఎంపీ ప్రకాశ్, మాజీ మంత్రి పరమేశ్వర్ నాయక్ వంటి నేతలకు కూడా బస్య సుపరిచితుడని స్థానికులు అంటున్నారు. వారితో మాట్లాడేటప్పుడు ఎలాంటి భయం లేకుండా అమాయకంగా మాట్లాడేవాడని చెబుతున్నారు. ఈ అంతిమయాత్ర ఫొటోలు, వీడియోలు ప్రస్తుతం సోషల్ మీడియాలో వైరల్‌గా మారాయి. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి