Russia Google : రష్యాతో పెట్టుకుంటే అంతే - గూగుల్‌కు ప్రపంచంలో ఉన్న డబ్బు కంటే ఎక్కువ జరిమానా !

Google : గూగుల్ కంపెనీకి రష్యా కోర్టు ఇరవవై డెసిలియన్ డాలర్ల జరిమానా విధించింది. ఇది ఎంత అంటే ప్రపంచంలో ఉన్న సొమ్ము కంటే చాలా ఎక్కువ.

గూగుల్ కు ప్రపంచ జీడీపీ కంటే ఎక్కువ జరిమానా వేసిన రష్యా కోర్టు

Source : PTI

Russia : రష్యా లేదా పుతిన్‌తో పెట్టుకుంటే ఎలా ఉంటుందో గూగుల్ కు మరోసారి అర్థమైపోయింది. రష్యా అధికారిక యూట్యూబ్ చానల్ తో పాటు ఆ దేశానికి సంబంధించిన పదిహేడు యూట్యూబ్ చానళ్లను నిషేధించారు. దీనిపై రష్యా గూగుల్ కు చాలా సార్లు విజ్ఞప్తులు చేసింది. కానీ పట్టించుకోలేదు. దాంతో కోర్టులో పిటిషన్ వేశారు. విచారణ జరిపిన కోర్టు యూట్యూబ్ తప్పు చేసిందని తేల్చింది. ఇది చిన్న తప్పు కాదని చెప్పి భారీ జరిమానా విధించింది. ఆ జరిమానా మొత్తం 20,000,000,000,000,000,000,000,000,000,000,000 డాలర్లు. ఇది ఎంత మొత్తమో చెప్పడం కూడా కష్టం. 

మనం చాలా వరకూ బిలియన్ డాలర్ల వరకూ విని ఉంటాం. అంత కంటే పెద్ద మొత్తం గురించి ఆలోచించాల్సిన అవసరం లేదు. ఎన్ని వందలు బిలియన్ డాలర్లు అయినా చెప్పగలుతాం. కానీ బిలియన్ దాటిన తర్వాత ఉండే నెంబర్ డెసిలియన్.  ఒక  అంకె తర్వాత 36 సున్నాలుంటే డెసిలియన్. అలాంటిది ఇరవై డెసిలియన్ల జరిమానాను రష్యా కోర్టు గూగుల్ కు విధించింది. ప్రపంచ జీడీపీ మొత్తం కలిపినా ఇంత మొత్తం ఉండదు. ఈ జరిమానా ను చూసి గూగుల్ కు మైండ్ బ్లాంక్ అయిపోయి ఉంటుంది.  కానీ రష్యా నుంచి ఇలాంటివేవో ఉంటాయని చెప్పి ముందుగానే జ్యూరిస్ డిక్షన్ పరిధిని ప్రకటించుకుంది. అమెరికా, బ్రిటన్ కోర్టుల్లో తేల్చుకోవాలనిచెప్పింది. ఆ మేరకు కోర్టుల్లో పిటిషన్లు వేసుకుంది.                                    

రష్యా ప్రపంచ దేశాలతో సరిగ్గా సంబంధాలు నిర్వహించదు. చైనా తరహాలోనే గోప్యంగా అంతా సాగుతంది. ఉక్రెయిన్ పై దాడి చేసి రెండున్నరేళ్లుగా యుద్ధం చేస్తోంది. ఈ క్రమంలో ప్రపంచం మొత్తం వినియోగించే సోషల్ మీడియా సంస్థలకు రష్యాలో  గడ్డు పరిస్థితులు ఎదురవుతూనే ఉంటాయి. ఉక్రెయిన్ యుద్ధం తర్వాత ప్రధాన సోషల్ మీడియా సంస్థలు రష్యాకు దూరం పాటిస్తున్నాయి. ఈ క్రమంలో గూగుల్ కు విధించిన ఊహించనంత జరిమానా రష్యా ఎలా వ్యవహరిస్తుందో తెలిసిపోతుంందదన్న అంచనాలు వస్తున్నాయి. గూగుల్ కట్టే అవకాశం  లేదు. 

2022 నుంచి రష్యాలో  గూగుల్ సేవలు నిలిచిపోయాయి. అక్కడి తమ సబ్సిడరీ కంపెనీ దివాలా తీసినట్లుగా ప్రకటించింది. ఆ దేశంలో ఇప్పటికీ వంద మిలియన్ డాలర్ల విలువైన ఆస్తులు గూగుల్ కు ఉన్నాయి. వాటిని రష్యా ప్రభుత్వం జప్తు చేసింది. గూగుల్ కంపెనీ ప్రతి దేశంలో ఆయా దేశాల చట్టాలకు అనుగుణంగా వ్యవహరిస్తుంది. ఇప్పుడు రష్యా కోర్టు విధించిన జరిమానాను  గూగుల్ కట్టలేదని రష్యాకు కూడా తెలుసు. అయినా ఇలాంటి జరిమానా విధించడం ఆసక్తికరంగా మారింది.