Best Haleem Spots In Hyderabad : హైదరాబాద్లో బెస్ట్ హలీమ్ తినాలనుకుంటే ఇక్కడ అస్సలు మిస్ కావొద్దు.. టేస్టీ టాపింగ్స్తో కూడిన, ట్రెడీషనల్ హలీమ్ స్పాట్స్ ఇవే
Haleem Spots : రంజాన్ వచ్చిందంటే చాలు దాదాపు నాన్వెజ్ లవర్స్ అందరూ హలీమ్ గురించి ఎదురు చూస్తూ ఉంటారు. మీరు హైదరాబాద్లో హలీమ్ తినాలనుకుంటే ఈ ప్లేస్లలో కచ్చితంగా ట్రై చేయండి.
Hyderabad's Top Haleem Destinations : రంజాన్ (Ramadan 2025) అనేది ముస్లీం సోదరుల పండుగే అయినా.. హైదరాబాదీలంతా ఎలాంటి బేధం లేకుండా ఎదురు చూసేది మాత్రం హలీమ్ కోసమే. అందరూ కోరుకున్నట్టే ప్రతి ఒక్కరికీ ఇది అందుబాటులో ఉంటుంది. రంజాన్ మాసంలో హైదరాబాద్లోని దాదాపు ప్రతి వీధిలో హలీమ్ పాయింట్స్ కనిపిస్తాయి. స్ట్రీట్ సైడ్ వెండర్స్ నుంచి రెస్టారెంట్లు కూడా ఈ టెస్టీ, మంచి అరోమాతో కూడిన హలీమ్ను సర్వ్ చేస్తాయి. అయితే ఈ టేస్టీ వంటకాన్ని మీరు ట్రై చేయాలనుకున్నా.. ఫ్రెండ్స్తో కలిసి ఎంజాయ్ చేస్తూ తినాలన్నా బెస్ట్ పాయింట్ కోసం ఎదురు చూస్తున్నారా?
బెస్ట్ హలీమ్ స్పాట్స్
హైదరాబాద్లో మీరు టేస్టీగా హలీమ్ని తినాలనుకుంటే కొన్ని ప్రదేశాలను కచ్చితంగా ట్రై చేయాలి. ఆ ప్లేస్లు ఏంటి? ఆ ప్రాంతాల్లోనే హలీమ్ ఎందుకు బెస్ట్.. ఏ లొకేషన్కి వెళ్తే వాటిని తినొచ్చు.. హలీమ్ స్పాట్ని ఏరియాతో సహా ఇక్కడ చూసేయండి. ఈ వీకెండ్కి సోలోగా లేదా ఫ్రెండ్స్తో కలిసి హైదరాబాద్లోని బెస్ట్ హలీమ్ స్పాట్స్ని ఎక్స్ప్లోర్ చేసేయండి.
పిస్తా హోస్ (Pista House)
హైదరాబాద్లో బెస్ట్ హలీమ్ స్పాట్ గురించి మాట్లాడుకుంటే కచ్చితంగా ఆ లిస్ట్లో పిస్తా హోస్ ఉంటుంది. ప్రతి ఏడాదిలానే ఈ ఏడాది కూడా పిస్తా హోస్ కస్టమర్లకు టేస్టీ, జ్యూసీగా ఉండే హలీమ్ని అందిస్తూ తన మార్క్ని చూపిస్తుంది. హైదరాబాద్ అంతటా దీనిని పిస్తా హోస్ విస్తరించి ఉంది. కాబట్టి మీరు కూడా ఈ వీకెండ్ మీకు దగ్గర్లో ఉన్న పిస్తా హోస్లో ఈ హలీమ్ని ట్రై చేయవచ్చు.
షాదాబ్ హోటల్ (Shadab Hotel)
ఓల్డ్ సిటీలోని షాదాబ్ హోటల్ హైదరాబాద్లో బెస్ట్ హలీమ్ స్పాట్లలో ఒకటి. ఘాన్సీ బజార్లోని ఈ హోటల్ అధిక నాణ్యతతో కూడిన పదార్థాలను ట్రెడీషనల్గా కుక్ చేస్తూ.. మంచి రుచిని అందిస్తూ బెస్ట్ హలీమ్ స్పాట్గా నిలిచింది.
హోటల్ సిటీ డైమండ్ (Hotel City Diamond)
ఎన్నో సంవత్సరాలుగా హోటల్ సిటీ డైమండ్కి భోజన ప్రియులకు సేవలు అందిస్తుంది. ఇక్కడ హలీమ్ కూడా మంచి రుచితో కస్టమర్లను ఆకట్టుకుంటుంది. మెహదీపట్నంలో ఉన్న ఈ హోటల్లో చిక్కనీ, క్రీమిగా ఉండే హలీమ్ మీకు దొరుకుతుంది. స్వచ్ఛమైన నెయ్యిని, మసాలాలను దీనికోసం వాడుతారు. అంతేకాదు సాంప్రదాయమైన పద్ధతిలో భట్టిని ఉపయోగించి హలీమ్ను నెమ్మదిగా వండుతారు. అందుకే దీనికి ఇంత రుచి ఉంటుందని చెప్తారు.
మందార్ రెస్టారెంట్ (Mandar Restaurant)
టోలీచౌక్లోని మందార్ రెస్టారెంట్ హలీమ్ని ఇష్టపడేవారికి బెస్టెస్ట్ ఆప్షన్గా చెప్పొచ్చు. ఇక్కడ హలీమ్ ట్రెడీషనల్ పద్ధతిలో వండుతారు. ఇంటి రుచి, విలేజ్ తరహా రుచిని ఇష్టపడేవారు ఈ హలీమ్ను కచ్చితంగా ట్రై చేయవచ్చు.
పెషావర్ (Peshawar)
ఎలాంటి టాపింగ్స్ లేకుండా కేవలం హలీమ్ను ఇష్టపడేవారికి పెషావర్ బెస్ట్ ఆప్షన్. లక్టీకాపుల్, మలక్పేటలలో ఈ రెస్టారెంట్ అందుబాటులో ఉంటుంది. ఎన్నో సంవత్సరాలుగా మంచి రుచికరమైన హలీమ్ను అందిస్తూ పెషావర్ హలీమ్ ప్రియులను ఆకట్టుకుంటుంది.
సుభాన్ బేకరీ (Subhan Bakery)
ఉస్మానియా బిస్కెట్లకు ప్రసిద్ధి చెందిన సుభాన్ బేకరీ హలీమ్కి కూడా బాగా ప్రాచుర్యం సంపాదించుకుంది. బిస్కెట్ల మాదిరిగానే హలీమ్తో కూడా హైదరాబాదీల హృదయాలు గెలుచుకుంది. నాంపల్లి, అత్తాపూర్లలో సుభాన్ బేకరీ రుచిని ఆస్వాదించవచ్చు.
టాపింగ్స్తో బెస్ట్ హలీమ్ స్పాట్స్
గ్రిల్ 9 (Grill 9)
బాహుబలి హలీమ్తో గ్రిల్ 9 బాగా ఫేమస్ అయింది. ఈ స్పెషల్ హలీమ్లో భాగంగా 3 ప్లేట్ల హలీమ్, బాయిల్డ్ ఎగ్స్, చికెన్ 65, పత్తర్ కా ఘోష్, నల్లి, వేయించిన ఉల్లిపాయలు, జీడిపప్పు, బాదం, క్రీమ్ వేసి దీనిని మీకు సర్వ్ చేస్తారు. టాపింగ్స్తో హలీమ్ని ఇష్టపడేవారికి ఇది బెస్ట్ ఎక్స్పీరియన్స్ ఇస్తుంది. దీనికోసం మీరు సికింద్రాబాద్ వెళ్లాల్సి ఉంటుంది.
సర్వి రెస్టారెంట్ (Sarvi Restaurant)
సర్వి రెస్టారెంట్ మీకు బెస్ట్ హలీమ్ ఎక్స్పీరియన్స్ ఇస్తుంది. మసాబ్ ట్యాంక్, బంజారాహిల్స్, మాదాపూర్, సికింద్రాబాద్లలో దీని బ్రాంచ్లు ఉన్నాయి. చికెన్ 66, ఉడికించిన గుడ్డు, జీడిపప్పు, క్రీమ్తో నిండిన స్పెషల్ ఇరానీ హలీమ్ని మీరు ఈ రెస్టారెంట్లో తినొచ్చు.
కేఫ్ 555 (Cafe 555)
మసాబ్ ట్యాంక్లోని కేఫ్ 555 ఫ్యూజన్ హలీమ్కు ఫేమస్. ఇక్కడ చికెన్ 65, నల్లి ఘోష్, తలావా ఘోష్, ఎగ్, క్రీమ్ వంటి టాపింగ్స్తో హలీమ్ను ఆస్వాదించవచ్చు. ఇది హలీమ్ రుచిని నెక్స్ట్ లెవెల్కి తీసుకెళ్తుంది.
షా ఘౌస్ (Shah Ghouse)
మీరు హైదరాబాద్లో ఉంటే షా ఘౌస్ హలీమ్ని కచ్చితంగా ట్రై చేయవచ్చు. నోరూరించే మాంసపు రుచితో, రుచికి తగ్గట్లు, రుచిని మరింత పెంచే టాపింగ్స్నిస్తూ హలీమ్ ప్రియులను ఆకట్టుకుంటుంది షా ఘౌస్. లక్టీకాపుల్, టోలిచౌకి, గచ్చిబౌలి, షా అలీ బండా బ్రాంచ్లలో దీనిని ట్రై చేయవచ్చు.
మరి ఇంకెందుకు ఆలస్యం.. మీ ఫ్రెండ్స్, ఫ్యామిలీతో కలిసి ఈ వీకెండ్ సమయంలో హైదరాబాద్లోనే బెస్ట్ హలీమ్ రుచులను ఆస్వాదించేయండి.
Also Read : రంజాన్ స్పెషల్ మటన్ దమ్ బిర్యానీ.. టేస్టీగా అరోమాతో రావాలంటే ఈ రెసిపీ ఫాలో అవ్వండి
టాప్ హెడ్ లైన్స్
ట్రెండింగ్ వార్తలు
