Fatty Liver : ఫ్యాటీ లివర్ మందు(ఆల్కహాల్) వల్ల మాత్రమే కాదు.. మైదా, మటన్ వంటి వల్ల కూడా కాలేయానికి నష్టమే

Fatty Liver Causes : చాలామంది కాలేయ ఆరోగ్యం ఆల్కహాల్ వల్లే చెడిపోతుంది అనుకుంటారు. కానీ ఇదే కాకుండా చాలా ఫుడ్స్, లైఫ్ స్టైల్ ఆరోగ్యంతో పాటు కాలేయాన్ని దెబ్బతీస్తాయని చెప్తున్నారు. అవేంటంటే..

కాలేయంలో కొవ్వును పెంచే ఫుడ్స్ ఇవే

Source : Gemini AI

Show Quick Read

Key points generated by AI, verified by newsroom

• కాలేయంలో కొవ్వు పెరగడం ఫ్యాటీ లివర్ కు కారణమవుతుంది.
• చక్కెర పానీయాలు, వేయించిన, నిల్వ ఆహారాలు కాలేయంపై ప్రభావం చూపుతాయి.
• మైదా, రెడ్ మీట్, అధిక ఉప్పు వాడకం కాలేయ ఆరోగ్యాన్ని దెబ్బతీస్తాయి.
• ఆరోగ్యకరమైన ఆహారం, వ్యాయామంతో కాలేయాన్ని కాపాడుకోవచ్చు.

Foods That Can Damage Your Liver : ఈరోజుల్లో ఫ్యాటీ లివర్ సమస్య వేగంగా పెరుగుతోంది. కేవలం మద్యం తాగే వారికే కాదు.. జీవనశైలి, తప్పు ఆహారపు అలవాట్లు, వ్యాయామం లేకపోవడం వల్ల కూడా చాలామందిలో ఈ సమస్య కనిపిస్తోంది. లివర్‌లో కొవ్వు అధికంగా పేరుకుపోతే దాన్ని ఫ్యాటీ లివర్ అంటారు. మొదట్లో లక్షణాలు పెద్దగా కనిపించకపోయినా.. నిర్లక్ష్యం చేస్తే లివర్ డ్యామేజ్, ఇన్‌ఫ్లమేషన్, సిరోసిస్ వంటి ప్రమాదకర సమస్యలకు దారి తీస్తుంది. 

కొన్ని రకాల ఫుడ్స్ ఎక్కువగా తీసుకోవడం వల్ల లివర్​తో పాటు పూర్తి ఆరోగ్యం దెబ్బతింటుందని నిపుణులు హెచ్చరిస్తున్నారు. నిజానికి ఈ మధ్యకాలంలో ఫ్యాటీ లివర్​ కేసుల్లో నాన్ ఆల్కహాల్ బాధితులే ఎక్కువగా ఉన్నారని.. దీనికి కారణం వారు తీసుకుంటున్న ఫుడ్స్, లైఫ్​స్టైల్ అని అంటున్నారు. అందుకే ముఖ్యంగా కాలేయాన్ని దెబ్బతీస్తోన్న ఫుడ్స్​ జోలికి వెళ్లొద్దంటున్నారు. మరి కాలేయ ఆరోగ్యాన్ని ఎక్కువగా నాశనం చేస్తోన్న ఫుడ్స్ ఏంటో.. వాటిని ఎందుకు తినకూడదో ఇప్పుడు తెలుసుకుందాం. 

షుగర్ డ్రింక్స్ 

సాఫ్ట్ డ్రింక్స్, ప్యాకెట్ జ్యూసులు, ఎనర్జీ డ్రింక్స్‌లో చక్కెర అధికంగా ఉంటుంది. ఇవి కాలేయంలో కొవ్వు పేరుకుపోయేలా చేస్తాయి. ముఖ్యంగా ఫ్రక్టోజ్ ఎక్కువగా ఉండే డ్రింక్స్ ఫ్యాటీ లివర్ ప్రమాదాన్ని పెంచుతాయి.

వేయించిన ఆహారాలు..

చాలామంది బయటి ఫుడ్ తినడానికి ఎక్కువ ఇష్టపడతారు. పకోడీలు, ఫ్రెంచ్ ఫ్రైస్, చిప్స్, ఫాస్ట్ ఫుడ్స్ వంటి డీప్ ఫ్రైడ్ ఐటమ్స్‌లో ట్రాన్స్ ఫ్యాట్స్ ఎక్కువగా ఉంటాయి. ఇవి లివర్‌పై ఒత్తిడి పెంచి కొవ్వు నిల్వలను పెంచుతాయి.

నిల్వ ఆహారం.. 

ప్యాకెట్ స్నాక్స్, ఇన్‌స్టంట్ నూడుల్స్, ప్రాసెస్డ్ మీట్ వంటి ఆహారాల్లో ఉప్పు, ప్రిజర్వేటివ్స్ అధికంగా ఉంటాయి. ఇవి లివర్ పనితీరును దెబ్బతీస్తాయి.

మద్యం

ఆల్కహాల్ లివర్‌కు అతిపెద్ద శత్రువుల్లో ఒకటి. తరచుగా మద్యం సేవించడం వల్ల లివర్ సెల్స్ దెబ్బతిని ఫ్యాటీ లివర్, హెపటైటిస్, సిరోసిస్ వంటి సమస్యలు వచ్చే ప్రమాదాన్ని పెంచుతుంది. 

మైదా ఫుడ్స్

మైదాతో తయారు చేసే బిస్కెట్లు, కేకులు, పిజ్జా, వైట్ బ్రెడ్ వంటి పదార్థాలు రక్తంలో షుగర్ లెవెల్స్‌ను వేగంగా పెంచుతాయి. దీంతో లివర్‌లో కొవ్వు నిల్వలు ఎక్కువగా పేరుకుంటాయి.

రెడ్ మీట్ 

మటన్, బీఫ్ వంటి రెడ్ మీట్‌ను తరచుగా ఎక్కువగా తింటే సాచ్యురేటెడ్ ఫ్యాట్ అధికంగా ఉండే ఫుడ్స్ శరీరంలో చేరుతుంది. ఇది లివర్ ఆరోగ్యంపై ప్రతికూల ప్రభావం చూపొచ్చు.

ఉప్పు 

అధికంగా ఉప్పు తీసుకుంటే కిడ్నీలే కాదు కాలేయం కూడా డ్యామేజ్ అవుతుంది. ఎందుకంటే ఉప్పు వల్ల శరీరంలో నీరు నిల్వ ఉండటం, రక్తపోటు పెరగడం వంటి సమస్యలు వస్తాయి. దీని ప్రభావం లివర్‌పైనా పడే అవకాశం ఉంటుంది.

లివర్ ఆరోగ్యంగా ఉండాలంటే..

కాలేయాన్ని ఆరోగ్యంగా ఉంచాలంటే ఈ ఫుడ్స్​ జోలికి పోకూడదు. తప్పట్లేదు అనుకుంటే తగ్గించాలని చెప్తున్నారు. అలాగే ఫుడ్ విషయంలో జాగ్రత్తలు తీసుకుంటూ పండ్లు, కూరగాయలు డైట్లో చేర్చుకోవాలి. వ్యాయామం చేయడంతో పాటు తగినంత నీరు తాగాలి. ఒత్తిడిని తగ్గించుకునేందుకు ఫ్యాటీ లివర్ మొదట్లో సైలెంట్‌గా ఉండొచ్చు. కాబట్టి చిన్న లక్షణాలనైనా నిర్లక్ష్యం చేయకుండా వైద్యులను సంప్రదించడం మంచిది.

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

మరిన్ని చదవండి

థైరాయిడ్ మందులు మధ్యలో మానేస్తున్నారా? అయితే ఈ ప్రమాదాల తప్పవంటోన్న వైద్యులు

నైట్ హీట్ వేవ్ వల్ల డెత్ రేట్ పెరుగుతుందంట.. రాత్రుళ్లు పెరిగే ఉష్ణోగ్రతలతో జాగ్రత్త అంటోన్న నిపుణులు