Fatty Liver Warning Signs : బరువు తగ్గడం, పొత్తి కడుపులో నొప్పి, జుట్టు రాలడం.. ఫ్యాటీ లివర్ లక్షణాలు మరెన్నో

Fatty Liver Warning Signs : కాలేయ సమస్యలు ఉంటే శరీరంలో వివిధ మార్పులు చోటు చేసుకుంటాయి. ఈ లక్షణాలు గుర్తిస్తే వెంటనే వైద్య సహాయం తీసుకోవాలంటున్నారు నిపుణులు. అవేంటో చూసేద్దాం. 

ఈ లక్షణాలు కనిపిస్తే జాగ్రత్త.. కాలేయం ప్రమాదంలో ఉండొచ్చు

Source : Freepik

Symptoms of Fatty Liver Disease : కాలేయ సమస్యలు చాలా ఆలస్యంగా గుర్తిస్తారు. ఎందుకంటే దాని సంకేతాలు చాలా ఆలస్యంగా బయటపడతాయి. కానీ ఫ్యాటీ లివర్ ప్రమాదం పెరిగేప్పుడు శరీరం కొన్ని లక్షణాలు చూపిస్తుంది. ఇవి చాలా కామన్ అనుకుంటారు. కానీ ఇవి కాలేయ ప్రమాదాన్ని సూచిస్తాయట. మరి ఆ లక్షణాలు ఏంటో.. వాటిని ఎందుకు విస్మరించకూడదో.. నిపుణులు ఇచ్చే సలహాలు ఏంటో చూసేద్దాం. 

వికారం..

మీకు ఫ్యాటీ లివర్ సమస్య ఉంటే.. మీకు నిరంతరం వికారం అనిపిస్తుంది. మీకు తినాలని అనిపించకపోయినా.. వికారం అనిపించినా.. ఆహారం చూడగానే వాంతులు అవుతుంటే.. మీకు ఫ్యాటీ లివర్ సమస్య ఉందని మీరు అర్థం చేసుకోవాలి.

జుట్టు, చర్మ సమస్యలు

ఫ్యాటీ లివర్ వ్యాధి అనేది ఒక తీవ్రమైన కాలేయ వ్యాధి. ఇది జుట్టు, చర్మ సమస్యలను కలిగిస్తుంది. మీ జుట్టు రాలడం సమస్య అకస్మాత్తుగా పెరుగుతుంది. కంట్రోల్ అవ్వడం కష్టంగా మారుతుంది. అంతేకాకుండా చర్మంపై నల్లటి మచ్చలు కనిపిస్తాయి. 

కడుపు నొప్పి..

ఫ్యాటీ లివర్ సమస్యలు అప్పుడప్పుడు కడుపు నొప్పికి కారణమవుతాయి. ఫ్యాటీ లివర్ సమస్యలు కుడి దిగువ పక్కటెముకలో నొప్పికి కారణమవుతాయి. ఈ నొప్పి తీవ్రంగా, ఎక్కువసార్లు వస్తుంటే.. వైద్య సహాయం తీసుకోవాలంటున్నారు. 

అలసట..

ఫ్యాటీ లివర్ సమస్యలు మిమ్మల్ని అలసిపోయేలా చేస్తాయి. నీరసంగా అనిపించేలా చేస్తాయి. దీనివల్ల మీరు చాలా అలసిపోయినట్లుగా ఫీల్ అవుతారు. బాగా నిద్రపోయినా.. మీరు నీరసంగా ఉంటారు. చిన్న పని చేసిన తర్వాత కూడా మీరు చాలా అలసిపోయినట్లు అనిపిస్తే, మీ శరీరంలో ఫ్యాటీ లివర్ సమస్య ఉందని మీరు అర్థం చేసుకోవాలి. ఎక్కువకాలం ఈ లక్షణం కొనసాగితే.. ఖచ్చితంగా వైద్యుడిని సంప్రదించాలి.

బరువులో మార్పులు

మీకు ఫ్యాటీ లివర్ సమస్య ఉంటే.. మీరు బరువు పెరగవచ్చు. అయితే కొవ్వు శరీరంలోని ఒక నిర్దిష్ట భాగంలో పేరుకుపోతుంది. ఫ్యాటీ లివర్ ప్రధానంగా పొత్తి కడుపు దిగువన లేదా పొత్తికడుపు మధ్యలో పేరుకుపోతుంది.

ఫ్యాటీ లివర్ వ్యాధి ఉన్న స్త్రీలు పొత్తి కడుపులో అసౌకర్యాన్ని అనుభవించవచ్చు. వింతైన జలదరింపు నొప్పి ఉండవచ్చు. ఆకస్మిక బరువు తగ్గడం కూడా ఉండవచ్చు.

వాపు

చేతులు, కాళ్లలో వాపు వస్తుంది. శరీరంలో కొవ్వు కాలేయ సమస్యలు అభివృద్ధి చెందుతున్నాయని కూడా ఈ లక్షణం సూచిస్తుంది. పాదాలు ఉబ్బుతాయి. సమస్య చాలా పెరుగుతుంది. 

ఇలాంటి లక్షణాలు కనిపించినప్పుడు మీరు కచ్చితంగా జాగ్రత్తగా ఉండాలి. వీలైనంత త్వరగా వైద్య సహాయం తీసుకుంటే.. ప్రమాదకరమైన పరిస్థితుల నుంచి తప్పించుకోవచ్చు. కాబట్టి అస్సలు విస్మరించవద్దని నిపుణులు సూచిస్తున్నారు.

గమనిక: ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

మరిన్ని చదవండి

తిన్న వెంటనే కడుపు మంట, ఉబ్బరం వస్తుందా? అయితే ఈ ఫుడ్స్ తినకపోవడమే మంచిది

జుట్టు రాలడం నుంచి నిద్రలేమి వరకు.. మహిళల్లో పెరుగుతోన్న హార్మోన్ల సమస్య, ప్రతి పదిమందిలో ఒకరికి PCOS