PMFBY Last Date: రైతులకు అలర్ట్.. పంటల బీమా నమోదు గడువు పెంపు.. ఇలా అప్లై చేసుకోండి!

PMFBY Last Date: పంట బీమా పథకం పీఎం ఫసల్ బీమా యోజన దరఖాస్తు గడువును ఆగస్టు 15 వరకు పొడించాయి కేంద్ర, రాష్ట్ర ప్రభుత్వాలు. రైతులు ఈ గడువులోగా దరఖాస్తు చేసుకోవాలని అధికారులు సూచిస్తున్నారు.

రైతులకు అలర్ట్.. పంటల బీమా నమోదు గడువు పెంపు.. ఇలా అప్లై చేసుకోండి!

Source : gemini Ai

Show Quick Read

Key points generated by AI, verified by newsroom

• ఖరీఫ్-2026 PMFBY గడువు ఆగస్టు 15కు పొడిగింపు.
• ప్రకృతి వైపరీత్యాల నష్టాల నుంచి పంటలకు ఆర్థిక భరోసా.
• రుణం తీసుకున్న, తీసుకోని రైతులు వెంటనే దరఖాస్తు చేసుకోవచ్చు.

PMFBY Last Date: ఖరీఫ్-2026 సీజన్‌కు సంబంధించి రైతులకు ప్రభుత్వం అలర్ట్ ఇచ్చింది. ప్రకృతి వైపరీత్యాలు, అకాల వర్షాలు, వరదలు, కరువు లేదా తెగుళ్ల వల్ల పంట నష్టం వాటిల్లితే రైతులకు ఆర్థిక భరోసా కల్పించే ప్రధాన్ మంత్రి ఫసల్ బీమా యోజన (PMFBY) పంటల బీమా నమోదు గడువును ఆగస్టు 15, 2026 వరకు పొడిగించింది. ముఖ్యంగా వరి సాగు చేసే రైతులకు ఈ గడువు పెంపు ఎంతో ఊరట కలిగిస్తుంది. ఇంకా బీమా నమోదు చేసుకోని రైతులు తక్షణమే సమీపంలోని సీఎస్సీ, మీసేవ కేంద్రాలను సంప్రదించి దరఖాస్తు చేసుకోవాలని అధికారులు సూచిస్తున్నారు. 

పంటల వారీగా బీమా ప్రీమియం వివరాలు (ఎకరానికి):

రైతులు చెల్లించాల్సిన ప్రీమియం వివరాలు,క్లెయిమ్ వివరాలు  

పంట పేరు -  ప్రీమియం (ఎకరానికి)   -బీమా మొత్తం (ఎకరానికి)  -          నమోదు చివరి తేదీ
వరి (Paddy)      రూ.76 - రూ.840            రూ.40,000 - రూ.76,860 వరకు      15 ఆగస్టు 2026
కంది                రూ.36 - రూ.400             రూ.38,000                                    15 ఆగస్టు 2026
జొన్న               రూ.38                                                                                 15 ఆగస్టు 2026
రాగి                 రూ.170                                                                               15 ఆగస్టు 2026
మిరప             రూ.360 - రూ.4,500    
పత్తి               రూ.1,140 - రూ.2,100        రూ.38,000 
వేరుశెనగ       రూ.280 - రూ.560                                                                  24 జులై 2026
టమాటా         రూ.1,500                                                                              24 జులై 2026

ఎక్కడ నమోదు చేసుకోవచ్చు?

మీసేవ, కామన్ సర్వీస్ సెంటర్లు (CSC - డిజిటల్ సేవ)
సమీప ప్రభుత్వ కేంద్రాలు లేదా బ్యాంకులు 
PMFBY అధికారిక పోర్టల్ (pmfby.gov.in) లేదా PMFBY మొబైల్ యాప్ ద్వారా ప్రీమియం చెల్లించవచ్చు 

కావాల్సిన డాక్యుమెంట్లు

• ఆధార్ కార్డు
• పట్టాదారు పాస్ పుస్తకం  
• బ్యాంకు పాస్ పుస్తకం
• ఈ-క్రాప్ నమోదు  
• చెల్లింపు పూర్తయ్యాక రసీదు డౌన్‌లోడ్ చేసుకుని భద్రపరుచుకోవాలి.

ముఖ్య సూచనలు

• పంట రుణం తీసుకున్న వారైనా, తీసుకోని వారైనా ఈ బీమా పథకంలో నమోదు చేసుకోవచ్చు.
• దరఖాస్తు చేసేటప్పుడు ఎటువంటి తప్పు వివరాలు నమోదు చేయకూడదు.
• పంట నష్టం వాటిల్లితే, నష్ట తీవ్రతను అంచనా వేసి పరిహారం నేరుగా రైతు బ్యాంకు ఖాతాలోనే జమ చేస్తారు. 
• పీఎంఎఫ్బీవై నమోదుకు ఆగస్టు 15, 2026 వరకు మాత్రమే గడువు ఉండడంతో రైతులందరూ వెంటనే స్పందించి, తక్కువ ప్రీమియంతో తమ పంటలకు పూర్తి భద్రత కల్పించుకోవాలని అధికారులు సూచిస్తున్నారు.  

 

మరిన్ని చదవండి

ప్రకృతి సేద్యపు ఋషి - 75 సెంట్లలో 52 పంటల అద్భుతం - చంద్రబాబు మెచ్చిన రైతు రోశయ్య