Chicken : చికెన్ తినేవారికి బ్యాడ్ న్యూస్.. ఆ సమస్యలుంటే తినకపోవడమే మంచిదట, రీజన్స్ ఇవే

Chicken Lovers Beware : చికెన్​ను చాలామంది ఇష్టంగా తింటారు. కానీ కొన్ని ఆరోగ్య సమస్యలు ఉన్నవారు దానిని తినకపోవడమే మంచిదని చెప్తున్నారు నిపుణులు. ఎందుకంటే.. 

చికెన్ తింటే కలిగే నష్టాలు (Image Source : Envato)

Source : envato

Harmful Effects of Chicken : పిల్లల నుంచి పెద్దలవరకు చాలామంది చికెన్​ను ఇష్టంగా తింటారు. దానిలోని పోషకాలు, ప్రోటీన్ కోసం కూడా తమ డైట్​లో దీనిని చేర్చుకుంటారు. నోటికి రుచిగా ఉండే చికెన్ ఆరోగ్యానికి కూడా మేలు చేస్తుంది. అయితే దీనిని కొన్ని ఆరోగ్య సమస్యలు ఉండేవారు తినకపోవడమే మంచిదని చెప్తున్నారు. ఇంతకీ ఆ ఆరోగ్య సమస్యలు ఏంటి? దానిని తినడం వల్ల కలిగే ఇబ్బందులు ఏంటి వంటి విషయాలు ఇప్పుడు తెలుసుకుందాం. 

కొలెస్ట్రాల్ 

శరీరంలో కొలెస్ట్రాల్ ఎక్కువగా ఉండేవారు కూడా చికెన్​కు, ముఖ్యంగా చికెన్ స్కిన్​కు దూరంగా ఉండాలని చెప్తున్నారు. చికెన్ స్కిన్​లోని ఫ్యాట్స్ కొలెస్ట్రాల్ పెంచి గుండె సమస్యలను పెంచుతాయట. కుటుంబంలో హార్ట్ సమస్యలు ఉన్నవారు కూడా దీనికి దూరంగా ఉంటే మంచిది.

కిడ్నీ సమస్యలు

చికెన్​లో ప్రోటీన్ పుష్కలంగా ఉంటుంది. కిడ్నీ సమస్యలు ఉన్నవారు దీనిని తినడం వల్ల వాటిపై మరింత ఒత్తిడి పడుతుందట. క్రానిక్ కిడ్నీ సమస్యలతో ఇబ్బంది పడేవారు దీనికి దూరంగా ఉండడం లేదా లిమిటెడ్​గా తీసుకోవడమే మంచిదని చెప్తున్నారు. 

యూరిక్ యాసిడ్..

శరీరంలో యూరిక్ యాసిడ్ ఎక్కువ ఉంటే అది కీళ్లను ఎక్కువగా ప్రభావితం చేస్తుంది. మీరు ఇప్పటికే ఈ పరిస్థితితో ఇబ్బంది పడుతుంటే కచ్చితంగా చికెన్​కు దూరంగా ఉంటే మంచిదని సూచిస్తున్నారు నిపుణులు. ఎందుకంటే చికెన్​లో ప్యూరిన్లు ఉంటాయి. ఇవి శరీరంలో యూరిక్ యాసిడ్ లెవెల్స్ పెంచుతాయి. ముఖ్యంగా లివర్, చికెన్ స్కిన్ తింటే ఈ సమస్య మరింత ఎక్కువ అవుతుంది. ఆర్థ్రరైటిస్, కీళ్ల సమస్యలు ఉన్నవారు ఇబ్బంది పడాల్సి వస్తుంది కాబట్టి దానికి దూరంగా ఉండాలంటున్నారు. 

చర్మ సమస్యలు

చికెన్ తినడం వల్ల స్కిన్ సెన్సిటివిటీ ఉండేవారికి పింపుల్స్ వస్తాయి. తామర వంటి చర్మ సంబంధిత సమస్యలు ఎక్కువ అవుతాయి. ముఖ్యంగా బాయిలర్ చికెన్ తిన్నప్పుడు ఇవి రెట్టింపు అయ్యే అవకాశముంది. ఆర్గానికి చికెన్ ఇబ్బంది కలిగించదని చెప్తున్నారు. 

అలెర్జీలు 

చికెన్​తో మీకు అలెర్జీలు, సెన్సిటివిటీ ఉంటే దానిని తినకపోవడమే మంచిదని చెప్తున్నారు. లేదంటే ర్యాష్, జీర్ణ సమస్యలు, బ్రీతింగ్ ప్రాబ్లమ్స్ వచ్చే అవకాశముందని చెప్తున్నారు. 

ఇవే కాకుండా మహిళలు ఎవరైతే హార్మోనల్ సమస్యలు, PCOS సమస్యలతో ఇబ్బంది పడుతున్నారో వారు దీనికి దూరంగా ఉండాలని సూచిస్తున్నారు. గ్యాస్ట్రిక్, జీర్ణ సమస్యలు ఉన్నవారు కూడా మానేస్తే లేదా తగ్గించి తీసుకుంటే మంచిది. లేదంటే మలబద్ధకం, కడుపు ఉబ్బరం, ఎసిడిటీ సమస్యలు రావొచ్చు. మీరు ఎలాంటి ఆరోగ్య సమస్యలతో ఇబ్బంది పడుతున్నా వైద్యుల సహాయం, సలహాలు తీసుకుంటే మంచిది. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.

మరిన్ని చదవండి

చికెన్ నిల్వ పచ్చడిని ఇలా చేసేయండి.. టేస్టీ రెసిపీ ఇదే, పికిల్ కోసం కెరీర్​పైనే ఫోకస్ చేయాలా ఏంటి?

టేస్టీ టేస్టీ చికెన్ చీజ్ బాల్స్ రెసిపీ.. పర్​ఫెక్ట్​ స్నాక్​ కోసం దీనిని తయారు చేసుకోండిలా