Chicken Cheese Ball : టేస్టీ టేస్టీ చికెన్ చీజ్ బాల్స్ రెసిపీ.. పర్​ఫెక్ట్​ స్నాక్​ కోసం దీనిని తయారు చేసుకోండిలా

Chicken Recipes : ఈవెనింగ్ టేస్టీగా ఏమైనా తినాలనుకుంటే చికెన్ చీజ్ బాల్స్ రెడీ చేసుకోవచ్చు. వీటిని తయారు చేయడం కూడా చాలా ఈజీ. మరి వీటిని ఎలా ప్రిపేర్ చేసుకోవాలో చూసేద్దాం. 

చికెన్ చీజ్ బాల్ రెసిపీ (Image Source : Instagram)

Source : Instagram

Chicken Cheese Ball Recipe : సాయంత్రం పిల్లలకు టేస్టీగా ఏమైనా స్నాక్స్ చేయాలన్నా.. లేదా మీకు స్పైసీగా, క్రంచీగా ఏమైనా ఫుడ్ తినాలనిపిస్తే.. హాయిగా ఇంట్లో చికెన్ చీజ్ బాల్స్ చేసేసుకోండి. వీటిని తయారు చేయడం కష్టమనుకుంటారేమో.. కానీ అస్సలు కాదు. చాలా సింపుల్​గా ఇంట్లోనే అతి తక్కువ సమయంలో చేసుకోగలిగే రెసిపీ ఇది. మరి దీనిని ఎలా చేయాలో.. వాటిని తయారు చేయడానికి కావాల్సిన పదార్థాలు ఏంటో.. ఫాలో అవ్వాల్సిన టిప్స్ ఏంటో ఇప్పుడు తెలుసుకుందాం. 

కావాల్సిన పదార్థాలు 

చికెన్ - అరకిలో (బోన్ లెస్)

బంగాళ దుంపలు - 3

టమాటో కెచప్ - 1 టేబుల్ స్పూన్

కొత్తిమీర - 1 కట్ట

ఉప్పు - రుచికి తగినంత

చీజ్ - 100 గ్రాములు

గుడ్లు - 2

బ్రౌడ్ పౌడర్ - 1 కప్పు

తయారీ విధానం

చికెన్​ను కడిగి.. ఓ గిన్నెలో వేసి.. దానిలో సాల్ట్ వేసి నీరు వేసి ఉడికించాలి. బంగాళదుంపలను కూడా ఉడికించుకోవాలి. ఈ రెండు ఉడికించుకున్న తర్వాత చికెన్​ను క్రస్ట్​గా చేసుకోవాలి. అలాగే ఆలుపై తొక్కను తీసి.. వాటిని చికెన్​ క్రస్ట్​లో వేసి బంగాళదుంపలను బాగా కలపాలి. దానిలో టమాటో కెచప్, కొత్తిమీర తురుము, ఉప్పు వేసి బాగా కలిపాలి. దానిలో నీళ్లు ఏమి వేయకూడదు.

ఇప్పుడు ఒక బౌల్ తీసుకుని దానిలో గుడ్లు పగలగొట్టాలి. ఎగ్​ని బాగా బీట్ చేసుకోవాలి. ఇప్పుడు చికెన్ మిశ్రమాన్ని బాల్స్​గా చేసుకోవాలి. దాని మధ్యలో చీజ్ పెట్టి.. గుండ్రంగా చుట్టుకోవాలి. ఇలా రెడీ చేసుకున్న బాల్స్​ని ఎగ్​ మిశ్రమంతో కోట్ చేయాలి. అనంతరం బ్రడ్ క్రంబ్స్​లో రోల్ చేయాలి. ఇలా అన్ని చికెన్ బాల్స్​ని సిద్ధం చేసుకుని.. వాటిని పావుగంట ఫ్రిడ్జ్​లో పెట్టాలి. 

స్టౌవ్ వెలిగించి.. దానిపై డీప్ ఫ్రైకి సరిపడా నూనె వేసుకోవాలి. వేడి అయిన తర్వాత.. ముందుగా సిద్ధం చేసి పెట్టుకున్న చికెన్ బాల్స్​ని నూనెలో వేసి.. గోల్డెన్ బ్రౌన్ కలర్ వచ్చేవరకు వేయించుకోవాలి. పూర్తిగా గోల్డెన్ కలర్​లోకి వచ్చిన తర్వాత వాటిని నూనె నుంచి తీసేయాలి. ఇలా అన్ని బాల్స్​ని ఫ్రై చేసుకోవాలి. అంతే టేస్టీ టేస్టీ చికెన్ చీజ్ బాల్స్ రెడీ. 

ఈ టేస్టీ చికెన్ చీజ్ బాల్స్​ని పిల్లలనుంచి పెద్దలవరకు అందరూ ఇష్టంగా తింటారు. సాయంత్రం వీటిని స్నాక్స్​గా చేసుకోవచ్చు. లేదా డిన్నర్​ టైమ్​లో, లంచ్​ టైమ్​లో స్టార్టర్​గా కూడా తీసుకోవచ్చు. వీటిని నేరుగా తినొచ్చు. లేదా గ్రీన్ చట్నీ, టమాటో సాస్​తో కూడా సర్వ్ చేసుకోవచ్చు. ​