Winter Asthma Tips : చలికాలంలో ఆస్తమా రోగులు తీసుకోవాల్సిన జాగ్రత్తలు, ఫాలో అవ్వాల్సిన టిప్స్ ఇవే 

Controlling Asthma in Winter : వింటర్​లో ఆస్తమా రోగులు సరైన జాగ్రత్తలు తీసుకోకపోతే అది ప్రాణాలకే ముప్పు అంటున్నారు నిపుణులు. చలికాలంలో ఆస్తమా రోగులు ఫాలో అవ్వడానికి కొన్ని టిప్స్ ఇస్తున్నారు. 

ఆస్తమాను చలికాలంలో ఇలా దూరం చేసుకోండి(Image Source : Envato)

Source : envato

Tips To Control Asthma During Winters : ఆస్తమా దీనినే ఉబ్బసం అని కూడా అంటారు. మనిషికి దీర్ఘకాలికంగా ఊపిరి అందకుండా చేసే శ్వాసకోశ వ్యాధి. పిల్లల నుంచి పెద్దల వరకు వయసు తేడా లేకుండా ఈ సమస్యను ఎదుర్కొంటూ ఉంటారు. పిల్లల్లో జలుబు వంటి ఆరోగ్య సమస్యలు ప్రభావితం చేస్తే.. పెద్దల్లో దుమ్ము, ధూళి, వాయు కాలుష్యం, మానసిక ఆందోళన, వ్యాయామం వంటి మొదలైన అంశాలు ట్రిగర్ చేస్తాయి. ముఖ్యంగా చలికాలంలో ఈ ఆస్తమా ప్రభావం మరింత ఎక్కువగా ఉంటుంది. 

చలికాలంలో చల్లనిగాలి.. గాలి నాణ్యతలో క్షీణింపు వంటివి ఆస్తమా ప్రభావాన్ని పెంచుతాయి. కాలుష్య కారకాలకు గురై.. శ్వాసనాళాల్లో ఇబ్బందులు ఏర్పడుతాయి. సెన్సిటివ్​గా మారి.. వాపు కలుగుతుంది. అందుకే శీతాకాలంలో ఆస్తమా ఉన్నవారు మరింత జాగ్రత్తగా ఉండాలంటున్నారు నిపుణులు. ఆస్తమాను తగ్గించుకోవడానికి కొన్ని టిప్స్ ఫాలో అవ్వాలని సూచిస్తున్నారు. ఇంతకీ ఆ టిప్స్ ఏంటి? ఆస్తమాను కంట్రోల్ చేయడంలో అవి ఏవిధంగా హెల్ప్ అవుతాయో చూసేద్దాం. 

చలికాలంలో తీసుకోవాల్సిన జాగ్రత్తలివే.. 

వెచ్చగా ఉండేందుకు : చలికాలంలో చల్లదనాన్ని, చలిగాలుల నుంచి కాపాడుకునేందుకు దుస్తుల విషయంలో జాగ్రత్తగా ఉండాలి. స్వెటర్స్ ధరించడమే కాకుండా లేయరింగ్ పద్ధతిలో దుస్తులు వేసుకోవాలి. చేతులకు గ్లౌవ్​లు కచ్చితంగా వాడాలి. కాళ్లకు చలి తగలకుండా షూలు వేసుకోవాలి. బయటకు వెళ్తే తలని స్కార్ఫ్ లేదా టోపీతో కవర్​ చేయాలి. ముఖానికి మాస్క్ కచ్చితంగా పెట్టుకోవాలి. దీనివల్ల చల్లగాలి ప్రభావం తగ్గుతుంది. ఆస్తమా ప్రభావం తగ్గే అవకాశాలు ఎక్కువ. 

హ్యూమిడిఫైర్ : వింటర్​లో గాలిలో తేమ తక్కువగా ఉంటుంది. పొడిగాలి ఆరోగ్యాన్ని వివిధరకాలుగా ప్రభావితం చేస్తుంది. ముఖ్యంగా ఆస్తమా రోగులు దీని ఎఫెక్ట్ ఎక్కువగా చూస్తారు. కాబట్టి గాలిలో తేమను పెంచేందుకు, చికాకును తగ్గించేందుకు హ్యూమిడిఫైర్​ని ఉపయోగించాలి. ఇది పొడిగాలిని తగ్గించి.. శ్వాసనాళాలపై ప్రతికూల ప్రభావం లేకుండా హెల్ప్ చేస్తుంది. 

వ్యాయామం : ఇంట్లో చేయగలిగే వ్యాయామాలు చేయాలి. ఇవి మిమ్మల్ని యాక్టివ్​గా ఉంచి.. వేడిగా ఉంచడంలో హెల్ప్ చేస్తాయి. అలాగే ఆస్తమా సమస్యలు రాకుండా చేస్తాయి. యోగా, బ్రీతింగ్ ఎక్సర్​సైజ్​లు, ఎరోబిక్స్ వంటివి శ్వాస సమస్యలను దూరం చేస్తాయి. మెడిటేషన్ ఒత్తిడిని తగ్గించి.. ఆస్తమా ప్రభావాన్ని తగ్గిస్తుంది. 

హైడ్రేషన్ : ఏకాలంలోనైనా హైడ్రేటెడ్​గా ఉండడం చాలా అవసరం. ముఖ్యంగా ఆస్తమా ఉన్నవారు చలికాలంలో నీరు తాగడాన్ని అస్సలు మరచిపోకూడదు. హైడ్రేట్​డ్​గా ఉండడం వల్ల పొడిగాలి ప్రభావం ఎక్కువగా ఉండదు. చర్మానికి, జుట్టుకు కూడా మంచి ప్రయోజనాలు అందుతాయి. 

ట్రిగర్స్ : ఆస్తమాను ట్రిగర్ చేసే కొన్ని అంశాలు ఉంటాయి. ఒక్కొక్కరిని ఒక్కో అంశం ప్రభావితం చేస్తుంది. కొందరిని స్మోకింగ్ ట్రిగర్ చేస్తే.. మరికొందరిని పొడిగాలి, ఫుడ్​ కూడా ట్రిగర్ చేస్తుంది. దుమ్ము, కాలుష్యం కూడా ఆస్తమాకు ట్రిగరింగ్ పాయింట్స్​గా చెప్పొచ్చు. ఇలా అనేకరకాల ట్రిగరింగ్ పాయింట్స్ ఉంటాయి. వాటిని వీలైనంత వరకు అవాయిడ్ చేయాలి. అలాగే ఏ పని చేసినా.. చేతులను శుభ్రంగా కడుక్కోవాలి. 

మందులు : ఆస్తమాను కంట్రోల్ చేసేందుకు వైద్యులు సూచించే మందులు కచ్చితంగా ఉపయోగించాలి. ఇన్​హేలర్​ని మీకు అందుబాటులో ఉంచుకోవాలి. ఆస్తమా ట్రిగర్ అయిన సమయంలో ఇన్​హేలర్​ని కచ్చితంగా ఉపయోగించాలి. 

ఈ అంశాలన్నీ చలికాలంలో ఆస్తమాను కంట్రోల్ చేయడంలో హెల్ప్ చేస్తాయి. అలాగే వాటి ప్రభావాన్ని తగ్గిస్తాయి. వైద్యులు, నిపుణుల సూచనలు తీసుకుంటే మీరు మరిన్ని మంచి ఫలితాలు పొందుతారు. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.