Trisha Krishnan : అది వారి సంస్కారం - మైక్ ఉంటే ఏదైనా మాట్లాడేస్తారా?... త్రిష స్ట్రాంగ్ కౌంటర్
Trisha Reaction : తమిళ నటుడు ఓ ఈవెంట్లో చేసిన కామెంట్స్పై తీవ్ర విమర్శలు వస్తున్నాయి. హీరోయిన్ త్రిష ఇండైరెక్ట్గా ఆయనకు స్ట్రాంగ్ కౌంటర్ ఇచ్చారు.
Trisha Reaction On Parthiban Comments : గత కొద్ది రోజులుగా కోలీవుడ్ ఇండస్ట్రీతో పాటు సోషల్ మీడియాలో విజయ్ డివోర్స్ వ్యవహారం హాట్ టాపిక్గా మారిన సంగతి తెలిసిందే. విజయ్ భార్య సంగీత ఆయనపై చేసిన ఆరోపణలు... ఆ తర్వాత దళపతి విజయ్, త్రిష ఒకే ఈవెంట్లో కలిసి కనిపించడం చర్చనీయాంశమయ్యాయి. వీరిద్దరూ కొంతకాలంగా రిలేషన్లో ఉన్నారనే రూమర్స్కు ఇది బలం చేకూర్చింది.
రీసెంట్గా చెన్నైలో జరిగిన అవార్డ్స్ వేడుకల్లో తమిళ నటుడు పార్తిబన్ స్టేజ్పై మాట్లాడుతూ... 'ఈ కుందవైని (పొన్నియన్ సెల్వన్లో త్రిష పాత్ర పేరు) కొన్ని రోజులు ఇంట్లోనే ఉండాలి. బయటకు వస్తే ఎక్కడ లేని సమస్యలన్నీ వస్తున్నాయి.' అంటూ కామెంట్స్ చేశారు. ఈ వీడియో నెట్టింట వైరల్ కాగా ఆయన కామెంట్స్పై పెద్ద ఎత్తున విమర్శలు వస్తున్నాయి. తాజాగా, హీరోయిన్ త్రిష కూడా దీనిపై స్ట్రాంగ్గానే రియాక్ట్ అయ్యారు. ఈ క్రమంలో ఆమె చేసిన ట్వీట్ ట్రెండ్ అవుతోంది.
త్రిష ఏమన్నారంటే?
ఇటీవల జరిగిన ఓ కార్యక్రమంలో నా పేరు, ఫోటో చేర్చుతున్నామని లాస్ట్ మినిట్లో తనకు సమాచారం ఇచ్చినట్లు త్రిష తెలిపారు. 'ఓ వ్యక్తి తన అసిస్టెంట్ను పంపించి కోరడం వల్లే చివరి నిమిషంలో నా పేరు, ఫోటో ఆ ఈవెంట్లో చేర్చారు. మైక్రో ఫోన్లో మాట్లాడినంత మాత్రాన అది తెలివైన కామెంట్ లేదా కామెడినో కాదు. అది కేవలం మూర్ఖత్వాన్ని ఎక్కువ వినిపించేలా చేస్తుంది.
అవతలి వ్యక్తి గురించి తెలియకుండా వాడే అసభ్యకర పదజాలం... ఆ వ్యక్తి గురించి కంటే మాట్లాడే వారి సంస్కారం గురించి ఎక్కువగా చెబుతుంది.' అంటూ స్ట్రాంగ్ కౌంటర్ ఇచ్చేలా ట్వీట్ చేశారు.
I was informed by the organisers of a recent event that my name and picture were included at the last minute at the request of an individual conveyed through his assistant.
— Trish (@trishtrashers) March 8, 2026
A microphone doesn’t make a comment intelligent or humorous. It just makes stupidity louder.Crude words…
డివోర్స్ ఇష్యూ... విజయ్ రియాక్షన్
టీవీకే ఆధ్వర్యంలో చెన్నై సమీపంలోని చెంగల్పట్టు వద్ద జరిగిన మహిళా దినోత్సవ కార్యక్రమంలో విజయ్... డివోర్స్ అంశంపై ఫస్ట్ టైం రియాక్ట్ అయ్యారు. 'ఇటీవల నాకు ఎదురవుతున్న సమస్యలు, ఇబ్బందుల గురించి మీరు ఆలోచించాల్సిన పని లేదు. వాటిపై మీరు పోరాటం చేసి వాళ్లను బాధించాల్సిన అవసరం అంతకన్నా లేదు. అవన్నీ నేను చూసుకుంటాను. నా వ్యక్తిగత విషయాలు ఎలా పరిష్కరించుకోవాలో నాకు బాగా తెలుసు. ఇవన్నీ మిమ్మల్ని ఇబ్బంది పెడుతుంటే నాకు బాధగా ఉంది. వాటి సంగతి తర్వాత చూస్తా.' అంటూ చెప్పారు.
కాగా, విజయ్ భార్య సంగీత ఆయన నుంచి విడాకులు కోరుతూ కోర్టులో పిటిషన్ వేశారు. ఓ నటితో ఆయనకు వివాహేతర సంబంధం ఉందని ఆరోపిస్తూ డివోర్స్ ఇప్పించాలని కోరారు. ఏప్రిల్ 20న వీరి విడాకుల కేసు విచారణకు రానుంది.
టాప్ హెడ్ లైన్స్
ట్రెండింగ్ వార్తలు
