Mahesh Babu: మహేష్ బాబుకు కేబీఆర్ పార్క్ అంటే ఎందుకు భయం?

మహేష్ బాబుకు కేబీఆర్ పార్క్ అంటే ఎందుకు అంత భయం? గతంలో కేబీఆర్ పార్క్‌కు వెళ్లే ఆయన ఇప్పుడు ఎందుకు వెళ్లడం లేదు?

Written By : ABP Desam | Updated at : 22 Jan 2022 09:41 AM (IST)

మహేష్ బాబు

సూపర్ స్టార్ మహేష్ బాబుకు కాసు బ్రహ్మానంద రెడ్డి (కేబీఆర్) పార్క్ అంటే భయం. ఇప్పుడు ఆయన అక్కడికి వెళ్లడం లేదు. ఎందుకో తెలుసా? ఆయన్ను అక్కడికి వెళ్లనివ్వకుండా చేసింది ఎవరో తెలుసా? ఒక పాము! నట సింహ నందమూరి బాలకృష్ణ హోస్ట్ చేస్తున్న 'అన్ స్టాపబుల్' షోకు అథితిగా వచ్చిన మహేష్ బాబు ఈ విషయం చెప్పారు.

"కేబీఆర్ (పార్క్)కు వెళ్లావ్" అని బాలకృష్ణ అడిగిన తర్వాత... "ఒక రౌండ్ ఫుల్ గా అయిపోయి ఎండ్ కు వచ్చేసరికి, అక్కడ ఏదో తిరుగుతోంది. ఏంటి? అని దగ్గరకు వెళితే ఒక పాము పైకి లేచింది. మళ్లీ రివర్స్ ఐదు కిలోమీటర్లు పరిగెత్తి, గేటు నుంచి బయటకు వెళ్లిపోయి... మళ్లీ కేబీఆర్ పార్క్ సైడ్ వెళ్లలేదు" అని మహేష్ బాబు చెప్పారు. అదీ సంగతి! ఒక పాము మహేష్ బాబును కేబీఆర్ పార్క్ వైపు వెళ్లకుండా చేసింది. పాములు అంటే కొంత మందికి భయం ఉంటుంది కదా!
Also Read: 'మీరు గనుక ఉంటే మైక్ విసిరేసేవాళ్లు...' బాలయ్య పై మహేష్ సెటైర్లు...
కేబీఆర్ పార్క్ విషయంతో పాటు మహేష్ బాబు ఇంకా చాలా విషయాలు బాలకృష్ణతో పంచుకున్నట్టు కనబడుతోంది. మహేష్ కామెడీ టైమింగ్, సెటైరికల్ హ్యూమర్ ను బాలకృష్ణ మెల్లగా బయటకు లాగినట్టు ఉన్నారు. బాలయ్య మీద కూడా మహేష్ బాబు జోక్స్ వేశారు. 'భరత్ అనే నేను' షూటింగ్ టైమ్‌లో మీరు ఉంటే ఒక ఆవిడను చూసి కొట్టేవారు అని, ఎవరికైనా దేవుడిని చూడాలని ఉందా? అంటూ ఇంకోసారి నవ్వులు పూయించారు మహేష్.