Pawan Kalyan Birthday: 'పవర్ స్టార్' ఈ పేరు వింటేనే వైబ్రేషన్స్.. ఇంతకీ ఆ స్క్రీన్ నేమ్ ఇచ్చిందెవరు?

పవర్ స్టార్ అనగానే.. ఫ్యాన్స్ ఊగిపోతారు. ఆ పేరుకున్న వైబ్రైషన్స్ అలాంటివి మరి. కానీ పవన్ కళ్యాణ్ కు పవర్ స్టార్ అనే పేరు ఇచ్చింది ఎవరో తెలుసా?

పవన్ కల్యాణ్ బర్త్ డే

 

పవర్ స్టార్ పవన్ కళ్యాణ్.. ఈ పేరుకున్న వైబ్రేషన్ గురించి ప్రత్యేకంగా చెప్పుకోవాల్సిన పనిలేదు. తమ అభిమాన హీరో పుట్టినరోజు కావడంతో.. ఫ్యాన్స్ ఫుల్ జోష్ లో ఉన్నారు. ముందు నుంచే బర్త్ డే సెలబ్రేట్ చేస్తున్నారు. పవర్ స్టార్ ఫాలోయింగ్ కు హిట్లు.. ప్లాపులతో సంబంధం ఉండదు. పవర్ స్టార్ పేరు చెప్పగానే ఊగిపోయే అభిమానులు ఉన్నారు.

పవర్ స్టార్ అని పేరుకు తగ్గట్టే.. దూసుకుపోతున్న పవన్ కళ్యాణ్ కు ఆ పేరు ఎవరు పెట్టారో తెలుసా.. నటుడు, రచయిత పోసాని కృష్ణమురళి. ఆయనే మెుదటి సారిగా పవర్ స్టార్ పవన్ కళ్యాణ్ అని పిలిచారు. ముత్యాల సుబ్బయ్య దర్శకత్వంలో పవన్ నటించిన  గోకులంలో సీత  బాక్సాఫీస్ దగ్గర సూపర్ హిట్‌గా నిలిచింది. ఈ సినిమాకి పోసాని కృష్ణమురళి మాటలు అందించారు. ఈ చిత్రం విడుదల సందర్భంగా పోసాని తొలిసారిగా మీడియా సమావేశంలో పవన్ కళ్యాణ్‌ను పవర్ స్టార్ అని పిలిచారు.

ఆ తర్వాత చాలా పత్రికలు పవన్ కళ్యాణ్ పేరుకు ముందు పవర్ స్టార్  అని కథనాలు రాయగా.. ఆ తర్వాత సూపర్ గుడ్ ఫిల్మ్స్ బ్యానర్‌లో వచ్చిన ‘సుస్వాగతం’ సినిమాకి తొలిసారిగా పవన్ కళ్యాణ్ పేరుకు ముందు పవర్ స్టార్  అనే టైటిల్ కార్డ్ వేశారు. అలా పోసానినే పవన్ కు పవర్ స్టార్ అనే  పేరు పెట్టారు.

పవర్ స్టార్.. బర్త్ డే సందర్భంగా ‘భీమ్లా నాయక్’ సినిమా నుంచి తొలి పాటను విడుదల చేసింది చిత్రబృందం.  పవన్ కల్యాణ్‌,  రానా కాంబోలో తెరకెక్కుతున్న ఈ మూవీ  మలయాళ సినిమా అయ్యప్పనుమ్ కోషియం తెలుగు రీమేక్‌. ఇప్పటికే ఈ సినిమా నుంచి  ఫస్ట్ లుక్ ను కూడా విడుదల చేశారు. ఈరోజు ఈ మూవీ నుంచి  బీమ్లా నాయక్ టైటిల్ సాంగ్ ను ఉదయం 11:16 గంటలకు విడుదల చేశారు. సెభాష్‌.. ఆడాగాదు ఈడాగాదు అమీరోళ్ల మేడాగాదు’ అంటూ సాగే జానపద గీతంతో మొదలయ్యే ఈ పాట  ఆకట్టుకుంటోంది.