Bheemla Nayak Title Song: భీమ్లా నాయక్ టైటిల్ సాంగ్.. 12 నిమిషాల్లోనే లక్షకు పైగా లైక్స్.. ట్రెండ్ సెట్ చేస్తున్న పవర్ స్టార్!

భీమ్లా నాయక్' మూవీ టైటిల్ సాంగ్ లిరికల్ వీడియో కంటే ముందే లిరిక్స్ ని విడుదల చేసి చిత్ర బృందం సంచలనం రేపింది. తాజాగా రిలీజైన సాంగ్ సోషల్ మీడియాని మోత మోగించేస్తోంది. 12 నిముషాల్లో 100K లైక్స్ వచ్చాయ్

భిమ్లానాయక్ ఫస్ట్ సాంగ్

పవర్ స్టార్ పవన్ కల్యాణ్ లేటెస్ట్ మూవీ ''భీమ్లా నాయక్''. ఇప్పటికే ఈ చిత్రం నుంచి విడుదలైన ఫస్ట్ గ్లిమ్స్ దుమ్ములేపాయి. ఈరోజు పవన్ పుట్టిన రోజు సందర్భంగా అప్డేట్స్ కోసం ఎదురుచూస్తున్న అభిమానులకు మేకర్స్ మరో సర్ప్రైజింగ్ గిఫ్ట్ అందించారు. ముందుగా ప్రకటించినట్లుగానే 'భీమ్లా నాయక్' టైటిల్ సాంగ్ ను రిలీజ్ చేశారు. సాంగ్ రిలీజ్ చేసిన కేవలం 12 నిముషాల్లో 100K లైక్స్ తో దుమ్ము దులిపేస్తోంది.

#BheemlaNayakTitleSong hits 100K likes in just 12 mins.

ALL TIME TFI record#HappyBirthdayPSPK #BheemlaNayak #HBDJanaSenaniPawalaKalyan #PawanKalyan pic.twitter.com/2sxFvLOv3I

— Manobala Vijayabalan (@ManobalaV) September 2, 2021

'సెభాష్.. ఆడాగాదు ఈడాగాదు.. అమీరోళ్ల మేడాగాదు.. గుర్రంనీళ్ల గుట్టాకాడ.. అలుగూ వాగు తాండాలోన.. బెమ్మాజెముడు చెట్టున్నాది' అంటూ మొదలైన ఈ పాట సబ్ ఇన్స్పెక్టర్ భీమ్లా నాయక్ పాత్ర స్వభావాన్ని తెలియజేస్తూ సాగింది. 'ఇరగదీసే ఈడి ఫైరు సల్లగుండ.. ఖాకీ డ్రెస్సు పక్కనెడితే వీడే పెద్దగూండా.. నిమ్మళంగ కనబడే నిప్పుకొండ.. ముట్టుకుంటే తాట లేసిపోద్ది తప్పకుండా.. ఇస్తిరి నలగని చొక్కా పొగరుగ తిరిగే తిక్క.. చెమడాలొలిచే లెక్క కొట్టాడంటే పక్కా విరుగును బొక్క' అంటూ గేయ రచయిత రామజోగయ్య శాస్త్రి పవర్ ఫుల్ లిరిక్స్ రాశారు.

'భీమ్లా నాయక్' టైటిల్ సాంగ్ కు ఎస్ ఎస్ థమన్ ఫ్రెష్ ట్యూన్ కంపోజ్ చేశారు. ఈ గీతాన్ని రామ్ మిరియాల - శ్రీ కృష్ణ - పృథ్వీచంద్ర కలిసి ఆలపించారు. లిరికల్ వీడియో అయినప్పటికీ విజువల్ గా గ్రాండ్ గా చూపించారు. ఫారెస్ట్ బ్యాక్ డ్రాప్ లో సెట్ చేయబడిన ఈ సాంగ్ లో తమన్ - శివమణి, మిగతా టీమ్ అంతా సందడి చేశారు. 

మలయాళ సూపర్ హిట్ 'అయ్యప్పనుమ్ కొషియుమ్' చిత్రానికి రీమేక్ గా 'భీమ్లా నాయక్'. ఇందులో మరో హీరోగా రానా నటిస్తున్నాడు. సాగర్ కె చంద్ర దర్శకత్వం వహిస్తున్న ఈ సినిమాకి త్రివిక్రమ్ శ్రీనివాస్ స్క్రీన్ ప్లే - డైలాగ్స్ అందిస్తున్నారు. ఇందులో పవన్ కళ్యాణ్ సరసన నిత్యామీనన్.. రానా కు జోడీగా ఐశ్వర్య రాజేష్ నటిస్తున్నారు. సంక్రాంతి కానుకగా జనవరి 12న 'భీమ్లా నాయక్' చిత్రాన్ని విడుదల చేయనున్నారు.