Varun Tej: 'గని' ఫస్ట్ పంచ్.. ఇచ్చిపడేశాడుగా..
ప్రేక్షకులు ఎంతగానో ఎదురుచూస్తున్నా 'గని' సినిమా ఫస్ట్ పంచ్ విడుదలైంది. దీంతో పాటు సినిమా రిలీజ్ డేట్ ను కూడా అనౌన్స్ చేశారు.
బ్యాక్ టు బ్యాక్ హిట్స్ తో దూసుకుపోతున్న మెగాహీరో వరుణ్ తేజ్ నటిస్తోన్న లేటెస్ట్ సినిమా 'గని'. బాక్సింగ్ క్రీడా నేపథ్యంలో తెరకెక్కుతోన్న ఈ సినిమాతో కిరణ్ కొర్రపాటి అనే కొత్త దర్శకుడు ఇండస్ట్రీకి పరిచయం అవుతున్నారు. ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. త్వరలోనే సినిమాను విడుదల చేయడానికి ప్లాన్ చేస్తున్నారు. దీంతో సినిమా ప్రమోషన్స్ షురూ చేశారు.
తాజాగా సినిమా నుంచి ఫస్ట్ పంచ్ ను విడుదల చేశారు. బాక్సింగ్ రింగ్ లో ఉన్న వరుణ్ తేజ్ లుక్ ను రివీల్ చేస్తూ.. ఆయన ఇచ్చిన పంచ్ తో చిన్న వీడియో కట్ చేశారు. ఈ పంచ్ మాములుగా లేదు. సినిమాపై అంచనాలను పెంచేసింది. ఈ సినిమాలో యాక్షన్ సీన్స్ ఓ రేంజ్ లో ఉండబోతున్నాయని తెలుస్తోంది. దీనికోసంహాలీవుడ్ స్టంట్ మాస్టర్ లార్నెల్ స్టోవల్ ను రంగంలోకి దించారు.
Also Read: ''కోట్లలో సంపాదించే సమంతకు పాకెట్‌మనీ మాత్రమే ఇచ్చేవారు..''
ఈ సినిమాలో వరుణ్ తేజ్ ప్రొఫెషనల్ బాక్సర్ గా కనిపించడం కోసం స్పెషల్ ట్రైనింగ్ తీసుకున్నాడు. జిమ్ లో గంటల తరబడి వర్కవుట్ చేసి పెర్ఫెక్ట్ ఫిజిక్ ను మెయింటైన్ చేస్తూ వచ్చాడు. ఇక ఈ సినిమాలో వరుణ్ తేజ్ సరసన బాలీవుడ్ బ్యూటీ సాయి మంజ్రేకర్ హీరోయిన్ గా నటిస్తోంది. అలానే ఉపేంద్ర, సునీల్ శెట్టి, జగపతిబాబు, నవీన్ చంద్ర కీలకపాత్రలు పోషిస్తున్నారు.
ఈ సినిమాను అల్లు అరవింద్ సమర్పణలో అల్లు బాబీ-సిద్దు ముద్ద సంయుక్తంగా నిర్మిస్తున్నారు. తమన్ సంగీతం అందిస్తున్న ఈ సినిమాను ముందుగా జూలై నెలాఖరున విడుదల చేయాలనుకున్నారు. కానీ కరోనా కారణంగా వాయిదా పడింది. ఇప్పుడు డిసెంబర్ 3న విడుదల చేయబోతున్నట్లు ఫస్ట్ పంచ్ వీడియోతో అధికారికంగా అనౌన్స్ చేశారు.
When Passion Meets Emotion,
— Varun Tej Konidela 🥊 (@IAmVarunTej) October 6, 2021
the impact is beyond Imagination!!
Presenting the first punch of
Ghani🥊https://t.co/PzrXypPG0P
Coming to knock you out on December 3rd 2021!#GhaniFirstPunch#TeamGhani#Ghani
Also Read: ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channelసబ్‌స్క్రైబ్‌ చేయండి
టాప్ హెడ్ లైన్స్
ట్రెండింగ్ వార్తలు
