Gruhalakshmi October 19th : నీ తప్పులు అయిపోయాయ్ క్షమించేదే లేదన్న తులసి- సామ్రాట్ ని ఏకిపారేసిన లాస్య

తులసి, సామ్రాట్ గురించి లాస్య నోటికొచ్చినట్టు మాట్లాడుతుంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

సామ్రాట్ లాస్యని కోపంగా ఆఫీసు నుంచి బయటకి వెళ్లిపొమ్మని చెప్తాడు. లాస్య తులసి దగ్గరకి వెళ్ళి తప్పు ఒప్పుకుంటున్నా క్షమించమని సామ్రాట్ గారికి చెప్పు నువ్వు చెప్తే నీ మాట వింటారని బతిమలాడుతుంది. కానీ తులసి మాత్రం అందుకు ఒప్పుకోదు. ఇప్పుడు జరిగిన గొడవ నాకు మాత్రమే సంబంధించినది అయితే నేను పట్టించుకునే దాన్ని కాదు కానీ నాతో పాటు సామ్రాట్ గారి మీద నిందలు వేసి ఆయన్ని అవమానించావు. ఇప్పటి వరకు నేను క్షమించాను కానీ ఇప్పుడు కూడా నిన్ను క్షమించమని సామ్రాట్ గారికి సిఫార్సు చేస్తే నేను తప్పు చేసినట్టే అని కఠినంగా చెప్పేస్తుంది. సామ్రాట్ మళ్ళీ లాస్యని తిడతాడు. దీంతో లాస్య రివర్స్ అవుతుంది.

తులసి కోసం నన్ను జాబ్ లోకి తీసుకున్నావ్ అని సామ్రాట్ ని అంటుంది. నువ్వు కూడా తెలివి మీరిపోయావు. నీ అవసరం కోసం సామ్రాట్ ని బుట్టలో వేసుకున్నావ్. కమ్మగా వండిపెడుతూ ప్రేమగా మాట్లాడుతున్నావ్. మగాడి బలహీనత కనిపెట్టడంలో నువ్వు ఛాంపియన్ వి. నువ్వు నా మీద ఎందుకు జాలి చూపించావో నాకు అర్థం అయ్యింది. ఈ జాబ్ అడ్డం పెట్టుకుని నందుకి నాకు మధ్య గొడవలు పెట్టాలని అనుకున్నావ్ నాకు బాస్ గా మారి నా నెత్తిన ఎక్కి ఆడాలని అనుకున్నావ్, మరో పక్క నన్ను క్షమించినట్టు నటించి త్యాగమూర్తిగా నిలవాలని అనుకున్నావ్ అని నోటికొచ్చినట్టు మాట్లాడుతుంది.

సామ్రాట్ లాస్య మీద అరుస్తుంటే నీ మాట పట్టించుకోను, నందు చెప్పింది కరెక్ట్ నువ్వు తులసి చేతిలో కీలుబొమ్మవి అని అంటుంది. ఇష్టం వచ్చినట్టు మాట్లాడి శాపనార్థాలు పెట్టి ఆఫీసు నుంచి వెళ్ళిపోతుంది. ఈ లాస్య ఇక్కడితో వదిలిపెట్టదని సామ్రాట్, తులసి టెన్షన్ పడతారు. తులసి దిగులుగా ఇంటికి వస్తుంది. ఏమైందని ప్రేమ్ అడుగుతాడు. నన్ను అడుగు నేను చెప్తాను అని అనసూయ ఎంట్రీ ఇస్తుంది. తులసి మారిపోయింది కళ్ళ ముందు ఉంది మన తులసి కాదు. ఇప్పుడు తులసికి మాట అంటే పడదు, నందుకి అవమననం జరిగేలా చేశావ్, ఈరోజు లాస్యని ఆఫీసు నుంచి బయటకి పంపించావ్. సామ్రాట్ అండ చూసుకుని అందరి మీద పగ సాధిస్తున్నావ్ అని అంటుంది.

నా బతుకు నేను బతకాలని అనుకుంటున్నా. లాస్యని, మీ అబ్బాయిని ఆఫీసు నుంచి బయటకి పంపిస్తే నాకు వచ్చే లాభం ఏంటి. నేను పాత తులసినే ఏమి మారలేదు. మీ నోటి నుంచి ఇలా మాటలు రావడం చాలా బాధగా ఉందని తులసి బాధపడుతుంది. మారిపోయింది తులసి కాదు నువ్వు అని పరంధామయ్య అంటాడు. మీ అత్తయ్య తరపున నేను క్షమాపణ అడుగుతున్నా అవేమీ మనసులో పెట్టుకోకు అని చెప్తాడు. ఇలాంటి మాటలు అత్తయ్య నోటి నుంచి వినాల్సి వచ్చేసరికి చాలా బాధగా ఉందని అంటుంది. లాస్య కోపంగా ఇంటికి వస్తుంది. ఏ విషయంలో తులసి కంటే నేను తక్కువ అని కోపంతో రగిలిపోతూ ఇంట్లో ఉన్న వాటిని అన్నీ విసిరేస్తుంది. నందు వచ్చి ఆపేందుకు ప్రయత్నిస్తాడు. నాకు జాబ్ చాలా అవసరం ఫైర్ చెయ్యొద్దు అని కన్నీళ్లతో బతిమలాడాను పట్టించుకోలేదు ఏమనుకోవాలి, నీ మాజీ భార్యని కూడా అడిగాను కానీ పట్టించుకోలేదని అరుస్తుంది.

ఇలాంటిది జరుగుతుందని నీకు ముందే చెప్పాను నువ్వే వినలేదని నందు అంటాడు. ఇదంతా తులసి వల్లే అని లాస్య అంటే వదిలేయ్ వేరే జాబ్ వెతుక్కుందామని అంటాడు. కానీ లాస్య మాత్రం వాళ్ళకి బుద్ధి చెప్పి తీరాల్సిందే అని అంటుంది. ఎంతటి బలవంతుడుకి అయిన ఏదో ఒక బలహీనత ఉంటుంది నేను మాత్రం దీన్ని వదిలిపెట్టను అని కోపంతో రగిలిపోతుంది. నా పరువు పోయేలా ఏదైనా చేస్తే మాత్రం ఊరుకోను అని నందు హెచ్చరిస్తాడు. తులసి గదిలో ఒక గిఫ్ట్ బాక్స్ ఉంటుంది. అది బయటకి తీసుకొచ్చి ఇది ఎవరు పెట్టారని అందరినీ అడుగుతుంది. పరంధామయ్య నేనే పెట్టాను అని అంటాడు.