Samantha: నాని మాస్ సినిమాలో సమంతకు ఛాన్స్.. మరి ఒప్పుకుంటుందా..?

తాజాగా సమంతకు మరో సినిమాలో అవకాశం వచ్చినట్లు సమాచారం. నాని హీరోగా శ్రీకాంత్ ఓదెల అనే కొత్త దర్శకుడు 'దసరా' అనే సినిమా చేయబోతున్నాడు. ఇందులో సమంతను ఓ హీరోయిన్ గా అనుకుంటున్నారట. 

నాని మాస్ సినిమాలో సమంతకు ఛాన్స్.. మరి ఒప్పుకుంటుందా..?

టాలీవుడ్ లో స్టార్ హీరోయిన్ గా వెలుగొందిన సమంత వరుస విజయాలను అందుకుంటుంది. పెళ్లి తరువాత చాలా సెలెక్టివ్ గా సినిమాలు ఎన్నుకునేది. కానీ ఇప్పుడు తన భర్తతో విడిపోవడంతో కెరీర్ పరంగా బిజీ అవ్వాలని నిర్ణయించుకుంది. దీంతో తెలుగు, తమిళ భాషలతో పాటు హిందీలో కూడా సినిమాలు ఒప్పుకుంటుంది. రీసెంట్ గా ఓ బైలింగ్యువల్ సినిమాకి గ్రీన్ సిగ్నల్ ఇచ్చింది. దసరా రోజు ఆ సినిమాకి సంబంధించిన అధికార ప్రకటన వచ్చింది. అలానే ఆమె లిస్ట్ లో చాలా సినిమాలున్నాయని టాక్. 

తాజాగా సమంతకు మరో సినిమాలో అవకాశం వచ్చినట్లు సమాచారం. నాని హీరోగా శ్రీకాంత్ ఓదెల అనే కొత్త దర్శకుడు 'దసరా' అనే సినిమా చేయబోతున్నాడు. సింగరేణి గనుల బ్యాక్ డ్రాప్ లో నడిచే కథ అని తెలుస్తోంది. ఇందులో నాని తెలంగాణకు చెందిన వ్యక్తిగా కనిపించనున్నాడు. నాని యాస కూడా తెలంగాణలోనే ఉంటుందట. ఈ సినిమాలో కీర్తి సురేష్ హీరోయిన్ గా నటిస్తోంది. సుధాకర్ చెరుకూరి నిర్మిస్తోన్న ఈ సినిమాకి సంతోష్ నారాయణన్ మ్యూజిక్ అందిస్తున్నారు.

పేరున్న క్యాస్ట్ అండ్ టెక్నీషియన్స్ తో సినిమాను ప్లాన్ చేయడంతో మంచు బజ్ క్రియేట్ అయింది. అయితే ఇప్పుడా బజ్ ను మరింత పెంచేలా ప్లాన్ చేస్తున్నారు. కథ ప్రకారం సినిమాలో మరో హీరోయిన్ కి చోటుందట. టిపికల్ హీరోయిన్ మాదిరి కాకుండా.. ఆ పాత్రకు మంచి ప్రాధాన్యత ఉంటుందని తెలుస్తోంది. దానికోసం సమంతను ఆన్ బోర్డ్ చేయాలనుకుంటున్నారు. ఇప్పటికే ఆమెకి కథ కూడా వినిపించినట్లు సమాచారం. కానీ సమంత మాత్రం ఎలాంటి నిర్ణయం తీసుకోలేదట. 

గతంలో సమంత.. నానితో కలిసి 'ఎటో వెళ్లిపోయింది మనసు', 'ఈగ' వంటి సినిమాల్లో నటించింది. అలానే కీర్తి సురేష్ తో కలిసి 'మహానటి' సినిమాలో స్క్రీన్ షేర్ చేసుకుంది. ఇప్పుడు వీరు ముగ్గురు కలిసి స్క్రీన్ పై కనిపించే ఛాన్స్ వచ్చింది. మరి దీనికి సమంత ఒప్పుకుంటుందో లేదో చూడాలి. ప్రస్తుతం సమంత తెలుగులో శ్రీదేవి మూవీస్సంస్థతో ఓ సినిమా కమిట్ అయింది. నవంబర్ లో ఈ సినిమా రెగ్యులర్ షూటింగ్ మొదలుకానుంది. ఇక ఈ బ్యూటీ నటించిన 'శాకుంతలం' సినిమా వచ్చే ఏడాదిలో ప్రేక్షకుల ముందుకు రానుంది. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి