Ajay Devgn: అయ్యప్ప దీక్షలో అజయ్‌ దేవగన్.. శబరిమలైలో ప్రత్యక్షమైన RRR స్టార్

టాలీవుడ్ స్టార్లు అప్పుడప్పుడు అయ్యప్ప మాలలో కనిపిస్తుంటారు. అయితే, బాలీవుడ్‌లో తొలిసారిగా అజయ్ దేవగన్ అయ్యప్ప మాలలో కనిపించి ఆశ్చర్యపరిచారు.

By: ABP Desam | Updated at : 14 Jan 2022 01:11 PM (IST)

RRR star Ajay Devgn visits Kerala’s Sabarimala temple

Image Credit: Social Media

అయప్ప స్వామి దీక్షను ఎక్కువగా దక్షిణాది భక్తులే పాటిస్తారనే సంగతి తెలిసిందే. దీంతో, బాలీవుడ్ స్టార్ అజయ్ దేవగన్.. అయ్యప్ప మాలలో కనిపించేసరికి అంతా షాకయ్యారు. మొదట్లో ఏదో సినిమా షూటింగ్ కోసం నల్ల దుస్తులు, మాలతో కనిపించారని ఆయన అభిమానులు అనుకున్నారు. అయితే, ఆయన నిజంగానే అయ్యప్ప దీక్ష చేపట్టారని తెలిసి ఆశ్చర్యపోయారు. ఎందుకంటే.. అయ్యప్ప దీక్ష పాటించాలంటే ఎంతో నిష్టగా ఉండాలి. ఇరుముడులతో శబరిమల కొండెక్కిన తర్వాతే దీక్ష విరమించాలి.

అజయ్ దేవగన్.. 41 రోజులపాటు దీక్షలో ఉండటమే కాకుండా కఠిన నియమాలు పాటించారని తెలిసింది. దీక్షలో ఉన్నన్ని రోజులు ఆయన నేలపైనే నిద్రపోయారని, కాళ్లకు చెప్పులు ధరించలేదని ఆయన సన్నిహితులు తెలిపారు. అనంతరం ఆయన ఇరుముడితో శబరిమలకు వెళ్లారు. మాలలో ఉన్న అజయ్ దేవగన్ ఫొటోలను ఆయన అభిమానులు సోషల్ మీడియాలో పోస్ట్ చేశారు.

బాలు మున్నంగి అనే జ్యోతిష్కుడి సూచనతో అజయ్ దేవగన్ అయ్యప్ప దీక్షను పాటించారు. గురుస్వామి వెంకట్ రెడ్డి అజయ్ దేవగన్ ఇంటికెళ్లి.. స్వయంగా మాలాధారణ చేయించారు. అనంతరం ఆయన దీక్షలో పాటించాల్సిన నియమాలు గురించి వివరించారు. ప్రస్తుతం అజయ్ దేవగన్ మాలలో ఉన్న ఫొటోలు ఇప్పుడు సోషల్ మీడియాలో వైరల్‌గా చక్కర్లు కొడుతున్నాయి. ఎన్టీఆర్, రామ్ చరణ్ కలిసి నటిస్తున్న #RRR చిత్రంలో అజయ్ దేవగన్ కీలక పాత్ర పోషిస్తున్న సంగతి తెలిసిందే. ఈ నెల 7న విడుదల కావల్సిన ఈ చిత్రం కోవిడ్-19 నిబంధనల వల్ల వాయిదా పడింది. దీంతో ప్రేక్షకులు మరోసారి ఈ చిత్రం కోసం వేచి చూడాల్సిన పరిస్థితి నెలకొంది.

View this post on Instagram

A post shared by Ajay Devgn (@ajaydevgn)

Bollywood actor Ajay Devgn visits Sabarimala temple
It is good to see such changes in Bollywood. #Bollywood #AjayDevgn #SwamiSharnamAyyap pic.twitter.com/ywIwyo1oky
— Manjunath_P (@group_mvm) January 13, 2022