NTR Song: 'నందమూరి తారక రామామృత'.. ఎన్టీఆర్ పై పాట.. బాలయ్య ప్రశంసలు.. 

దివంగత నటుడు, రాజకీయనాయకుడు నందమూరి తారక రామారావు జీవితం ఆధారంగా ఓ పాటను రూపొందించారు అశ్విన్ అట్లూరి.

ఎన్టీఆర్ పై పాట.. బాలయ్య ప్రశంసలు.. 

దివంగత నటుడు, రాజకీయనాయకుడు నందమూరి తారక రామారావు జీవితం ఆధారంగా ఓ పాటను రూపొందించారు అశ్విన్ అట్లూరి. 'తెలుగు తల్లి చేసిన పుణ్యం.. తెలుగు తెరపై వెలసిన దైవం' అంటూ సాగే ఈ పాట అభిమానులను ఆకట్టుకుంటుంది. ఈ పాటను నిర్మించడమే కాకుండా.. లిరిక్స్ కూడా అందించారు అశ్విన్ అట్లూరి.

 

అంజనా సౌమ్య, స్వరాగ్ కీర్తన్ ఈ పాటను ఆలపించగా.. 'బుల్లెట్టు బండి' సాంగ్ కి సంగీతం అందించిన ఎస్కే బాజీ ఈ పాటకు మ్యూజిక్ కంపోజ్ చేశారు. గౌతమ్ రాజు ఎడిటింగ్ వర్క్ చేశారు. అయితే ఈ పాటపై బాలయ్య సైతం స్పందించారు. ఈ మేరకు తన ఫేస్ బుక్ లో ఓ పోస్ట్ పెట్టారు.

 

''నవరస నటనా సార్వభౌమ,

రాజకీయ భీష్మ, ప్రజాభీష్ట నందమూరి తారక రామ మహాప్రస్థానాన్ని పాటగా రచించి, నిర్మించిన అశ్విన్ అట్లూరి గారికి మరియు వారి టీం కి నా అభినందనలు.  ఓ ప్రజానాయకా,
తెలుగుతల్లి పాడుతుంది నీ గీతికా
'నందమూరి తారక రామామృత' గీతాన్ని అద్భుతంగా ఆదరిస్తున్న అన్నగారి అభిమానులకు, తెలుగు ప్రేక్షకులకు నా కృతఙ్ఞతలు.
జై ఎన్టీఆర్.. జయహో ఎన్టీఆర్…జోహార్ ఎన్టీఆర్'' అంటూ బాలకృష్ణ రాసుకొచ్చారు. 

 

సాంగ్ లిరిక్స్:

 

తెలుగు తల్లి చేసిన పుణ్యం
తెలుగు తెరపై వెలసిన దైవం

తెలుగు నేలకు వచ్చిన ధైర్యం
తెలుగు భాషకు తెచ్చిన గర్వం

ఓ విశ్వ విఖ్యాత - నట సార్వభౌమా !
మా... నందమూరి - తారకరామా !

పల్లవి :

అంతయు నీవే తారకరామా...
అంతము లేనిది నీపై ప్రేమా  

ఎక్కడ విన్నా నీ నామస్మరణా...
ఎన్నడు మరువము చల్లని కరుణా

నేలను విడిచిన ఓ రామన్నా !
మళ్ళీ రావా...మా అన్నా !!

చరణం 1:

తెలుగునాట నీ చరిత - సువర్ణాక్షరాల రాత !

తెగువ చూపిన ఘనత - నిను మరవదు ఈ జనత !

మడమ తిప్పనిది నీ నైజం
మైమరపించే రాజసం !

కఠినమైన నీ క్రమశిక్షణా
కాలు దువ్వితే సింహగర్జనా !

నీ రూపం... ముగ్ధ మనోహరం...
నీ పలుకే... తొలకరి మకరందం...

నీ పౌరాణిక పాత్రల సృష్టీ  ..
వ్యాస వాల్మీకులె పెట్టిరి దిష్టీ !

అంతయు నీవే తారకరామా...
అంతము లేనిది నీపై ప్రేమా  

చరణం 2:

గుప్పున రగిలిన - నిప్పుల ఉప్పెన - నీలో ఆవేశం

గుప్పెడు గుండెను - తట్టి లేపినది - నీ ఉపన్యాసం!

నీ అభిమానం నదీ ప్రవాహం
ఆత్మాభిమానం అనంతగగనం !

నీ పట్టుదలే ఈ మట్టి దృఢత్వం
నీ ప్రతి అడుగూ ఓ ప్రభంజనం !!

ఆ పంచభూతాలే కలిసీ...  
నిలిచాయి పంచెకట్టులో వెలసీ...!

పేదోళ్ళకు కంచంలొ అన్నమా !  ..
నీ అభిమానులకూ - 'అన్న'వే సుమా !  

అంతయు నీవే తారకరామా...
అంతము లేనిది నీపై ప్రేమా  

 

చరణం 3:

పాతుకు పోయిన - పాత పార్టీకి - పాతర వేసావూ

పేదల గుండెలె - పసుపు జెండాగ - పైకెగరేసావూ

మన తెలుగోళ్ళను కించపరిచే
ఆ మదరాసీ ముద్ర చెరిపీ

ఖండాలూ తీరాలు దాటీ  
చాటావే ఘన తెలుగు ఖ్యాతి !

బలహీన వర్గాల దన్నుగా...
నవ శకమే…నిర్మించినావుగా...!

భరత జాతికే శిరోరత్నమా !
మహా నాయకా... స్ఫూర్తిదాయకా !

అంతయు నీవే తారకరామా...
అంతము లేనిది నీపై ప్రేమా

 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి