Nagarjuna Akkineni: విడిపోయిన చైతు-సమంత.. రియాక్ట్ అయిన నాగార్జున..

నాగచైతన్య-సమంత విడిపోతున్న విషయంపై అక్కినేని నాగార్జున రియాక్ట్ అయ్యారు. ఈ క్రమంలో ఆయన ట్విట్టర్ లో ఓ పోస్ట్ పెట్టారు.

Written By : ABP Desam | Updated at : 02 Oct 2021 06:26 PM (IST)

విడిపోయిన చైతు-సమంత.. రియాక్ట్ అయిన నాగార్జున..

అక్కినేని నాగచైతన్య-సమంత తమ వివాహబంధానికి స్వస్తి చెప్పేశారు. ఈ విషయాన్ని వీరిద్దరూ సోషల్ మీడియా వేదికగా అధికారికంగా ప్రకటించారు. దీంతో ఫ్యాన్స్ అంతా ఒక్కసారిగా షాకయ్యారు. చాలా కాలంగా మీడియాలో వీరిద్దరూ విడిపోతున్నట్లు వార్తలు వస్తున్నాయి కానీ ఈ జంట అసలు రియాక్ట్ అవ్వకపోవడంతో అనుమానాలు పెరిగాయి. దానికి తగ్గట్లే సమంత ఈ మధ్యకాలంలో సోషల్ మీడియాలో కొన్ని పోస్ట్ లు పెట్టింది. ఫైనల్ గా ఇద్దరూ విడిపోతున్నట్లు అనౌన్స్ చేశారు.

Also Read:సమంతతో విడాకులు - నాగచైతన్య అధికారిక ప్రకటన !

తాజాగా ఈ విషయంపై నాగార్జున(Akkineni Nagarjuna) రియాక్ట్ అవుతూ.. సోషల్ మీడియాలో ఓ పోస్ట్ పెట్టారు. ఎంతో బరువైన హృదయంతో ఈ విషయాన్ని చెప్పాల్సి వస్తోందని.. నాగచైతన్య, సమంత విడిపోతుండడం దురదృష్టకరమని అన్నారు నాగార్జున. భార్య-భర్తల మధ్య ఏం జరిగినా అది వారి వ్యక్తిగతమని నాగార్జున అన్నారు. సమంత-చైతు ఇద్దరూ తనకు ప్రియమైన వ్యక్తులని చెప్పారు. మా కుటుంబం ఎప్పుడూ సమంతతో కలిసి గడిపిన క్షణాలను గుర్తుచేసుకుంటూనే ఉంటుందని.. ఆమె ఎప్పటికీ మా ఫ్యామిలీలో భాగమే అని రాసుకొచ్చారు. ఈ సమయంలో దేవుడు వాళ్లిద్దరికీ మనో ధైర్యాన్ని ఇవ్వాలని ప్రార్థిస్తున్నా అంటూ రాసుకొచ్చారు నాగార్జున. వారికి నా ఆశీస్సులు ఎప్పుడూ ఉంటాయని అన్నారు.

ఈ పోస్ట్ పై నెటిజన్లు ఒక్కొక్కరూ ఒక్కో విధంగా స్పందిస్తున్నారు. ఈ సమయంలో చైతుకి మీరే ధైర్యంగా ఉండాలంటూ నాగ్ కి సూచిస్తున్నారు. ఇద్దరూ ఎంతో ప్రేమగా ఉండేవారని వారు విడిపోతున్నారంటే నమ్మలేకపోతున్నామని మరికొందరు కామెంట్స్ చేస్తున్నారు.