'Aaradugula Bullet' Movie Update: నాలుగేళ్ల క్రితం ఆగిన 'ఆరడుగుల బుల్లెట్' మెగా హీరోకి పోటీగా ఇప్పుడు దూసుకొస్తోంది..
ఈ మధ్యే 'సీటీమార్ ' మూవీతో వచ్చిన గోపీచంద్ వెనువెంటనే 'ఆరడుగల బుల్లెట్' అంటున్నాడు. ఇంత తక్కువ గ్యాప్ లో మరో మూవీ ఎలా సాధ్యం అంటారా…దాని వెనుక పెద్ద కథే ఉంది..
‘సమర సింహా రెడ్డి’, ‘నరసింహనాయుడు’, ’ఇంద్ర’ లాంటి ఇండస్ట్రీ హిట్స్ ఇచ్చిన బి.గోపాల్ దర్శకత్వంలో గోపీచంద్ హీరోగా తెరకెక్కిన సినిమా ‘ఆరడుగులు బుల్లెట్’. 2017లో రూపుదిద్దుకున్న ఈ యాక్షన్ ఎంటర్టైనర్ కొన్ని కారణాల వల్ల ఆ ఏడాది విడుదలకాలేదు. ఆ తర్వాత కూడా రిలీజ్ చేసేందుకు ఎన్ని ప్రయత్నాలు చేసినా ఫలించలేదు. కరోనా సమయంలో ఓటీటీ లో విడుదల చేస్తున్నట్టు వార్తలొచ్చినా అవీ నిజం కాలేదు. ఇప్పటివరకూ ఎన్నో అడ్డంకులు అధిగమించిన ఈ సినిమాను ఎట్టకేలకు అక్టోబర్ 8న థియేట్రికల్ రిలీజ్ చేస్తున్నట్లు మేకర్స్ ఈ రోజు అధికారికంగా ప్రకటించారు. ఈ సందర్భంగా గోపీచంద్ ను మాస్ అవతారంలో చూపిస్తూ ఓ పోస్టర్ విడుదల చేశారు.
Macho star @YoursGopichand starrer #AaradugulaBullet grand release this October 8th!
— BA Raju's Team (@baraju_SuperHit) October 2, 2021
Watching it in your nearest theatres ! #Gopichand #Nayanthara #BGopal #Manisharma #ThandraRamesh #VakkanthamVamsi #JayaBalajeeRealMedia pic.twitter.com/OyhsGbFQ8J
గోపీచంద్ - నయనతార జంటగా నటించిన ఈ సినిమాను జయ బాలాజీ రియల్ మీడియా బ్యానర్ పై తాండ్ర రమేష్ నిర్మించారు. సంపత్ నంది దర్శకత్వంలో గోపీచంద్ హీరోగా నటించిన 'సీటీమార్' ఈ మధ్యే విడుదలై పాజిటివ్ టాక్ సంపాదించుకోవడంతో ఇదే మంచి సమయం అని భావించిన మేకర్స్ 'ఆరడుగుల బుల్లెట్' ను వదులుతున్నారు. ఇందులో ప్రకాష్ రాజ్, అభిమన్యు సింగ్ , కోట శ్రీనివాసరావు, బ్రహ్మానందం , జయ ప్రకాష్ రెడ్డి, చలపతిరావు ముఖ్య పాత్రలు పోషించారు. మణిశర్మ సంగీతం సమకూర్చారు. దర్శకుడు, రచయిత వక్కంతం వంశీ ఈ చిత్రానికి కథ - స్క్రీన్ ప్లే అందించారు. అయితే అక్టోబరు 8న మెగా హీరో -క్రిష్ కాంబినేషన్లో తెరకెక్కిన 'కొండ పొలం' విడుదలవుతోంది. ఉప్పెనతో క్రేజ్ సంపాదించుకున్న వైష్ణవ్ తేజ్ సినిమాకి క్రిష్ దర్శకుడు కావడంతో ఈ సినిమాపై అంచనాలు ఓ రేంజ్ లో ఉన్నాయి. మరి గోపీచంద్, వైష్ణవ్ తేజ్ ఇద్దరిలో ఎవరెలాంటి ఫలితం అందుకుంటారో చూడాలి.
Also Read:ఉదయాన్నే మేనిఫెస్టో ప్రకటించి.. మా అధ్యక్ష అభ్యర్థి పదవికి వేసిన నామినేషన్ ఉపసంహరించుకున్న నటుడు
Also Read: అల్లు కుటుంబం తరపున మెగాస్టార్ చిరంజీవికి కృతజ్ఞతలు చెప్పిన బన్నీ..ఏకి పారేస్తున్న నెటిజన్లు
Also Read: రూమర్స్ కి ఫుల్ స్టాప్ పెట్టేసిన 'పుష్ప' టీమ్, రిలీజ్ డేట్ ఫిక్స్ చేసేశారు
ఇంట్రస్టింగ్ వీడియోలు, విశ్లేషణల కోసం ABP Desam YouTube Channel సబ్స్క్రైబ్ చేయండి
టాప్ హెడ్ లైన్స్
ట్రెండింగ్ వార్తలు
