Janaki Kalaganaledu September 15th: పర్మినెంట్ గా వదిలేస్తానన్న అఖిల్- ఆత్మహత్యకి సిద్ధపడ్డ జెస్సి, అఖిల్ ని నిలదీసిన గోవిందరాజులు

జెస్సి విషయం జ్ఞానంబకి తెలియడంతో ఇంట్లో రచ్చ చెలరేగుతుంది. ఈరోజు ఎపిసోడ్లో ఏం జరిగిందంటే..

image credit: Disney Plus Hotstar/ Star Maa

నీలావతి పెద్దమ్మగారి నోరు మూయించినంత మాత్రాన ఊర్లో అందరి నోర్లు మూయించలేము కదా. అసలు ఇదంతా జానకి తప్పు. ఆ అమ్మాయిని అందరి ముందు తీసుకురావడం తప్పు, ఆ అమ్మాయి మాటలు నమ్మి మన అఖిల్ మీద నిందలు వేయడం ఇంకా తప్పు అని మల్లిక జానకి మీద ఎక్కించే ప్రయత్నం చేస్తుంది. ఈ తప్పులు అన్నింటినీ క్షమిస్తూ మీరు ఎందుకు ఊరుకుంటున్నారు అత్తయ్యగారు వెంటనే వెళ్ళి గోడ మీద ఉన్న ఐదు తప్పుల్లో ఒకటి కొట్టేయండి అని అంటుంది. కొట్టేయండి అత్తయ్యగారు వెళ్ళండి అనేసరికి జ్ఞానంబ ఇంట్లోకి వెళ్తుంది. జ్ఞానంబ వెళ్లినందుకు మల్లిక డాన్స్ వేస్తుంది.

జానకి అఖిల్ గురించి ఆలోచిస్తూ ఉంటే రామా వచ్చి పిలుస్తాడు కానీ వినిపించుకోదు. దీంతో రామానే వెళ్ళి బ్యాగ్ బుక్స్ తీసుకొచ్చి ఎగ్జామ్ కి టైమ్ అవుతుందని చెప్పి కాలేజీకి వెళ్దాం అని అంటే వద్దు అని జానకి అంటుంది. మీరంతా నామీద పెట్టుకున్న నమ్మకాన్ని నెరవేర్చాలని నా ఆశ కానీ జెస్సి ప్రాబ్లం నన్ను కుదురుగా ఉండనివ్వడం లేదు, అది ఎటు నుంచి వచ్చి మన కుటుంబం పరువు తీస్తుందో అని ఆలోచిస్తూ సరిగా చదవలేకపోతున్నా అని జానకి చెప్పడం జ్ఞానంబ వింటుంది. జెస్సి ప్రాబ్లం తీరితే తప్ప నేను ఎగ్జామ్స్ సరిగా రాయలేనని అనిపిస్తుంది అనేసరికి జ్ఞానంబ జానకి అని పిలుస్తుంది. మన ఆలోచన ఏకాగ్రత సాధించే ఆశయం మీద ఉండాలి కానీ నిజమో కాదో తెలియని సమస్య మీద కాదు. కొత్తగా సమస్యని తలకెక్కించుకుని ఆ సమస్య గురించి ఆలోచిస్తూ నలుగురు నానారకాలుగా మాట్లాడుకునే అవకాశం ఇచ్చావు నీ భవిష్యత్ మీద ఆధారపడిన అందరినీ ఇబ్బంది పెడుతున్నావ్ అది మంచిది కాదు’ అని జ్ఞానంబ చెప్తుంది.

ఈరోజు కాకపోతే రేపు అయినా నిజం బయటపడుతుంది. దాని కోసం నీ ఆశయం నిర్లక్ష్యం చేయకు అని గోవిందరాజులు కూడా చెప్తాడు. నాకు చదువుతో పాటు పరువు మర్యాదలు కూడా ముఖ్యమే అంటుంది. జానకి నేను నీకు ఎంత చెప్పినా కూడా అదే ఆలోచిస్తున్నావ్ అని జ్ఞానంబ కొప్పడుతుంది. నీతో పాటు రామా వస్తే నీ ఆలోచనలతో రామా బుర్ర కూడా పాడు చేస్తావ్ నేనే నీ ఎగ్జామ్ కోసం కాలేజీకి తీసుకెళ్తాను పదా అని అంటుంది. వద్దులేమ్మ నేనే తీసుకెళ్తాను అని రామా అంటాడు. గోవిందరాజులు అఖిల్ ప్రవర్తన మీద అనుమానపడతాడు. మీ వదిన అనవసరంగా ఒకరిని వేలెత్తి చూపదు, నిజం లేకపోతే ఆ అమ్మాయిని ఇంటి దాకా తీసుకువచ్చేది కాదు మీ అమ్మకి ఎదురు పడి మాట్లాడదు అని గోవిందరాజులు అడుగుతాడు.

అప్పుడే జ్ఞానంబ రావడం చూసిన అఖిల్ మీరు కూడా నన్నే అనుమానిస్తున్నారా నాన్న అని డ్రామా మొదలుపెడతాడు. మీరు కూడా మన పెంపకాన్ని అనుమానిస్తే ఎలాగా అని జ్ఞానంబ వెనకేసుకొస్తుంది. అందరూ వదిన మాటే నమ్ముతున్నారు, అమ్మ కూడా నమ్మేలోపు ప్రాబ్లం క్లియర్ చేసుకోవాలి అని అఖిల్ టెన్షన్ పడతాడు. జెస్సి అఖిల్ ఫోటో చూసుకుంటూ బాధపడుతుంది. నేనే నీ లైఫ్ అన్నావ్ నన్ను పెళ్లి చేసుకుంటా అని ప్రామిస్ చేశావ్ అని ఏడుస్తూ ఉంటుంది. అప్పుడే అఖిల్ జెస్సికి ఫోన్ చేస్తాడు. మన పెళ్లికి ఆంటీ ఒప్పుకున్నారా అని జెస్సి ఆత్రంగా అడుగుతుంది. నాటకాలు ఆడుతున్నావా నేను చెప్పింది ఏంటి నువ్వు చేసింది ఏంటి అబార్షన్ చేయించుకోమని చెప్తే మా వదిన్ని అడ్డుపెట్టుకుని ఎందుకు ఇంత సీన్ చేస్తున్నావ్ అని అరుస్తాడు. అది కుదరదు అఖిల్ ఇంట్లో విషయం తెలిసింది అది నాతో పాటు నీకు కూడా ప్రాబ్లం అని జెస్సి చెప్తుంది.

అదంతా నాకు తెలియదు జెస్సి మా అమ్మ ఒప్పుకోదు అని అంటాడు. మన పెళ్లి ఇప్పట్లో అవదు తర్వాత అయిన మన పెళ్లి జరగాలి నేను నీకు కావాలి అనుకుంటే అబార్షన్ చేయించుకో లేదంటే పర్మినెంట్ గా నన్ను వదులుకోవాల్సి వస్తుంది అని అఖిల్ హెచ్చరిస్తాడు. అఖిల్ ఇలా తెగించి మాట్లాడుతున్నాడు ఇప్పుడు నా పరిస్థితి ఏంటి అమ్మానాన్నకి ఈ విషయం తెలిస్తే చచ్చిపోతారు. వాళ్ళకి బాధ లేకుండా చేస్తాను చచ్చిపోయి అయినా చేస్తాను’ అని జెస్సి ఏడుస్తూ వెళ్ళిపోతుంది. జెస్సి తల్లిదండ్రులు జానకికి ఫోన్ చేసి కంగారుగా ఏదో చెప్తారు.