Ooru Peru Bhairavakona: వాలెంటైన్స్ డేకు ‘ఊరు పేరు భైరవకోన’ స్పెషల్ ప్రీమియర్స్ - స్వయంగా టికెట్లు అమ్ముతానంటున్న హీరో

Sundeep Kishan: యంగ్ హీరో సందీప్ కిషన్ త్వరలోనే ‘ఊరు పేరు భైరవకోన’ అనే సినిమాతో థియేటర్లలో సందడి చేయనున్నాడు. వాలెంటైన్స్ డేకు స్పెషల్ ప్రీమియర్స్ ఏర్పాటు చేయడాలని మేకర్స్ నిర్ణయించారు.

Image Credit: Sundeep Kishan/Instagram

Ooru Peru Bhairavakona Valentines Day Premiere: యంగ్ హీరో సందీప్ కిషన్.. ఎక్కువగా డిఫరెంట్ కాన్సెప్ట్ కథలతో ప్రేక్షకుల ముందుకు వస్తుంటాడు. కానీ పలు కారణాల వల్ల ఆ సినిమాలు ఎక్కువగా ప్రేక్షకులకు రీచ్ అవ్వలేవు. అయినా కూడా డిఫరెంట్ కథలను ఎంచుకోవడంలో ఏ మాత్రం వెనకాడడు ఈ హీరో. అదే విధంగా త్వరలోనే ‘ఊరు పేరు భైరవకోన’ అనే మరో కొత్త రకమైన చిత్రంతో థియేటర్లలో సందడి చేయనున్నాడు. ఇప్పటికే ఈ సినిమా పలుమార్లు వాయిదా పడగా.. ఫైనల్‌గా ఫిబ్రవరీ 16న రిలీజ్‌కు సిద్ధమయ్యింది. ‘ఊరు పేరు భైరవకోన’ ప్రమోషన్స్‌ కోసం కొత్త కొత్త ప్రయత్నాలు చేస్తున్న సందీప్.. తానే స్వయంగా టికెట్లు కూడా అమ్మడానికి ముందుకొచ్చాడు.

వాలెంటైన్స్ డే ప్రీమియర్స్..

ఫిబ్రవరీ 16న ‘ఊరు పేరు భైరవకోన’ థియేటర్లలో సందడి చేయగా.. దానికంటే రెండురోజుల ముందు నుండే ప్రీమియర్స్‌ను ఏర్పాటు చేస్తున్నారు మేకర్స్. ఇక ఫిబ్రవరీ 10 నుండే ప్రమోషన్స్ టూర్‌ను ప్రారంభించిన మూవీ టీమ్.. ఈ టూర్‌లో ప్రమోషన్స్‌తో ప్రేక్షకులను ఆకట్టుకునే ప్రయత్నాలు చేయనుంది. అందులో భాగంగానే వైజాగ్‌లోనే ఓ థియేటర్‌లో సందీప్ కిషన్.. స్వయంగా తన ప్రీమియర్ టికెట్స్ అమ్మనున్నాడు. అది కూడా వాలెంటైన్స్ డే స్పెషల్ ప్రీమియర్స్. ఈ విషయాన్ని సందీప్ కిషన్.. స్వయంగా తన ట్విటర్ ద్వారా ప్రకటించాడు. ఇక మూవీ టీమ్ చేస్తున్న ప్రమోషన్స్ చూస్తుంటే చాలామంది ప్రేక్షకుల్లో హైప్ క్రియేట్ అవుతోంది.

వైజాగ్‌లోనే ప్రమోషన్స్..

‘ఫిబ్రవరీ 10న సాయంత్రం 6 గంటలకు వైజాగ్‌లోని మెలోడీ థియేటర్‌లో వాలెంటైన్స్ డే ప్రీమియర్స్‌కు సంబంధించిన టికెట్స్ పర్సనల్‌గా అమ్ముతాను. ఫిబ్రవరీ 14న ప్రీమియర్స్’ అని సందీప్ కిషన్ ట్వీట్ చేశాడు. ఇప్పటికే యాక్టర్స్.. తమ సినిమాలకు తామే టికెట్స్ అమ్మడం కొత్త విషయమేమి కాదు. సడెన్‌గా థియేటర్లకు వెళ్లి ఆడియన్స్‌ను సర్‌ప్రైజ్ చేసి టికెట్ కౌంటర్‌లో కూర్చోవడం యాక్టర్స్‌కు అలవాటే. మొదటిసారి తన ప్రీమియర్ షో టికెట్లు.. తానే అమ్ముతున్నానని సందీప్ కిషన్ ముందే ప్రకటించాడు. ఫిబ్రవరీ 10న ‘ఊరు పేరు భైరవకోన’ ప్రమోషన్స్ కోసం వైజాగ్ వెళ్తున్న టీమ్.. 14 వరకు అక్కడే ఉండనున్నారని అర్థమవుతోంది. ఆ తర్వాత హైదరాబాద్‌లో ప్రమోషన్స్ జరుగుతాయని ప్రేక్షకులు భావిస్తున్నారు.

Will Personally be Selling tickets for the
Valentines Day Premieres
Of #OoruPeruBhairavakona
At Melody Theatre Vizag.. ♥️
6 PM tomorrow :)

14th February Premieres pic.twitter.com/hMHNZmpOQp

— Sundeep Kishan (@sundeepkishan) February 9, 2024

తప్పుకుంటూ వచ్చింది..

విఐ ఆనంద్ దర్శకత్వం వహించిన ‘ఊరు పేరు భైరవకోన’లో సందీప్ కిషన్‌కు జోడీగా వర్ష బొల్లామా, కావ్య థాపర్ నటించారు. ముందుగా ఈ సినిమా సంక్రాంతికి విడుదల అవ్వాలని నిర్ణయించుకుంది. కానీ అప్పటికే చాలా సినిమాలో రేసులో ఉండడంతో తప్పుకుంది. ఆ తర్వాత ఫిబ్రవరీ 9న విడుదల అవుతున్నట్టు ప్రకటించింది. అప్పిటికే మాస్ మహారాజా రవితేజ నటించిన ‘ఈగల్’ మూవీకి సోలో రిలీజ్ అందిస్తామని నిర్మాతలంతా ప్రకటించడంతో.. వారి నిర్ణయాన్ని గౌరవించి మరోసారి రిలీజ్ డేట్ మార్చుకుంది ‘ఊరు పేరు భైరవకోన’. ఫైనల్‌గా ఫిబ్రవరీ 16న థియేటర్లలో సందడి చేయడానికి సిద్ధమయ్యింది. ఈ సినిమాతో అయితే సందీప్ కమర్షియల్ హిట్ సాధించాలని ఫ్యాన్స్ కోరుకుంటున్నారు.