Ram Charan - RC17 Movie: బర్త్ డేకి కాదు... సోమవారమే రామ్ చరణ్ ఫ్యాన్స్‌కు గుడ్ న్యూస్!
Ram Charan New Movie Announcement: గ్లోబల్ స్టార్ రామ్ చరణ్ అభిమానులకు గుడ్ న్యూస్. అదీ సోమవారం రాబోతోంది. ఇంతకీ, ఆ అనౌన్స్‌మెంట్ ఏమిటంటే?
Ram Charan Sukumar latest movie announcement: గ్లోబల్ స్టార్ రామ్ చరణ్, మెగా అభిమానులకు డబుల్ ధమాకా! సానా బుచ్చి బాబు ('ఉప్పెన' ఫేమ్) దర్శకత్వంలో పాన్ ఇండియా సినిమాను బుధవారం (మార్చి 20న) పూజతో ప్రారంభించారు. మరో కొత్త సినిమాను సోమవారం అనౌన్స్ చేయనున్నారు. పూర్తి వివరాల్లోకి వెళితే...
సుకుమార్ దర్శకత్వంలో రామ్ చరణ్ కొత్త సినిమా
Ram Charan Latest Movie In Sukumar direction: క్రియేటివ్ జీనియస్ సుకుమార్ దర్శకత్వంలో 'రంగస్థలం' చేశారు రామ్ చరణ్. హీరోగా ఆయన ప్రయాణంలో ఆ సినిమా ఎప్పటికీ మధుర జ్ఞాపకం. మెగా అభిమానులకు ప్రత్యేకం. నటుడిగా రామ్ చరణ్ స్థాయిని పెంచిన సినిమాగా నిలిచింది. ఇప్పుడు సుకుమార్ దర్శకత్వంలో మరో సినిమా చేయడానికి రామ్ చరణ్ రెడీ అయ్యారు. సోమవారం ఆ సినిమాను అధికారికంగా అనౌన్స్ చేయనున్నారు.
'రంగస్థలం' తర్వాత రామ్ చరణ్ - సుకుమార్ కలిసి పని చేస్తారని, మరో సినిమా చేయడానికి ఇద్దరూ సుముఖంగా ఉన్నారని చాలా రోజుల నుంచి ఫిల్మ్ నగర్, మీడియా వర్గాల్లో వార్తలు వినిపిస్తున్నాయి. చరణ్ బర్త్ డే సందర్భంగా మార్చి 27న ఈ చిత్రాన్ని అధికారికంగా అనౌన్స్ చేయనున్నారని బలంగా వార్తలు వచ్చాయి. బర్త్ డే వరకు కాదు... అంత కంటే ముందు సినిమా ప్రకటన రానుంది.
లేటెస్ట్ ఎక్స్‌క్లూజివ్ ఇన్ఫర్మేషన్ ఏమిటంటే... సోమవారం (మార్చి 25న) రామ్ చరణ్ - సుకుమార్ కొత్త సినిమాను అఫీషియల్‌గా అనౌన్స్ చేస్తున్నారు. వాళ్లిద్దరి కలయికలో 'రంగస్థలం' చిత్రాన్ని నిర్మించిన మైత్రీ మూవీ మేకర్స్ అధినేతలు నవీన్ ఎర్నేని, రవిశంకర్ యలమంచిలి ఈ చిత్రాన్ని కూడా ప్రొడ్యూస్ చేయనున్నారు.
Also Read: ఆ పెళ్లికి నన్ను ఎందుకు పిలవలేదు? - రామ్ చరణ్ ప్రశ్నకు ఆనంద్‌ మహీంద్రా ఇంట్రెస్టింగ్ రిప్లై
ప్రస్తుతం శంకర్ దర్శకత్వంలో 'గేమ్ ఛేంజర్' చేస్తున్నారు రామ్ చరణ్. ఆ సినిమా విడుదలకు ముందు బుచ్చిబాబు సినిమా సెట్స్ మీదకు తీసుకు వెళ్ళడానికి రెడీ అయ్యారు. ఆ మేరకు సన్నాహాలు జరిగాయి. ఆ రెండు సినిమాల తర్వాత సుక్కు సినిమా స్టార్ట్ చేయాలని ప్లాన్ చేస్తున్నారట. హీరోగా రామ్ చరణ్ 17వ చిత్రమిది (RC 17 Movie). బర్త్ డేకి మరిన్ని స్పెషల్స్ రెడీ చేశారట.
రామ్ చరణ్ సినిమా షూటింగ్ ప్రారంభం కావడానికి ముందు 'పుష్ప 2' పనులు మొత్తం పూర్తి చేసేలా తన వర్కింగ్ షెడ్యూల్స్ ప్లాన్ చేశారట సుకుమార్. ప్రజెంట్ ఐకాన్ స్టార్ అల్లు అర్జున్ హీరోగా సూపర్ హిట్ 'పుష్ప: ది రైజ్'కు సీక్వెల్ 'పుష్ప: ది రూల్' చేస్తున్న సంగతి తెలిసిందే. ఇప్పటి వరకు సుకుమార్ సినిమాలు అన్నిటికీ సంగీతం అందిస్తూ వచ్చిన దేవి శ్రీ ప్రసాద్ RC17కి కూడా మ్యూజిక్ అందించనున్నారని సమాచారం.
టాప్ హెడ్ లైన్స్
ట్రెండింగ్ వార్తలు
