Pranit More Apology: నాది తప్పే... మరో ఛాన్స్ ప్లీజ్ - హిమాన్షు 370 బిర్యానీ ఎపిసోడ్‌పై ప్రణీత్ మోరే

Pranit More 370 Biryani Episode: స్టాండప్ కామెడీ షోలో హిమాన్షు జంగ్రా 370 రూపీస్ బిర్యానీ ఎపిసోడ్ నెట్టింట వైరల్ అయ్యింది. ఆ వివాదంలో ప్రణీత్ మోర్ క్షమాపణలు చెప్పారు.

తనను మెరుగైన మనిషిగా నిరూపించుకునేందుకు మరో అవకాశం ఇవ్వమని '370 బిర్యానీ' వివాదానికి కారణమైన స్టాండప్ కమెడియన్, బాలీవుడ్ బిగ్ బాస్ 19 కంటెస్టెంట్ ప్రణీత్ మోరే రిక్వెస్ట్ చేశారు. 

Source : https://www.instagram.com/p/DZg3gbLRE-y/

Show Quick Read

Key points generated by AI, verified by newsroom

• ప్రణీత్ మోరే స్టాండప్ షోలో '370 బిర్యానీ' వివాదం చెలరేగింది.
• హిమాన్షు జంగ్రా రూ.370 బిర్యానీపై మహిళను అవమానించి వీడియో వైరల్ అయ్యింది.
• హిమాన్షును ప్రోత్సహించినందుకు ప్రణీత్ మోరే క్షమాపణలు చెప్పాడు.

బాలీవుడ్ 'బిగ్ బాస్' ప్రోగ్రామ్, స్టాండప్ కామెడీ షోలు చూసే తెలుగు ప్రేక్షకులకు ప్రణీత్ మోరే (Pranit More) తెలిసే ఉంటారు. సల్మాన్ ఖాన్ హోస్ట్ చేసిన 'బిగ్ బాస్ 19'లో అతడు పార్టిసిపేట్ చేశారు. ఒకవేళ తెలియని వాళ్ళు ఎవరైనా ఉన్నా... ఇప్పుడు '370 రూపీస్ బిర్యానీ' (Rs 370 Biryani Controversy)తో పాపులర్ అయ్యాడు. ఆ ఎపిసోడ్ నేపథ్యంలో క్షమాపణలు చెబుతూ ఆయన వీడియో విడుదల చేశారు. వివాదంపై ఆయన ఏమన్నారంటే?

'370 బిర్యానీ' కాంట్రవర్సీ ఏమిటి?
అసలు ఈ వివాదం ఎక్కడ మొదలైంది?
What Is 370 Biryani Controversy? Explained Here: గురుగ్రామ్‌లో ప్రణీత్ మోరే ఓ స్టాండప్ కామెడీ షో నిర్వహించారు. ఆ కార్యక్రమానికి హిమాన్షు జంగ్రా అనే ఓ టెకీ (వెబ్ డెవలపర్) వచ్చాడు. షో మధ్యలో ఓ మహిళతో తన డేటింగ్ ఎక్స్‌పీరియన్స్ గురించి వివరించారు.

ఓ మహిళతో డేటింగ్‌కు వెళ్ళినప్పుడు... తాను రూ. 370 ఖర్చు చేశానని, ఆ డబ్బుతో ఆమెకు చికెన్ బిర్యానీ కొన్నానని హిమాన్షు జంగ్రా చెప్పాడు. అంతటి ఆగకుండా ఎలాగైనా తన డబ్బులు వసూలు చేసుకోవాలని, అందుకు ఆమెతో శారీరకంగా సాన్నిహిత్యాన్ని ఆశించానని తెలిపాడు. మహిళపై ఎలా చెయ్యి వేసినది, ఎలా దగ్గరకు తీసుకున్నదీ వివరించాడు. ఆ వీడియో వైరల్ కావడంతో సోషల్ మీడియాలో మహిళా లోకంతో పాటు చాలా మంది మగవాళ్ళు సైతం మండిపడ్డారు. హిమాన్షు జంగ్రాకు మహిళలపై గౌరవం లేదని, మహిళ అనుమతి / సమ్మతి లేకుండా అలా ప్రవర్తించడం సరికాదని, ఇటువంటి ప్రవర్తన సమాజానికి చాలా ప్రమాదకరమని పలువురు తమ తమ అభిప్రాయాలు వ్యక్తం చేశారు. వివాదం పెద్దది కావడంతో హిమాన్షు జంగ్రాను ఉద్యోగం నుంచి తొలగించింది కంపెనీ. ఈ వివాదంపై స్టాండప్ కామెడీ షో నిర్వాహకుడు ప్రణీత్ మోరే ఓ వీడియో విడుదల చేశారు.

హిమాన్షును ఆపాల్సింది... నాది తప్పే...
నన్ను తిట్టడంలో తప్పు లేదు... సారీ - ప్రణీత్ మోరే
మహిళతో ఎలా ప్రవర్తించినదీ హిమాన్షు జంగ్రా చెబుతుంటే... ప్రణీత్ మోరే క్లాప్స్ (చప్పట్లు) కొడుతూ నవ్వారు. ఓ విధంగా అతడిని ఎంకరేజ్ చేసినట్టు అయ్యింది. హిమాన్షు జంగ్రా చేసినది కామెడీ కాదని, అతడి చేష్టలకు చప్పట్లు కొట్టడం అంటే మహిళలపై దాడులను ప్రోత్సహించడమేనని విమర్శలు వెల్లువెత్తాయి. ఈ నేపథ్యంలో ప్రణీత్ మోరే క్షమాపణలు చెప్పారు.

"నాకు ఈ విధంగా జరగాల్సిందే. ప్రజలు చూపిస్తున్న ద్వేషానికి నేను అర్హుడినే. ఆ సమయంలో ఆ వ్యక్తి (హిమాన్షు జంగ్రా)ను ఆపాల్సింది. కానీ, అతడికి మాట్లాడే అవకాశం ఇచ్చి విషయాన్ని సమస్యను మరింత జటిలం చేశా. అది నేను చేసిన అతి పెద్ద పొరపాటు. అక్కడ నేను సరైన నిర్ణయం తీసుకోలేదు. నా నిర్ణయ లోపం వల్ల ఈ వివాదం జరిగింది. నన్ను క్షమించండి'' అని ప్రణీత్ మోరే ఓ వీడియో విడుదల చేశారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Pranit More (@rj_pranit)

370 బిర్యానీ వివాదం, కామెడీ షోపై జరుగుతున్న విచారణలో అధికారులకు పూర్తి స్థాయిలో సహకరిస్తున్నానని, తనను తాను మెరుగైన వ్యక్తిగా నిరూపించుకోవడానికి మరో అవకాశం ఇవ్వాలని ప్రజలకు ప్రణీత్ రిక్వెస్ట్ చేశారు.