Agnimitra Paul: ఎవరీ అగ్నిమిత్ర పాల్? 23 క్రిమినల్ కేసులు... బాలీవుడ్ ఫ్యాషన్ డిజైనర్ నుంచి బెంగాల్ బీజేపీ క్యాబినెట్‌లోకి

Who Is Agnimitra Paul: పశ్చిమ బెంగాల్‌లో కొలువు దీరిన బీజేపీ ప్రభుత్వంలో ఏకైక (ప్రస్తుతానికి) మహిళా మంత్రిగా అగ్నిమిత్ర పాల్ నిలిచారు. గతంలో బాలీవుడ్ ఫ్యాషన్ డిజైనర్‌గా చేశారని తెలుసా?

వెబ్ బెంగాల్ బీజేపీ క్యాబినెట్ లో ఏకైక మహిళా మంత్రి అగ్నిమిత్ర పాల్ బ్యాక్ గ్రౌండ్, పొలిటికల్ జర్నీ తెలుసా?

Source : https://www.instagram.com/agnimitra.inga/

Show Quick Read

Key points generated by AI, verified by newsroom

• పశ్చిమ బెంగాల్ బీజేపీ క్యాబినెట్‌లో ఏకైక మహిళా మంత్రిగా అగ్నిమిత్ర పాల్.
• ఫ్యాషన్ డిజైనర్‌గా కెరీర్ ప్రారంభించి, శ్రీదేవి వంటి నటీమణులకు దుస్తులు రూపొందించారు.
• 2019లో బీజేపీలో చేరి, అసన్సోల్ దక్షిణం నుండి ఎమ్మెల్యేగా గెలుపొందారు.
• 23 క్రిమినల్ కేసులు పెండింగ్‌లో ఉన్నప్పటికీ, ఆమెపై ఎటువంటి నేరం రుజువు కాలేదు.

Know About Agnimitra Paul: పశ్చిమ బెంగాల్ రాష్ట్రంలో సరికొత్త శకం మొదలైంది. భారతీయ జనతా పార్టీ తొలిసారి ఆ రాష్ట్రంలో అధికారంలోకి వచ్చింది. సువేందు అధికారి ముఖ్యమంత్రిగా ప్రమాణ స్వీకారం చేశారు. మరో ఐదుగురు సైతం మంత్రులుగా ప్రమాణ స్వీకారం చేశారు. వారిలో అగ్నిమిత్ర పాల్ ఒకరు. మంత్రిగా ఆవిడ ఓ రికార్డు క్రియేట్ చేశారు. అది ఏమిటి? అసలు ఎవరీ అగ్నిమిత్ర పాల్? ఆమెపై క్రిమినల్ కేసుల సంగతి ఏమిటి? వంటి అంశాలతో పాటు రాజకీయ ప్రయాణం గురించి తెలుసుకోండి.   

బీజేపీ క్యాబినేట్‌లో ఏకైక మహిళ...!
Only Lady Minister In West Bengal BJP Government 2026: పశ్చిమ బెంగాల్‌లో కొలువు దీరిన మొట్టమొదటి బీజేపీ క్యాబినెట్‌లో చోటు దక్కించుకున్న ఏకైక మహిళా మంత్రిగా అగ్నిమిత్ర పాల్ రికార్డు సృష్టించారు. ఆమె వయసు 51 సంవత్సరాలు. శనివారం (మే 9న) ముఖ్యమంత్రి సువేందు అధికారితో పాటు అగ్నిమిత్ర పాల్ మంత్రిగా ప్రమాణ స్వీకారం చేశారు. ఆమెతో పాటు సీనియర్ బీజేపీ నాయకులు దిలీప్ ఘోష్, అశోక్ కిర్తానియా, క్షుదీరామ్ తుడు, నిసిత్ ప్రామాణిక్ సైతం మంత్రులు ప్రమాణ స్వీకారం చేశారు. దాంతో నూతన బెంగాల్ క్యాబినెట్‌లో అగ్నిమిత్ర పాల్ ఏకైక మహిళా మంత్రిగా నిలిచారు. నిజానికి... ఆవిడ కెరీర్ రాజకీయ నాయకురాలిగా కాదు, ఫ్యాషన్ డిజైనర్‌గా మొదలైంది. శ్రీదేవి, హేమా మాలిని వంటి హీరోయిన్లతో పాటు హిందీ సినిమాలకు కూడా ఆవిడ పని చేశారు.

ఇంగా... అగ్నిమిత్ర ఫ్యాషన్ బ్రాండ్...
శ్రీదేవి, హేమా మాలినిలకు కాస్ట్యూమ్స్!
కోల్‌కతా ఫ్యాషన్ ప్రపంచంలో అగ్నిమిత్ర పాల్ ఒక లెజెండ్. సొంతంగా ఫ్యాషన్ బ్రాండ్ 'ఇంగా' (Inga)ను ప్రారంభించి, విజయవంతంగా నడిపారు. బాలీవుడ్ దిగ్గజ హీరోయిన్లు శ్రీదేవి, హేమమాలిని తదితరులకు దుస్తులు డిజైన్ చేశారు. బెంగాల్ నుంచి వచ్చి హిందీలో హీరోగా ఎదిగిన మిథున్ చక్రవర్తికి కూడా కాస్ట్యూమ్స్ డిజైన్ చేశారు. ఇంకా హేమా మాలిని కుమార్తె ఈషా డియోల్, సోనాల్ రావత్, వినయ్ పాఠక్, కేకే మీనన్ వంటి సెలబ్రిటీలకూ కాస్ట్యూమ్స్ డిజైన్ చేశారు. 

బెంగాల్ ట్రెడిషనల్ ఎంబ్రాయిడరీ 'కాంతా'కు అంతర్జాతీయ వేదికలపై గుర్తింపు తీసుకోవడంలో అగ్నిమిత్ర పాల్ కృషి ఎంతో ఉంది. ఆవిడ పశ్చిమ బెంగాల్ రాష్ట్రంలోని అసన్సోల్‌లో మధ్యతరగతి కుటుంబంలో జన్మించారు. తొలుత బోటనీ విద్యను అభ్యసించారు. ఆ తర్వాత ఫ్యాషన్ టెక్నాలజీ, మేనేజ్‌మెంట్ కోర్సులు పూర్తి చేశారు.

బెంగాల్ నేల తల్లి బిడ్డగా గుర్తింపు...
బీజేపీలో అగ్నిమిత్ర ప్రయాణం తెలుసా? 
అగ్నిమిత్ర పాల్ 2019లో బిజెపిలో చేరారు. ఆ తర్వాత బీజేపీ మహిళా మోర్చాలో చేరి, పార్టీలో పట్టును పెంచుకున్నారు. ఆమె రాజకీయ ప్రస్థానం చాలా ఆసక్తికరంగా సాగింది. అసన్సోల్ దక్షిణ నియోజకవర్గం నుంచి రెండుసార్లు ఎమ్మెల్యేగా గెలిచిన ఘనత అగ్నిమిత్ర పాల్ సొంతం. అయితే... 2026 అసెంబ్లీ ఎన్నికలు ఆమెకు మరింత గుర్తింపు తెచ్చాయి. ప్రచారంలో కీలక పాత్ర పోషించి, పార్టీలో అత్యంత గుర్తింపు పొందిన మహిళా నాయకులలో ఒకరిగా ఎదిగారు.

వెస్ట్ బెంగాల్ 2026 అసెంబ్లీ ఎన్నికల్లో తృణమూల్ కాంగ్రెస్ అభ్యర్థి తపస్ బెనర్జీని 40,000 కంటే ఎక్కువ ఓట్ల మెజారిటీతో అగ్నిమిత్ర పాల్ ఓడించారు. దాంతో ఆమె బలం అందరికీ మరింత తెలిసింది. ప్రస్తుతం మంత్రిగా ప్రమాణ స్వీకారం చేసిన ఆమె... బీజేపీ బెంగాల్ విభాగానికి ఆమె ఉపాధ్యక్షురాలిగా సేవలు అందించారు. మరి ఇప్పుడు ఆ పదవీని మరొకరికి అప్పగిస్తారా? లేదంటే మంత్రిగా విధులు చేస్తూ పార్టీ కార్యకలాపాలు నిర్వహిస్తారా? అనేది చూడాలి.

బీజేపీ పార్టీ వర్గాల్లో అగ్నిమిత్రను 'నేల తల్లి బిడ్డ'గా పిలుస్తారు. సువేందు అధికారి సీఎం కావడానికి ముందు... ఒకానొక సందర్భంలో పెద్దల దృష్టిలో ముఖ్యమంత్రి పదవి బాధ్యతలు సమర్థంగా నిర్వహించగల బీజేపీ లీడర్స్ జాబితాలో ఆమె పేరు ఉన్నట్టు, పరిశీలనలోకి వచ్చినట్లు సమాచారం. ఫ్యాషన్ డిజైనర్ నుంచి మంత్రిగా ఎదిగిన అగ్నిమిత్ర పాల్ ప్రయాణం ఆసక్తికరమని చెప్పాలి. అయితే ఆమె మీద 23 క్రిమినల్ కేసులు నమోదు అయ్యాయి. అవి పెండింగ్‌లో ఉన్నాయి. ఆ కేసుల్లో అక్రమంగా గుమిగూడటం, నిరసనలకు సంబంధించినవి కొన్ని. అయితే ఆమె ఏ కేసులోనూ దోషిగా తేలలేదు.