Pooja Hegde: పూజా హెగ్డే దెయ్యంగా మారితే... సూపర్ హిట్ హారర్ కామెడీ ఫ్రాంఛైజీలో బుట్టబొమ్మ పాత్ర అదేనా?

Pooja Hegde New Movie: పూజా హెగ్డే అంటే బుట్టబొమ్మ. ఆవిడ స్క్రీన్ మీద ఎప్పుడూ అందంగా కనిపించారు. కానీ, ఈసారి రూటు మార్చి దెయ్యంగా కనిపించడానికి రెడీ అవుతున్నారని సమాచారం.

తమిళంలో కొత్త సినిమాకు పూజా హెగ్డే సంతకం చేశారట. అది ఏ సినిమా అనేది తెలుసా?

Source : https://www.instagram.com/hegdepooja/

బుట్ట బొమ్మ పూజా హెగ్డే (Pooja Hegde) కెరీర్ గ్రాఫ్ చూశారా? ఆవిడ ఫిల్మోగ్రఫీని ఎప్పుడైనా గమనించారా? ప్రతి సినిమాలో అందంగా ఉంటారు. డీ గ్లామర్ రోల్స్ చేసిన సందర్భాలు కనిపించవు.‌ అటువంటి పూజా హెగ్డే ఇప్పుడు ఓ ప్రయోగాత్మక పాత్రలో నటించడానికి ఓకే చెప్పారని తమిళ సినీ వర్గాల సమాచారం. అది ఏమిటో చూద్దామా? 

'కాంచన 4'లో బుట్ట బొమ్మ పూజ హెగ్డే!?
ప్రముఖ నృత్య దర్శకుడు రాఘవ లారెన్స్ (Raghava Lawrence) తెలుగు, తమిళ ప్రేక్షకులు అందరికీ తెలుసు. ఆయనలో కొరియోగ్రాఫర్ మాత్రమే కాదు... ఒక హీరో ఉన్నాడు. అలాగే, దర్శకుడు కూడా ఉన్నాడు. రాఘవ లారెన్స్ హీరోగా నటిస్తూ... దర్శకత్వం వహించిన హారర్ కామెడీ ఫ్రాంచైజీ 'కాంచన' (Kanchana Franchise). తెలుగు, తమిళ భాషల్లో సూపర్ డూపర్ హిట్ అయింది.‌ 'కాంచన 4' (Kanchana 4 Movie) తీయడానికి రాఘవ లారెన్స్ రెడీ అవుతున్నారు ఇప్పుడు. ఆ సినిమాలో కథానాయికగా పూజా హెగ్డేను ఎంపిక చేసినట్లు కోలీవుడ్ టాక్.

'కాంచన 4'లో పూజా హెగ్డే దెయ్యం క్యారెక్టర్ చేస్తుందా?
తమిళ సినీ పరిశ్రమ నుంచి అందుతున్న సమాచారం ప్రకారం... 'కాంచన 4'లో పూజా హెగ్డే ఆత్మగా కనిపించనున్నారట.‌ ఆవిడది దెయ్యం క్యారెక్టర్ అని సమాచారం. ఇప్పటి వరకు పూజా హెగ్డే ఫుల్ లెంగ్త్ హారర్ కామెడీ సినిమా ఏది చేయలేదు. రాఘవ లారెన్స్ సరసన కూడా చేయలేదు.‌ అందువల్ల, ఇది ఫ్రెష్ కాంబినేషన్ అవుతుంది. 

ఆత్మగా కనిపించే సన్నివేశాలు పక్కన పెడితే... పూజా హెగ్డే ను ఎప్పటిలా అందాల భామగా చూపించే సన్నివేశాలు కూడా ఉన్నాయట. 'కాంచన 4' కథ, అందులో తన క్యారెక్టర్ నచ్చడంతో దెయ్యంగా కనిపించేందుకు బుట్ట బొమ్మ ఓకే అన్నారట.

తమిళంలో సూర్యతో... హిందీలో షాహిద్‌తో!
Pooja Hegde Upcoming Movies: ప్రస్తుతం పూజ హెగ్డే చేతిలో రెండు సినిమాలు ఉన్నాయి.‌ ఒకటి షాహిద్ కపూర్ సరసన నటిస్తున్న యాక్షన్ ఫిలిం 'దేవా'. మరొకటి... కోలీవుడ్ స్టార్ హీరోకు జంటగా నటిస్తున్న సినిమా. అది సూర్య 44వ సినిమా. 

పూజా హెగ్డే తెలుగు తెరపై కనిపించి రెండేళ్లు దాటింది. కథానాయకగా ఈ అందాల బొమ్మ నటించిన చివరి తెలుగు సినిమా ఏదో తెలుసా? మెగాస్టార్ చిరంజీవి 'ఆచార్య'. ఆ సినిమాలో గ్లోబల్ స్టార్ రామ్ చరణ్ జంటగా సందడి చేశారు. ఆ తర్వాత 'ఎఫ్ 3' సినిమాలో స్పెషల్ సౌంగ్ చేశారు. అప్పటి నుంచి పూజా హెగ్డే తెలుగు సినిమాకు ఓకే చేయలేదు ఇప్పుడు కూడా ఆమె చేతిలో తెలుగు సినిమా లేదు కానీ తమిళ హిందీ భాషల్లో క్రేజీ సినిమాలకు సంతకాలు చేస్తుంది.