Maa Nanna Super Hero Trailer: ప్రేమతో చేస్తే తప్పు కాకుండా పోతుందా? - ఎమోషనల్ రోలర్ కోస్టర్‌లా 'మా నాన్న సూపర్ హీరో' ట్రైలర్

టాలీవుడ్ యంగ్ హీరో సుధీర్ బాబు హీరోగా నటించిన 'మా నాన్న సూపర్ హీరో' ట్రైలర్ మహేష్ బాబు చేతుల మీదుగా రిలీజ్ అయ్యింది. ట్రైలర్ లోని హైలెట్స్ ఏంటో తెలుసుకుందాం పదండి.

మా నాన్న సూపర్ హీరో ట్రైలర్

Source : https://x.com/vcelluloidsoffl/status/1842516612378976483/photo/1

నవ దళపతి సుధీర్ బాబు (Sudheer Babu) హీరోగా నటించిన తాజా ఫ్యామిలీ ఎంటర్టైనర్ 'మా నాన్న సూపర్ హీరో'. ఈ మూవీ ట్రైలర్ ను సూపర్ స్టార్ మహేష్ బాబు రిలీజ్ చేశారు. మరి ట్రైలర్ లోని విశేషాలు ఏంటో ఒక లుక్కేద్దాం పదండి.

ఎమోషనల్ రోలర్ కోస్టర్ లా ట్రైలర్ 
సుధీర్ బాబు హీరోగా నటిస్తున్న 'మా నాన్న సూపర్ హీరో' మూవీ అక్టోబర్ 11న రిలీజ్ కానుంది. మరో 6 రోజుల్లో మూవీ రిలీజ్ కానుండడంతో చిత్ర బృందం ప్రమోషన్లలో వేగం పెంచింది. ఇప్పటికే సినిమాకు సంబంధించిన రెండు పాటలు రిలీజ్ కాగా, మంచి రెస్పాన్స్ దక్కింది. అలాగే రీసెంట్ గా రిలీజ్ అయిన టీజర్ కూడా సినిమాపై అంచనాలను పెంచేసింది. ఈ నేపథ్యంలోనే మహేష్ బాబు చేతుల మీదుగా చిత్ర బృందం ట్రైలర్ ను రిలీజ్ చేసింది. ఇక ఈ ట్రైలర్ లో ఓవైపు నవ్విస్తూనే, మరోవైపు ఇంటెన్స్ ఎమోషనల్ సీన్స్ తో హార్ట్ టచింగ్ మూవీని చూడబోతున్నాం అనిపించారు. 

'ఒకప్పుడు ఈ డబ్బు అవసరమైన నా కొడుకును నేను దూరం చేసుకున్నాను. దాని విలువ పాతిక సంవత్సరాలు' అంటూ మొదలైన ట్రైలర్ ఆ తర్వాత ఇంట్రెస్టింగ్ సన్నివేశాలతో కంటిన్యూ అయ్యింది. 'పైసల కోసం కొడుకుని కుదువ పెట్టాడు.. క్యాన్సర్ అంటూ ఎన్ని అబద్ధాలు చెప్తారురా డబ్బుల కోసం' అనే డైలాగ్ కి హీరో 'నాన్న కన్నా డబ్బులు ఎక్కువ కదా సార్' అంటూ డబ్బులు తీసుకోవడం సినిమాపై ఆసక్తిని పెంచేసింది. ఇక తండ్రిని హీరోగా చూసే హీరోకి ఆయనతో జరిగే టామ్ అండ్ జెర్రీ గొడవలను ఫన్నీగా చూపించారు. మరోవైపు హీరోయిన్ తో ప్రేమాయణం చూపిస్తూ సినిమాలో యూత్ ఫుల్ యాంగిల్ కూడా ఉందనే విషయాన్ని మేకర్స్ వెల్లడించారు. సడన్ గా హీరో ఒరిజినల్ తండ్రి ఎంట్రీ ఇవ్వడంతో సినిమా మలుపు తిరుగుతుంది. తన జీవితంలోకి అసలైన తండ్రి వచ్చాక హీరో పరిస్థితి ఏంటి? జైలు పాలైన పెంచిన తండ్రిని హీరో బయటకు రప్పించగలిగాడా? ఈ ముగ్గురిలో తప్పు చేసింది ఎవరు? అన్న విషయాలను తెరపై చూడాల్సి ఉంటుంది. ట్రైలర్ మొత్తంలో హీరో సుధీర్ బాబుతో పాటు ఆయన తండ్రిగా నటించిన ఛాయాజి షిండే, సాయి చంద్ హైలైట్ గా నిలిచారు. మొత్తానికి ట్రైలర్ చూస్తుంటే చాన్నాళ్ల తర్వాత మనసును హత్తుకునే ఫ్యామిలీ ఎంటర్టైనర్ తో సుధీర్ బాబు పక్కా హిట్ కొట్టబోతున్నాడు అన్న నమ్మకం కలుగుతోంది. 

స్టోరీ ఇదేనా? 
టీజర్ లో ప్లాట్ ఏంటి అనే విషయాన్ని సస్పెన్స్ లో ఉంచారు మేకర్స్. కానీ ట్రైలర్ ద్వారా అది రివీల్ అయ్యింది. పేదరికంలో కొట్టుమిట్టాడుతున్న సాయి చంద్ డబ్బు కోసం కొడుకును అమ్మాలనే కఠిన నిర్ణయాన్ని తీసుకుంటాడు. ఆ తర్వాత పరిస్థితుల వల్ల హీరోను షాయాజీ షిండే పెంచుకుంటాడు. తండ్రి అతని పట్ల నిర్లక్ష్యంగా వ్యవహరించినప్పటికీ, శ్రద్ధ చూపకపోయినా కొడుకు మాత్రం తండ్రి పట్ల శ్రద్ధ చూపించడంతోపాటు అతనికి ఎప్పటికప్పుడు ఏం కావాలో దగ్గరుండి చూసుకుంటాడు. ఇక హీరో జీవితంలోకి అసలు తండ్రీ ప్రవేశించినప్పుడు మొదలవుతుంది అసలు కథ. జైలు పాలైన తన తండ్రికి సహాయం చేయడానికి సుధీర్ సాహసోపేతమైన నిర్ణయాన్ని తీసుకుంటాడు. ఆ తర్వాత సినిమా ఎలాంటి మలుపు తిరిగింది అనేది తెరపై చూడాల్సిందే.